¹ Hará pentei hai 7 vate'õva jokuevare imẽrevã herã 7 haromi ỹ ho'ũhãpy'ã o'u aivape herã he'i arỹmbỹ he shãpo nde Tapỹpe ikoa raimi porãmbaiva oñemoi hẽvareta, ñynga rekohevare herã ha'ivapy i'arã kova'ỹre. ² hai iko handirã porã mba'ãve kuãperã tentã huvishare ikovarẽ ỹvy i'ãrã herã mynga'ú yvy ijaretape uvatype heko vãĩva rẽta. ³ herã haipearãvãte õ jokuẽ'ãvã shỹraha herã pytuã ỹvy iko'ãmbaipi, haipi herã ãhesha hai tapype porã mbã'iã vapy porã mbã'iã pente mymba 5 pytavã, i'ãrã, tyñỹhẽ, ñẽẽporãmbãvã herã hesha tambãva Ñanderurẽ, haipe mymba 7 ñakavã herã 10 hãtiva. ⁴ Herã haipe tãpype hai ñimimonde mondevã pyntavã hepỹvã herã mondeva hovy kaviva, herã ovã ita mashỹava, ita tiva manshyavã haĩ ỹngaiva ita hẽpyvãre ipope revã pente, hãirami mashỹãva tynehỹvã heko porámbava hai heko ky'ãva. ⁵ Herã syvare mbyparã herã ñemi mbẽẽ veĩn Babilonia pe tenta varẽ, herã heko vaiva hai heko ky'ãva. ⁶ herã hai, Juan, ahesha hai tapype hekõ porãmbãã oho savypõ'i herã pytama jyrojahẽ Ñanderu Ray rehẽ herã heko kavia huvype, herã shypy'ã kyje apytã. ⁷ Herã he vate'ã jokuevã pyrãndu hei marãirã dypyã kyje rỹpyta. She rangã ambẽ'u põnde hai Tápype jeko porãmbavã herã mymbare mba'i ñemi'iva Tapỹpe vapyvã hai mymbãiãrã hera hai mymba rekovã 7 ñakavã hera 10 hantiva. ⁸ herã mymba ryhesha ikova kuã herã hai heshave'ama oho jupijyverã ỹvykuã kype ohova ñymba'i jyverãvã: herã tẽnta peiiãrã hẽẽ mbyparã mbãva herã tykove kuatiã ñeẽvarẽ õpapõ hendy heshavare herã mymba ikoreivã herã mba'ẽtyma haipe ou jyvã. ⁹ Kua aha kaviverã kova mbã'ẽ ikotevẽ arãkua'a varẽ (ñakakavivare) herã 7 ñakava hai 7 shytaki verava haikaviva hai iarã vapy Tapype porã mba'ia. ¹⁰ Hai 7 ñakãrẽ 7 tenta ruvisha, 5 shuvivare o'ama pentei o'iterivã herã ỹngaivi'oũva ndeiteri õ'u herã ourãva kỹ'ãpo'ikoverã. ¹² Hai 10 tinuã ryheshava hairanga 10 tēnta ruvisha, haireta nyngarekoa terihe, nynga rekopohe hai turumua oñepyrypo ñynga rekohe. ¹³ Harã 10 tēnta ruvisha õi handi pente py'ape mbyhasa po jepyva harã ñyngareko hai turumba pevarã. ¹⁴ Haireta ñyrãrõpo kova avisharay handi, haipo, haipo muyhaikavi reta, haiteiva rãnga teja, ija harã mburuvisha huvishavasu, harã hai oi handiva, ñande ruitea henoma vekua, haihekamapyva harã hai harõvã jyhaihupe hai ou jypeve. ¹⁵ Harã arapyvi jokuehava heive she: Yreta nde ryheshava, harã taupe hekovaiva vapyape, hai reta ranga heta tēntape'õre trivureta, heive kuareharã tēntaretare. ¹⁶ Harã hai 10 iju ryheshava hokava turumbare, haipo ije'aveã harã taupe hekokavimba vare hai poiposhi, mahai mynani poshu, mokuepo hai taupe heko kavimbava ho'o harã vahē japype hapypo shu. ¹⁷ Ñande ruitea mije haire py'ape opãijapova hairã hai potava, hameara haireta õi handi haire pente ñe'ēpe kova turūmba handi, mbyhasa poshu hai pyrãnta haima rahakava opa'ikopeve ñande ruitea he'ikavekua. ¹⁸ Harã hai taupe hekokavimbava ryheshava harã kova hai ko tēnta vasu ñyngãrekohe verã tēnta reta ruvisha retape.