¹ Hara vateivi tumpa jokueva 5 mbopu trompeta hesha pemte jasy tata o'a vateivi yvype haima me'ea shureta yvykua kype õvape llave. ² Haima hai heky yvykua kype ohovape yuykua hoshe ohe tataki opa mypytu kuarasy hareka ara. ³ Tatativi ohē tuku hetava mohea opa rupi mondo ko yvype haima me'ēha shu reta pyrata me'ēava raimi makyrape pyropiva. ⁴ Hãrã me'a shureta pota japo vairã kaa yvy peva kyrai ñaneva yvyraretamba hara teta ijare imembare syvare Ñanderu Tupa ra'anga para (marca). ⁵ Hejahã ranga juka shuverare mbyhasy shuvera 5 jasy pukukue haima mba'asy, ñandu mainy makyrampe pyrompiva raimi. ⁶ Haima arape tentape iarei potai manojyre manoapo reta kañyshiverare. ⁷ Haima tuku raimiva kavaju jokua kavi oho ñyrarovera ñakā iare ñonoreta pete takare ñonoava verava (corona) oro raimiva haima hovare kuimbai hova raimi. ⁸ Haire hainy tapypere ñakaha hãire mainy javahaikuere. ⁹ Pitia jojaka mainy kamisa hiero kuere haima hypepo hy'apu kareta jyvata ñakua jere hãima kavajure ñani ñyraro ohovaraimi. ¹⁰ Huve makyrape pyrõpiva haima jurati kutua raimi mbyhasy tetape iare 5 jasy pukukueipi. ¹¹ Hai tuku ruvisha raimiranga aña hēta jokuehava jypyrãimi henoa Israel iñe'e Abadon haima Gresiava iñe'ē Apolion heiashua pyrymbai iva. ¹² Pete jehasa asyguasu jokuehava hasaha imeipo enshy mokue. ¹³ Hame vateivi mbouhava 6 pejuahupiva trompeta sheranga Juan ahendu ipuva mbouva mehava henda, oroivi iju pauvi mbyhenda myhenda Ñanderu hynonde. ¹⁴ Haima hei vatevi jokuehava imereva ipope mbopuhava (trompeta) 6 Haima jora urundy (4) vateivi jokueva (angel) ñapitiha Eufrates (rio) hymbeyre. ¹⁵ Haima joraha hara urundy vateivi jokueva õi kavi haima hora haipe ara haipe jasy haima año pevara juka vera tetajaty õre mbahapy ikovare yvy iarē. ¹⁷ Hareka sheranga ahendu ime'e 200 millones kavajure iare. ¹⁶ Syndaro kuerekavaju iare haire monde pitia jojaka pytava, hovyva, ijuva haima kavaju ñakare mainy javañaka juruivi õhe tata tatati azufre mainy fosforo ¹⁸ Kova mbahapy tumpa ñunupakue (plága) tata tatatī haima azufre kavaju juruivi ha'e jukaveva tatasyve jatyhõ mbahapyhore ikotevi iare yvyipi. ¹⁹ Hara kavaju ñympyrantakue ranga imere jurupe haima hvepe huvekere øva mbiñaka haima hai rupi pyrymbai. ²⁰ Hokava ynga tetavare manombavaveka kova Tumpa ñunupa plaga rupi ñymbyvy'a reta pora japoreta roja katuite oho añape haima Tumpa rã'anga hai japohavekua oroivi kyrypotivi brón ita hareka haima yvyvaivi heshambava hendu mbava kyraijy vatambava. ²¹ Mba'ea shureta puruka shyvera haima mbypaje jyreva kyraijy nymbyheko poraretara ity tapype handi kyraijy manaro Ñatey hesha Ñanderu ē'vape.