¹ Airure peẽ pingareko kavi he verã Féberẽ haishyhindy reta mỹvãnhe kavi shu Cencréa Tumpa haõpe ² pymyvanjẽ kavi shu reta Hesukristo hẽ pe japohairã hairẽta shy hindy retare hairã pyhesha kuã po shũ reta ikoteve õn retape hai he shakua shureta haima shempỹ tepe hai shy ueshe. ³ Ambỹvete ve Priscilape harẽka Aquilape hai shymborỹ iã reta Hesukristo iñeẽre ⁴ haireta põta meẽ hỹkove shỹrẽ he hape sheiñoa shỹrõrỹhai shureta opaite tentá ỹngaitỹ õuareta tumpa haõ pe õreta jỹve ⁵ kyrãmbayive arỹ kai tumpa haõ pe ñỹmbatỹ hã uareta hentãpe mbyvete õuareta hareka Epenéto she ahaihúvarẽta haireta shyryuyreta jỹrojauareta tynonde hõuareta mbaãpovareta Asia mbytepe. ⁶ Ambỹ vete Mariape hai yive heta mbaãpo va ñandyrehe hape ⁷ Amby vete Andrónicope hãreka Júniaspe hareka hentape õvareta hai jyve, shymi irũ ivareta shy mpyperesoavape haireta roya kavi vareta jokue havareta mbytepe hairã iko shireta ary kai Tumpa jokuevareta arykaẽ tynonde vareta ⁸ Amby vete hai jỹre ã haireta yive shũrai huva Hesukristo iñeẽpe. ⁹ Ambyvete Urbánope hai jyve ỹrymborỹiva shỹve Hesukristo iñeẽ hãreka Estáquispe she áhaijũva reta. ¹⁰ Ambyvete Apélespe hekope mbaápo vareta Hesukristope verã ambyvete shũreta Aristóbulo hentã irũ retape ¹¹ Ambyvete shureta shy rẽta iru retape Herodiónpe õn reta ambyvete Narcisope hareka henta iru rẽta jỹroya va Hesukristo rẽ ¹² Amby vete reta Trifénapehãre ka Trifósape haireta jỹrõya varãta Hesukristo iñeẽ reĩ yapo varẽ amby vete jỹve Pérsidape hai jyre haihuva hareka mbaãpova reta Hesukristo varã Amby vete jỹve Rúfope Ñanderu mbijyje iyũ peve kuarẽ ¹³ Amby vete jyve ishy pe hai iko che sy raimi jyve she ¹⁴ Amarandu Asíncritope, Flegóntepe, Hérmespe, Patróbaspe, Hérmaspe, opandi ñandi cheyre ẽẽvã haipe. ¹⁵ Amarandu jyve Filólogope, Júliape, Neréo hai hindy jyve Olimpaspe, opaite rojava haipe'õrẽ. ¹⁶ Opaĩ piñymarandu Hesukristo ryhevare, pikuakũãvã opaite Hesukristo tupao kope'are pynymarãndu. ¹⁷ She rẽtarãre, she airure pee pysyry shi verã nyrãrõ'ia retaivi, jyvaisho'iheare Hesukristo iñeẽ pota'ityva iñe'ẽkue re, Hesukristore jyroja kavi'õre tantapo peĩ ñẽ mẽ'ẽã pee vekuare. ¹⁸ Kyrã'iare mba'apoã Hesukristo pevarã, hai pevarãvãĩ, mbai kuaa kue pyĩ mbytavy, tãnta mba jyroja vare. ¹⁹ Peepiniñẽẽ rẽndurã opa rupi kuaaha, hãmeara she avya pyrehe, hyrãrã she aipota mbai haikavi vãĩ pijapo pymbai kuaakue, avypa porãmbavãĩ pijapo. ²⁰ Ñanderuĩmapo mbypua kavi, haipo ñono Ãña ndepy ire. Hesukristo jypareko'ẽpo pymbytepe. ²¹ Timoteo, she shymbory'ia, Lúcio, Jason hareka Sosípater shy rẽntã'ĩrũre pymarandu. ²² She Tércio ambypara pee ko kuatia apyrymarãndu Hesukristo heepe. ²³ Gáio, she aikovape, pynymarãndu opaite tupao re kope'ẽvare. Erásto kope'õ tẽnta kyrypoti ñyngareko ẽ'hea, hareka Cuárto ñanyrẽtarã pymarandu jyve. ²⁴ Ñanderu Hesukristo jypareko ẽpo opaite pẽãrẽ kyrãpokui (Amen).

Koñema jurureva ryheva

²⁵ Ñanderupo mẽẽ pee mbarete, kyrẽ'y Hesukristo rupii she ambeu pynymbytepe Hesukristo potava raĩmĩ, hai rupi jaikua mbai ñemĩva, jykuamba vekua arikai ara hasa vekuape. ²⁶ Ã'ẽ jaheshama aryka'e mbe'uare vekua Ñanderu mbyparakava aryka'e Tumpa iñe mbeu'iareta pe opaite tẽntãvãre rojava hareka ñẽẽhẽndu verã Ñanderupe, Hesukristo rupii. ²⁷ Ko aravate'õ ija kova Ñanderupe ñambyvete opa ara Hesukristo rupii. Kyrãpokui (Amen).