¹ Shẽ ranga Juán aimbõ'yma yvásu hymbẽpeva ahesha pẽnte mỹmba ñarava jupiva yvãsuvi 7 ñaka reva hareka 10 iju haima 10 iju iááraréé 10 ñaka ve'óbare (corona) pepénteí ijy hýrure mbaparáha pẽnte tyrẽ porambãva, hẽ'iheva Ñanderu Tumpa. ² Hãra mymba shẽ ahẽshava õõva ñavapýnta juru teju ñaúúmba mare'yva (Satana) mẽẽ'e kova mymba kovape mba'e jepykue vãpy heva shambẽky vera. ³ Hara ahesha mỹmba ñaka pẽnte kutuha kávi manoite vẽra raimi háara kuerajý, hameara tẽntape óóvare hesha rãva misirushu võkava mymba kõva (Anticrístope) ⁴ hairé tẽntape'iáre mbyvete shureta teju ñambymba me'éajyshu kova mymbape mbaii jepýkue hara mbyvete jyveshu reta kóá mymba kóvape, haima he'i reta mbávara õõva kova mymba kõõvape, hara mbãvarapo ñyvaro handi. ⁵ hãra me'ẽhashu pénte juru iyétavẽra mba'e tivishava hara porambãã ijetahevera Ñanderu Tumpare, hãra me'eha jyshu pỹrantãkue ñyraro hãndivera 42 jasy pe (mese) (1250 día) ⁶ hãra mỹmba Ñanderu Tumpa jahe'hẽva hyrakua vãsu hara jaive ãrape ikovape. ⁷ hãra me'eashu mbã'e Tivishava ñyrãrõ, hãrã pyrãntaveva, haire heko kyambãvape hãra ikopo mburuvisha vãsu raimi, shambẽkyvera õõpava tẽntape, iare he'ivekuare, Ine'ẽ ỹngaívare tẽntape iaretape. ⁸ hara opãite yvy'iãre iiãre yvy iare hẽẽ mbyparãmbãva ha'ẽ avisharay Ñanderu iñẽẽ tykõve pe'ẽẽva mbyvẽtepo hokava mymba kõvape kõva yvy tivishã kue nde iiãve japõha vavẽkua, ⁹ Japỹsava tyhẽndu. ¹⁰ mbãva pyrymby perẽsava, mbyperesoããpo jyve. mbããva purũ kava, jukãhaipo jyve. haiipema héko kyambã põtamopõ pya reheiise hara jyraya kãvi ryhẽve. ¹¹ hãra ahẽsha ygãva mỹmba jũpi ỹvỹvira iju mõkueva avisha ray raimi ijẽtava tẽju ñamỹmba raimi. ¹² Kõõ mỹmba kõva pory mymba tynondẽva mba'ẽ kũava hẽshava hynõnde hãra ñyhã'ava õõpa tentape õõvare mbyvẽte shuvera kõva mymba tynondẽvape hai reko kuẽvekua hẽtere puru kutu porambã mano mapõ'iia hara kuẽra jỹbekua. ¹³ hãra haii hapopo mba'e heshãha vẽra (Milagro) ityñoi jyve tata ãraivi yvype yvy iãre hyñande ¹⁴ mbytãvy shu vẽrare ha'e mba'e heshãhavẽra rupii me'ẽha shu mbai pyrantãkue jãpovera kova mba'e heshãha vera akuãva mỹmba tynondẽva hesa hyñonde ime revẽkua kutũha porambã pya pũũku vekua vi ime jy'i hamẽara nõkava mỹmba mõkue hẽva japõka pẽnte taãnga marẽ'yva ãkuava mỹmba tynondẽva pevãra. ¹⁵ hãra me'ẽashu mbã'e jepỹkue myngovevẽra võkava mỹmba ha'ãgakue kõõva ijetara jukãkavera opããiteva yvy'iare iãre mbyvetẽmbashũva võkava mymba tynondẽ vape. ¹⁶ Hãra opãiteva tẽnta pe'iare ipãre, maiva sỹavre, ñañoka marca timei mishiva hããreka marẽ'yva mbãi hẽta veva, maira pavẽte'iva hãreka jokueharẽva, jokueambãreva. ¹⁷ Hãra mba'ẽty mba'ovavẽra hãreka mavẽndevera mba'ẽtyre võkava mymba márkava, hãreka mymba hee mba'ẽ tyrẽra mbapapaha (inúmero) hee jykúãpo mbyparãha pỹava. ¹⁸ Kuããha veva akuava mbã'e võkava kapepo'ẽẽ mbai kuããva haípe ñakakãviva hekapo kova mymba ñynumero hee mbyparãha pyva kõõva mymba inumero raga 666.