1 Haivi ahesha ĩru vate araivi jokueava mbai katu vejyva vate araivi avãpỹtu mbytepe ñakare'ẽ pente japuava Noe jyvarko hova hendy'é kuarasy ipere tata ñymboy'ẽ mbytepe. 2 Hai i pope ĩmere pẽnte kuatia ñẽẽ michĩva ipyre hai ipy jakata kyty yuy ñono yy tivichava ĩãrẽ hai ipy jasu kyty yuy iãrẽ. 3 Hai sapuke'i iñevasuva java kãrõrõva rãĩmi, hai ĩãrẽ sapuke'iva rãnga avãpỹture mbyhasa ieta ĩñẽẽ vasuva. 4 ijenta'ẽ ieta haire avapỹturerã che ambypara sente'ai iñẽẽ reta pẽnteĩ ijetavarã tu ahendusetevẽ ijetava vateivi hãrã heihevã: Avy mbeushu ieta mbai, kuavare hei vekua nãtu kavĩrea avy mbypara pẽntei'ẽ. 5 Petei'ẽ vateõ jokuarea ahesha verã jymbuava yy tivishava yvy iãrẽ mupũãvãipo, jakata arã vate'o. 6 Hai mẽẽ iñe'ẽ manombapeve hai kavi iverã. ndyree japo vekua arapy'ova reta, yvy õĩpy ieta. Pyare õĩpy reta yy tivisha'õ oipy reta ha hei Ñanderu Tumpa Parekoretara arareta opa verã. 7 Hai ara aĩvape jokuerea hareka mbopuva mẽẽ mbilipuiã opambapo Tumpa pareko ietarã ñemi'õva (secreto) ha'ĩ mbykauka rãimi 8 Hãrã hoka ñeẽ ahendora, araivi ijetajy she hãrã hei: Ekua heky mbyparara mishi jypea, hoka vateivi jokueva ipoivi ñymboy'õ yyvasu hãndi yvy'ĩare. 9 hãrã che Juan aha hoka vateivi jokueva õpẽ hara airureshu mẽeshe verã, mishĩva kuatiarãimi mbyparava, hara hai heishe: ko'ẽ he'u hẽẽ tarãherõ Tyyrãimi ndijurupe, ndypyapeara iropondekui. 10 harã aheky hoka kuatia mbyparava, araivi jokueava ipoivi, harã amĩnje shijuruperã hẽ'ẽ taraherõ rãĩmi harã opama amokuerã shypya mbi'iio. 11 Akuarã he'iajyshe nde rymbeupojykui Ñanderu iñẽẽ trĩburetape, tẽnta rehe, iñẽẽ iaretope hareka huvisha retape.