¹ Hame she Juan ahesha ara vate'o py'ahuva hare yvy py'ahuva; Haipe ara tynondeva hare yvy tynondeva hare ỹ vasure (oseanokuera) mba'ety jyve. ² Haipe Tenta Ñanderu mbijicheva, haipe Jerusalen py'ahu, ahesha vejy vateivi, oĩkavi'ẽ tyrekorã mỹmashỹ'ãvã raimi imevera raimĩ. ³ Ahendu ñẽe ipu vasuva raimi, vapy'õvã hei: harã ã'ẽ o jyhipityavape (Tabernaculo) ime'ẽ Tentare mbytepe, Ñanderu teiva pe iko mbytepe Tuu teiva, hare tentare ikoposhi henta teiva. ⁴ Ñanderu teivapo joheshikui tentape'õre jahe'okue ñandysaỹ. Haipe ñamano mba'etymapo hare jajaheo manovãre mba'asyre mba'ety mapokui hare tynondevare mba'etyma opamahasava. ⁵ Hare Ñanderu hei; pymaikavi: She opaite ambypy'ahu opavare, mbypara kova ikoverã she haiva oĩpy añeteva hare pyrãta opa ara pevarã. ⁶ Hai hei she: opama iko she hai jypy hareka Opavape (Alfa y Omega) Shee po amby'y hareka ju'uhevape amee reipo shu koy syry ouva. ⁷ Hare pyrãtavã amee poshu opaite kova. Hare she haipo tu hare hairetapo shy raỹ haereka shy rajy. ⁸ Hare ñimimishivã, rajambava hare heko ky'av, hare pirijuka'iva hare imemba'iva rãimi ikojyreva, hare pajeva, hare ta'anga omombai'iba. Hare opaite japuvare mombohapo tatavase hendyvape (azufre) kova hai ñemano mokuehea. ⁹ Haipe oushe vateivi jokuehareare 7 angel mbyteivi ipope rekoreta pente haro 7 ñunupa (7 plaga) jypyiterã ha heishe. Ei ambishakapo nde: Ko tyrekorã hare avisha raỹ hyrekora. ¹⁰ Hare vate'õ jokueavare she rupi she Espiritupe pente yvyturusuraimiva iarẽ (cerro) heshaka sheverã pente Tentãvãsũ, Jerusalen vejyva vateivi, hare Ñanderu mbijichema heko kyambare pevarã. ¹¹ Ipype ẽ Ñanderu heko verava hesape ova ita hepyva ita verava sãkã hovy veravape, sãkãvã vidrio hepyvape. ¹² Haipe Jerusalen jerekue ime'ẽ pente vateve'õ mangarapya (12) õchẽ marẽỹvã ime'ẽ pente vate jjokueava pepentei õchẽ iãrẽ mbyparaha Israel Tribu hee. ¹³ Kuarasy ohẽvãkyty mbahapy õchẽ marẽỹvã, vate'ẽjy mbahapy õchẽ marẽỹvã, hare yvykyty'ẽjy mbahapy õchẽ, hare kuarasy icheva kyty ẽjỹ mbahapy õchẽ marẽỹva. ¹⁴ Tentavãsu opambava vapy'e doce (12) itavasu iãrẽ, pepentei kova itavasure mbyparoha pente Jokueeavo (apostol) he. ¹⁵ Hare vate'õ jokuehava aijeta ai handiva imere ipope pente Tankuara verava, ñyrãrõ verã tenta iarẽ hare õchẽ mareỹva. ¹⁶ Hare Tenta vãsu imere urũndy nãa vape (esquina) pukukue hare ipekue pente vãĩ. Hare vate'õ jokueavare hãa Tentavãsu takuara verape hare vahẽshu (2.160 km) pukukue ipekue hare vatekue pente vãĩ. ¹⁷ Haipe hãã Tentavãsu mangoraha hare vahẽshu 67.70 metros vatekue mỹha'ãnga ko yvy iãre õre poryva vokava vate'õre jokueavare poryjyve. ¹⁸ Hare Tentavãsu opambava japohashi ita vasu verava sãkã hovy kangyvape (jaspe) Hare Tenta vãsu japohashi mbai verava (oro) ova sypeva rãimivã hepyvape (critalpe). ¹⁹ Hare Tenta vasũ opamba vapy'e 12 ita marẽyvã iãrẽ. Haipe pevarã opa ijyporu opava ita verava, pente itavasu perate ita vera hovy ikangyva (jaspe) mokue heva ita verva hovy hũpya (zafiro), mbahapy heva pente ita verava parava (calcedonia) urundyheva pente ita hovyva (esmeralda), ²⁰ hare pandepoheva (5) pente ita vera pỹntava (sardonica), hare 6 heva pente ita pyntahũ hare tiĩvã (sardio), hare 7 heva pente ita vera hovy ijupya (crisolito), hare 8 heva pente ita vera hovy kangy (berilio), hare 9 heva pente ita verava iju verapya (topacio), hare 10 heva pente ita verava ijupyutava hovy kangyva (crisolplaza), hare 11 heva pente ita verava ijupyntava (jacinto), hare 12 heva pente ita verava sãkãva pyntahũ (amatista). ²¹ Hare 12 tenta honche marẽỹvã japohashi ita vasu hepyva (perla) pepentei onche mareỹvã raha pente tyree ita hepyvape, hare tentavãsu japohashi kvataha oĩmpi ita verava (oro) vidrio naĩmivã hepyva. ²² Haipe Tentavasu, hapype aheshã Ñanderu hentativishava Ñanderu mbai jepyva tei hai avisharay iko'ipy hare opa pyta, Tenta ovasu Ñanderu hentarã. ²³ Haipe Tentavãsu ikoteveã kuarasy hare jasy sape verã, Ñanderu heko opa himbipepy. Hairãnga hai avisha ray. ²⁴ Hare hapype Tentare vata sapevape, hare tenta juhuvishare veruverã haipe mbai py heta jepy verã. ²⁵ Hare tentavãsure hõche ñymbotỹãpo arape, hare pynturã mba'etymapo. ²⁶ Hare tentare verupo ijehe mbai sapekue hai ña'ampova, ²⁷ hare icheãmpopy mbai kyava, poramba japo'iva hare japuva, koñoo ẽ he ñonohã vãi po ko avisharay tykove ryheva kuatiape'ovãĩpo iche.