¹ Opaitevape toī tetã ruvishare ipope. Mbaety tetã ruvisha, haereka mburuvishare. Ou mbava ñande ru Tumpaivi, harã opaiteva ñande ru Tumpa ñonovañoī. ² Harã opaiteva tetã huvishare hareka mburuvishare oñemoiva oñemoī Ñande ru Tumpare. Harã oñemoīhēva numpahapo. ³ Harã mburuvishare haē a myngyje verã haikaviva japo'iaretape. Hembiapo porambavapei. Hãmera rykyjea mburuvishaivi. Harã rikopo hekopekavi harã haire ndyryhorypo. ⁴ Haireta RANGA Ñande ru Tumpa jokue vare haikavi ndeverã. Rijapo porãmbavarãpo katu rykyje shireta. Harã ha'ēa meēã rei juva kyse pukuva ipope (hokava heise ndukaverã). Hamehaire iko Ñande Tumpa jokuevarã haire mbysyrypo haima numpapo porãmba japo ivaretape. ⁵ Harã opaiteva ñaimepo mburuvisha ipope; ha;ēa oñemoiva rehe ñoiteverã, ñandypy a ijetava rupi verã. ⁶ Harã pymeēpo pymbyhepypo mburuvisha retape, Ñande ru Tumpa teimba meshureta mburuvisha heko mba opoverã harã hai jokueva raimi mba aporeta heikope. ⁷ Harã pymeēpo hekope kavi opaitevape mainungami pymeēverã. Hame pymby hepy potarã, pymeēpo hekopekavi; pymeēpo jyhaihupe, pyhaihu potãrã pyhaihupo poshimbape. ⁸ Avy pereve mbavape, harã jyhaihupeī pymeē ijupe. Harã hapisha haihuvape japoma Moise mbeuvekuare. ⁹ Harã kyrã avy PYÑYMBAI pyjyrekova, avy ripirijuka, avy rymanorõ avy pota haimba na'ãpovã, harã opambai Moise mbeuva mbatyha oī kovape: haihu ndapishape nde rijyhaihu haisha. ¹⁰ Harã pyryhaihu'añeteiteva japoampo porãmba hapishare. Harã kyrã haihuva hapishape japopo Moise mbeuve kuaretare. ¹¹ Jaikuaa kaviñai vãhē potama hara Tūmpa ray oujyvērãpe. Pysareko avypo pejepeī harampo pyjy haihupopeī, jara ñanymondoka jepeiverã ã'ē mbyryveama'oī ñande jairoja jaiheva aryka'eite Hesukritore. ¹² Ko'ēmapo, hame ara vahēpotai'tema, hamejapoipo jaiko porãmbavi haima japysypo kova ñyrãrūpe poru hava mbai sapeva reheva. ¹³ Vate'ome rãimi jaiko heko kavipe avy jaiko kaupe haima karuvasupe, haíma jaikova rãimi avy jaiko ñyrãrūpe haima mbai pota raivape (mbija ova) (envidia). ¹⁴ Harãpo kyrã pyñymonde Hesukrito jyhaihupe, haima pingareko avypo pyñymeē jyvy pyndyroo porãmba potava.