¹ She Juan, ahesha pente araivi jokueava araivi vejyva. Ipopeoi yvykua kypeõva ryheva llave pente carena mareyva. ² Ha pysy tivasu añumba mareyva, mboi arykaeiva, hai aña, o mbai poshy o aña, ñapintishu 1000 año pukukue. ³ Hai mombopy yvykuakype'õva hairã mboty kavi Isello ryheve potaveama mbytavy hēnta īruretarã hasapeve 1000 año, harã poiapojy shikui mboty ara. ⁴ Hara ahesha, vapyvape tivisha ê hai vapy ē'īarãreta, hara meēashureta mbaikatuva pirimbivachevarã, harã hesha ñankã jasyja; shivekua jyrojakui Hesukristorã hai mbeuirã Ñanderu iñēē, haire mby'veteã arykai mbai mymba hairã taãngã, haire ma eīahē ñonoãhē mymba mbyparãpya syvare haere iporē, haima pūãjyrã mondojepe Hesukristo handi 1000 año pukukue mondojepe oisãmbyhy. ⁵ Haima arykai ^yngare manove'kuare kuerajy vyãteripo ambeu hasapeve 1000 año, kova hai ñemyngovejya penteihã. ⁶ Haima vyãite heko kyamba hai mynguerajy ñytynondeverã, mokue manoverã jepyãhēreta , ikopo handi Ñanderu haima Hesukristo handi paireraimi mondojepe handi 1000 año pukukuē. ⁷ Haima hasama 1000 año, poiaposhi añavasu (satanã) mbyperesoareivi ( icaicelgui) . ⁸ Hãrã ohēpo mbytavy jyverã tenta ijaretape maipi õre opaiteva yvy iare iare. Gog hare Magod mbatypo syndaro hetakue, yvy kui yvasu hymbe'ipi ovaraimi, ñyrãrõvasupe vãrã. ⁹ Haire jypi mynyhē peve Israel jy'yvy hetakue haima mangora heko kyamba ikoapi tentavasure hai haihuva ( Jerusalen ), hairã aravi o'a tata haira opahapy shureta. ¹⁰ Haima aña, hai haiñoi mbytavyrereta, momboapo y h^ymbey, ouva satana tata hendyvape pupuēape oihape mymba haereka Tumpa iñe mbeurã ãnga iare japurei'ivare haipepo hasa asyreta arape pyhare ara atyvasu vive ara atyvasu peveverã ( tapi aguarã ) opambaverã opapo ñaimbivache Ñanderu vapyhã hynondepe. ¹¹ She Juan ahesha pe guapyhava vasupe, tiva haipe hevapy iiareare, hairã hyvacheivi, kañy yvy haere ara, heshajyveama maipi. ¹² Hãrã ahesha arykai manove'kuare, sanjeymba haere ndeivamire, ñymbo'y jyre Tumpa vapy hynonde, harã peaaha kuatia iñēē hairã pe'ajy yngakuatia ñēē, ko hai tykoveryheva, mbivachea handiverã japovekuare, mbyparahava rãimi iñēē kuatiare. ¹³ Hairã yvasu opoi manovekuare opaitea enpyaguive ñemano ohova añareta poijyveshi opaiteva haipe oivaguive, mbivacheaverã jyve japovekuare. ¹⁴ Hairã ñemano pe añarenta momboa ysyrya tata peysyrua tata, hape lago tatagui hai ñemano mokoī. ¹⁵ Haima he vaheumbashua tykove opambary, hevape ñēē kuatiape ñoãva momboãpo ysyrya tatape.