¹ Haīma kõva hakykue ahesha ãraivi jokueava vejyva araivi tirisha pyrãanta ryheve haīma opa sape yvy opa hīmbipe. ² Hai hynãtu sapuke, heiva õ'ama õ'ama Babilonia, tenta tivishava, ã'ē ikoshi añare henta, hare opa marãrãngatuva espiritu henda hare marãrãngatuva vyra ky'ava hare porãmbava haity. ³ Opa tentaipi ore savypo vino pyrymby heko porãmba pe tenta huvishare rerekore tapype heko porãmbava, hare mavēndeavape yvy'iãre õvã ñymbyky põti heta handi. ⁴ Haīma a'ēndujy ñe'ē yngava hynãtu vateivi he'iva: pēhe shivi, pēē shyrenta irūre, mãihe pēē pyñymby hekokavia jyve handi kui mãihe pindi pityvekui Tumpa ñunupa. ⁵ Heko ky'akuere mbatyama yvytyrusu rãimi arapeve, harã Ñanderu Tumpa manduahe haire japovekua. ⁶ Pijepy hese, hai mē'epeva raimi, pijapohe porãmbava, ko vasope mby'houkavaraimi y^ngavare pymby ho'ūka katujyvei. ⁷ Hai jyroja'ijeva hare pota ha'ei myty^nondeva, kyrã katipo tykuãsypo hasave pymbypy'a poveshu, hãira hei py^ape: Sherãnga ãi tēnta juhuvishãra, harã she aikovēamapo tapype ime'vēamava raimi (viuda) harã jaheo vã'ehepo she ãivãpe. ⁸ Hãmeara vã'heposhukui pente ara Tumpa ñunupa (castigo) mano, ja'he'o, ñymbãhy hãima jãpype hapyha poshukui, jepyhe ko ara ija pyrãtaīteva, Ñanderu Tumpa teivapo mbivache shukui (condenar). ⁹ Kova tenta huvisha, tapype heko porãmbava rere korēva hare potatē karu kaivekua, hãsepo hy^natupo hãpīrõ, heshama hēndykue hãtãti'erã. ¹⁰ Ñymatãi jyreshireta Tumpaivi ouva ñunupa kuje jyreshi retarã mõa pyrara veretarã, harã heireta: tenga, tengateva, ko tentavãsuiteva, voka Babilonia Tivishaiteva, pente orape ñymbai. ¹¹ Hãima mavēnde'ire yvy'īarē'õvãre hãse hare hynatupo hãpirõreta mba'etyma pota ovashiva ña'ãpõ vare. ¹² Oro, kyrypoti, itahimbipeva, irū ita hepyva (perla), mondeaverã pyrērīva, mondeaverã ishivã, pynta kaviva yvyrapishe katuva, õpaī morãrã ngatuva poruãvare japoavēkua elefante ihuivi hare yvyra hepyva, bronce, hierro, hare ita tīva (marmol). ¹³ 'Canela'mbai pishe katuva yvysa jaisy hapy ava (insienso, mirra) mbaipisheka, vino, ñandy, trigo hareka, trigo mungu'iava, toro ta'y rusu, Avisha, Kavaju, Kareta, Kavikue, Jokuerarea (esclavo). ¹⁴ Haima mbaĩ ĩa tẽntare irureta potaitereta hareka juheĩtereta, opa oho ndyhevi, hareka opaishareiva opava mbai potohoiteva vahẽaporeta haire hãrã vahẽhaposhu reta rẽĩvape: ¹⁵ hairã mba'ova'õ reta mbyvetehamba vekuare hãrã tẽnta vasure ñymymbyry va ẽẽshiva kyjekuevi, ñunupaivi hãse hareka jaheo vasupo, ¹⁶ tenga she, tenga she, nde tẽnta vasureta ñymondevare kamisa hepy vare mondea pỹntava hãrã pyntaraiva haima mashyshyava 'ito verava raimi ỹnga mashyãva hepyva. ¹⁷ Pẽnte arapepo opa ñymbai, opaua' mbai hepy imere vare ryheve hareka opaite haire mbyvatavare varko marẽyva yyvasu mbyteipi. hareka yyvasu hymbeypi jokueva reta hãndi mbyryivi ñymbo'y iare tẽnta vasuivi. ¹⁸ Hãmã ahesha she tatanti jupi ohova' tẽntaivi, hei ijupe reta mãrãva tẽntara ova reta. ¹⁹ Haima ity yvy timbo ñãka iarã, haivi sapuke hãse hãrã hynãtu jaheo hãrã hei: tenga she, tenga she pekui tẽntavasure ñymambai hebykue rehe, opaite varko vasukue ijare vataua yyvasu mbyteipi, ñymby kyrypoti' heta'i vekuare, ²⁰ pyvyape arare nde hekokavivai kyambare Tumpa inẽẽ mbeuva nde Tumpa mondova, Ñanderu Tumpa pirĩmbivache hareka kova tẽntape. ²¹ Hãrã pẽnte araivi mbouhava pyiãtãkue rupii hupi pẽnte itavasu, ita jere'õ rãĩmiva hãrã ity yyvasupe, heishu: kyrakatipo pyrãtauare mombohakui Babilonia, tẽnta vãsu retape hãrã matymba vãhẽhashu verẽrã. ²² Hãmã hẽnduaveãmapove oipa ñymbyrahe hareka mimby, trompeta ipu hãrã opaishareiva timbipoiy reta opapo kañykui ẽẽpya reta hãmã angua jerera' ipuveãma hẽndua verã haĩre hapype. ²³ Tataindyze sapeveamapokui hapype hãrã vya vasu ryheva jyrekoseape. hẽnduhaveãmapokui hapype mba'ova'õre ikoposhikui. mburuvisha vasure hareka ndypajeva tãimirapo rypyrymbytavykui opa hẽnta'o retape. ²⁴ Hapype vãhẽhaposhu Tumpa iñẽẽ mbeu'ia hareka heko kyamba Tuvype hãmã opaite jukaha vekuare ko yvy iãrẽ.