Capitulo 11 Mõkue ē'shava

1 Hara me'ē'ã she pente takuara hõvava yvyra michi vami. Harã hē'iãshe pu'ã eñe'ã'ã (emedi) my'ãranga. Ñanderu Tumpa õ'vasuranga me'ē'ã'ēvape (contar) papa ãipe vokava ñymbo'ē vare. 2 Ñyvyipy^ katu'ãpe oiva katu avy^itei ry'ã'ã me'ē'ã mara teta ijare roja mbare ñimbija he'ē Jerusalenre 42 jasy peve (3 años) 3 She ranga ame'ēpo she mokoi ē'sha'ã vera pyrãnta mbe'ū vera shy ñe'ē 1260 ara (día). Monde'ã ma vera hãire vosa sorova (luto), ñande pevara (hēiva monde'ãva hūva). 4 Kova ranga hã'ē mokue olivo yvyra hã'ē mokue tataindy hēndeva, mbiji she'ãva yvy ija hyndonde. 5 Hara ime'ē pota porãmba'ēva japo hēreta hasa asypo, o'ēra tata kova heshavera juruivi hopã ãmpyvã reta hēshatamba reare. Hara imerea pota mbaiva kova heshaverape manovera. 6 Kova hē'shava pyranta joko vera amapynture pota mba haivivena voka ãra haire mbē'ūrã haireta jepyi'ē y^re japo shivera tuguy. Harã jepyi'ē jyve'ê reta mby'ãsa asyvera hetave tentai pi'ãire marara katuva mbaiporambava hãite potava raimi. 7 Hãi reta (ha'ekuara) opajapora japova, hara mymba porambava jupipo yvykua kypevape yvy ry'ēva ñyraro vera hare andi jepy'ērete (omopoguy rire) opa juka reta shu. 8 Hete kuere hē'ja'ãpo jypyso'ē teta guasupe pe'ēpy ñy mby'ēva espiritu ry'ēvy ñe'ē Sodoma maira (tera) Egipto vokape mbysava va'ã vēkueã kurusure ijape. 9 Hara kova tenta opãi marara ngatu ñe'ē mararangatuva ñe'ē haima yvy iarē ēvare me'ē hete retare mba'ãpy ara imedio puku kue hãire ē'japo ñoty'ãvera shuvera. 10 Hara voka tenta p'õre vy'ã hara mby' õryitereta raã kanda iky reta mēēshuã (jopoi) kova mokoi heshava mangatu'ã shu reta hãire yvy iãrē ēva. 11 Harã mba'ãpy ara imedio rame Ñanderu Tumpa mboyva espiritu tykove ry'ēva hete pū'ãjy rame opa myjyshe heshava reta. 12 Harã kova ē'sha'va hēndu'ã pente ñē'ē jy'ãpuva hēi shu reta: pijupi kore hara jupi reta vãte pente amapytypy. Hãire ē'shatambareã rē ma'ē jyre'ē. 13 Hãmenda iko yvyryryvasu haipe õjaty'ēvekueã mbytēpe pente õvã 10 õ'ã haima 7.000 tenta pe'õre mano hyngavare ē'shamara voka va mba'ē mykyjenda hara mby vēntema Ñanderu Tumpa vate'õ pevara. 14 Ja'ãsa asyvasu mokue hasama, harã mba'ãpy opamapo va'ē.

15 Pente mimy 7 hēvã
15 Hãipe arape jokue'ãre 7 hē'va mbopuramē mimby iko pente ñe'ē ipuva tivishava arapy hēiva: yvy iãre tenta pe ore py^tama Ñanderu Tumpa hara Kritope varã hãi ipope'ē (oisambyhy) vera õmpabã vera. 16 Harã (ha umi) 24 karai sajaymãre (anciano) vapy ēvã vappy varetape Ñanderu Tumpa vapy'ã hynonde hynypy'a jatykapo Ñanderu Tumpape. 17 Haire ēiva orē juru re'ã (roagradece) nde iriija (ore Jara) nde katu rijepy'ēva. Nde imeiteririva, rikomarivekuea hara reijyverã nde rypysy vera nde rijepy (nde pu'aka) hēva. 18 Hara tenta opa poshy jery hara va'ē jyveru jyve ndyposhyva ara hara oumã ara rimbivashe vera ha'ereka mano vēkueare haivi rymyngojapa rijapo vekueare nde mbai mbe'u (profeta) vare japovare hara heko kavivare. Mishiva maira mare'yva (tuichava) va'ēma jyve ara nde rivare'ēvera kova mbai iãrē ko yvy pe. 19 Harã pe'ã'ã Ñanderu Tumpa õvasu ē'vã arape haivi ē'sha'ã mbaijyry (karamegua) ãi voka ēsha'ã Ñanderu Tumpa py'ã mypente vera Israel reta andi. hara iko vera va ñe'ē ipuva y^'ãpuva yvyryry hara amanda mare re'y^va (guasu).