¹ Jameara chyrybyre che airure'asype. Ñanderu jyparekokue opapymeverã pyndykove Ñanderu pe naipota varãimi mbyhory shua kovarãnga nay Ñanderu Tumpa ñymbo'ea'ēchuape Ñamekavi Ñanderuperarã. ² Harã avypo yuiko kova tapyre hareka tapype ykovaraimi'ã'ē. Hãrã pyheyapopyndyreko poramba nai karive ohovēra. Pytã pyndypyape potara pikuavēra Ñanderu Tumpa pota varaimi haikavichuva mbyhorychua harekambai porãmba mba'ety. ³ She aipotai ambeupe, apyryparekorupi Ñanderu me'ēchevekua. Potamba pere piyeva she opa'aikua haikavive opai yairuroyara. Pente pyape yahechapo jyparekukue Ñanderu Tumpa me'va. ⁴ Pe pikuakavi Ñandyrete ryhera ajemai hetateva mba'apo kavi iyapereta. ⁵ Hãrã Ñande Jairoyava Ñanderu Tumpãrayre Hãrã Japoañandyhevi Ñanderu ray. Hete raimi pepetei me'ē Ñande opa ñai iyehevērã pente hau mevarãimi. ⁶ Pepetei Jairoyava Tumparayre hai me'ē ñandeva haikaviohovērã opaishagua. Hãra hei Ñande hekope jaiporyverã me'ehavañande Ikovera mbeuva. Jaiporyverã hekope Ñande jaipoyahea tumpa Ray jurureñande varãimi. ⁷ Harã opai jroyaheare t ymba'apo ka'vi tumpa ray re hai jururevarãimi opa pyrymboi'iare tymboikavi napishare hekope. Ha jurarevaraimi ñande. ⁸ Opaite pyrymboi'iare tymboi hekope. Opai kyripote, me'erã, tyme hekope, Opai tumpa'ho miñaka'õre Japova tiyapokavi. KYRĒ'YNPE oaipyryparekova tyme'ē pykaviape. ⁹ Piyaihu pyndyrova mokuembape piraruchi porãmba piyapopo haikaviva hekokaviva. ¹⁰ Pitihaihu pente peova piyiyapokavi hokane'ise pyjypareko haihuve dyryvy dijahuvitei. ¹¹ Avy patēyhe pijapovērā. Pyñymykyrēyhe pytū haikaviva opapiyapo tumparay, heirape. ¹² Pyhãrõ vy'ape avy'pynykangy opumbai ouperãpyarã pypyrãta kavishu avypyheya pimbo'ēa. ¹³ Pymboryhe pyndyryvyre mbaimba'etyrea. Pimbuhuapakavi. ¹⁴ Pymaikavihe pyndyrechatamba pymaikavihe. Avy pyhechatá. ¹⁵ Pyvy'a vy'ava handi piyaheo yaheovahandi. ¹⁶ Piko pēnte pyape opaite. Avy piyiyapo. Avy vateve, iñano avy jyroyane mbai kua'akue. ¹⁷ Avy pymynsovi mbavape poramba pyrēi katu chu piyaporērã opava pēvãrã. ¹⁸ Pyrei katuchu katupiyapoapeve pyrēikatuchu pikovera pyakaviape opavare pevãrã. ¹⁹ Shyryvyre Apyryhaihuva. Avy pymyngoria yme'e japovai pyrehevãrã pyndyryvyre piñono Ñanderu ipope. Pymbyra ñoiranga Ñanderu tumpa iñē'ēpe hai purūnupapoy yve opa poramba japova. ²⁰ Hãrã dyreshatambá Ñymbayrã myngarucha ju'uherã me'ēcha. Kyrãriyaporã RYMBOYAHE tatãpy hendyva dyryvy ñanca iãrē notivera. ²¹ Avy heya porambava jepyndyrehe nãrãndepo riyepyhe porãmba mbaikavivarupin.