¹ Harã heshaha vate, pēnte mbai heshaha verã (hairãnga cenal) Marē'yva: pēnte tapype ñymondeva kuarasype harã jasy ipy'ipe'e, hare ñakare'ē pēnte tanka mijeapya (corona) 12 jasy tata imereva. ² Harã hai puruavãsu'i harã sapukeite'i membyma potarã. ³ Harã jykuajy y^nga heshahaverã ãrare. Pente teju ñambymbavasu pyntava, 7 ñaka hare 10 hãtiva, hãima 7 ñaka iarē'õre 4 tanka minjea pya (corona). ⁴ Huvepe mbyty ryry jasytatare mbyteivi mbahapy'peve hãrã ity yvy īarē. Hãima tejuñamymba ñymboy tapype membymapo'õvã, hynonde hai mõkue shi verã memby. ⁵ Voka tapype memby pente kuimbai, shambeky verã opaite tēntare yvyrami po'īva hieroivi japõava. Harã memby hupiha Ñanderu Tumpa ēvãpe hyvapykavasu hynonde. ⁶ Voka tapype ñemi yvy ikõa mbape hendarãpe Ñanderu Tumpa myhēvã shuvape, vokape hai myngãru shu 1,260 ara pukukue. ⁷ Harã iko haipe pente ñyrãrõ vasu arapy, ko arapy jokuearea juhuvisha Minguel jokuerea rehandi ñyrãrõ ko tejuñombymba handi harã jokue reare ñymbory he handy. ⁸ Ko tejuñamby mba jepy^ahe Mingel hãrãa ko tejuñambymba vasupe vãra vã'hēa veamashu ēvērãpe ãrapy. ⁹ Hãima mombeha ko tejuñamymbavasu yvy īarē, mbyheha jyve mboi kua kuava, aña hare Satanas mbytavyva tentaipi'õre harã mohēhã hãndi jokuevare espiritu porãmbava. ¹⁰ Hãima ñe'e hy^natu araivi he'iva: Ã'ē vãhema Ñanderu jypareko, ñyshambeky harã jepyhe, haī tay Hesukrito shambeky vevã, momboha yvy'īarē Ñanderyvyre mbeu kavimbaverã, porãmba ñaniñonovekua ara hare pynturã Ñanderu Tumpa hynonde. ¹¹ Hairetarãnga jepyhe avisharay hypype, harã mbeukai Hesukrito iñee hare hykovepe, kateyãhe hykovekue retare, ajemaīpo mano Hesukritore. ¹² Hãmeara pēē pyvy'aite pe pikova ara hapy^pe, tēngatepe yvy hare yvasu īarē'iare, vãhemarã pynypaupe aña, (Satana) hairãnfa poshyite kuakavi'erã koī pima'ē jy'araretarã. ¹³ Haimã teju nambymba heshama momboha yvy'irērã moña voka tapype, hai meby kuimbai pēnte. ¹⁴ Harã voka tapype me'a shu mõkue tavatomi hypepo ticihava veve'ohoverã yvy'ikõãmbaipi, hendãra mbyhēvãha'ēshuape, harã haipe mbyngaruashu, mbyry mboi ēvãivi, pente naño mokue año mbahapy año mbytepeve (medio). ^{18 15} Haipe mboi mohe juruivi voka tapype hakykue pente ysyva tivishavarãimi, rahaverã voka tapy^pe. ¹⁶ Ko yvyrãnga japokavihe voka tapype, jyrypekarã opa mokue ko y syrya tivishava ohevekua ko tejuñambymba juruivi. ¹⁷ Poshyiteishu teju nambymba kova tapype, harã oho ñyrãrõ handiverã ñymoña handi vekuare ime'õre haire japova Ñanderu tumpa heishuvarē hãre Hesucritore jyrojahea. .