Capitulo 14 Avisha ray haerka 144.000 hekapyare
1
Ãmãĩ´airã, ahesha Avisha ray ñymbo´y´ẽ yvyturusu Sion ĩãrẽ haereka ẽ hãndi 144.000 yvy ĩãrẽ´õ rekova syvare Avisha ray haereka Ñanderu Tumpa hee.
2
Haivi ãhẽndu ñẽẽ vate araivi, yy vasu mãĩrã hy'apuva rãĩmi, hãma she Juan ãhẽnduva, arpa heta mbopuha'õ rãĩmi.
3
Haivi pyrahe reta pẽnte mbyrahe py'ahuva vapyhapya hy^nonde, ũrũndy tẽ'ãkue ĩmẽteri'are haereka 24 karai kuakuavare hy^nonde, hãma mba'ety yngavare katuva kova mbyrahe, koñeĩ 144,000 ẽvare kua, haireta mondoajepeva kuaretare mbyteivi.
4
Kovare ñymyngy'ãpy tumpa rã'ãnga haereka ikoã hãndi taupe heko parãmbava, poiãshi jyrojakue jyroja kavĩhe Ñanderu Tumpa. Kovare oho hãndi Avisha ray ohovaipi, kova reta rãnga tynonde ovaha kuaretare mbyteivi Ñanderu Tumpa haereka Avisha ray pevarã.
Mbahapy Ñanderu Tumpa jokueva ĩñẽẽ.
5
Hãma juru retaivi noheã ñẽẽ japuva, shara heko ky'ã.
6
Haivi ahesha Ñanderu Tumpa jokueva yngava, arare veve'ia, ĩmerea ñẽẽ Haikaviva mbeu verã katu mondojepeva tẽnta huvishare, opaite yvy ĩãrẽ'õre, kuareta reta haereka tẽntaipi'õre,
7
hy^natu ĩjetarã hei: Pykyjeshi Ñanderu Tumpa haereka pymbyveteshu. Hai teiva rãnga japo yvy haereka ara vate'õ, yy hẽnda haereka yy vasure.
8
Haivi irũ Ñanderu Tumpa jokueva vãhẽ ourã hei: Oama, oama Babilonia tivishava, vinopy myngau'i tẽntare heko porãmba vekua ryheve.
9
Hãma vãhẽ oujy Ñanderu Tumpa jokueva mahapyhea, hy^natu hei: Opaite kuaretore ñonokava syvare mãirã ipo jakatape, mymba hee mbyrahava (señal) haereka mbyveteshuva mãirã hã'angakue;
10
vokava houpe jyuekui Ñanderu Tumpa jyvaso vino iro vekua ryheve, jyvarehe verã tata haereka jaisykuepe (azufre) Ñanderu Tumpa jokueva heko kaviva haereka Avisha ray hy^nonde.
11
Hãrã jypavete hãtãtikue vãhẽpo ara peve hãrã opaite mbyveteva mymba, mãĩra hã'ãngakue haereka imẽreare mymba hee mbyparahava (señal) putu'ũãpo ara haereka pyharekue.
12
Hãme rãnga Hesukrito jyrojaheare hãrõ kavipo'ẽ, ĩñẽẽ hẽndu haerek japo poshu Ñanderu Tumpa potava.
13
Haipe ãhẽndu pẽnte ñẽẽ vate araivi ouva: Mbypara, vy'apokui kuaretare ã'ẽ manovare, shara ĩmẽĩ teri irã ñono Ñaneru Tumpa ipope hykove shara Espiritu Santo hei: Opapo putuushi reta japova, tẽvã japo vekua ẽ hãndi reta.
14
Ãma'ẽrã ahesha pẽnte ãmapyntu tĩvã, ĩme'ẽ vapy'i ĩãrẽva, ova kuareta ray rekova ñõkare ita mashyãvã japohashia, ipopere pẽnte mbashete japava hãimbeva (Foise)
15
Haipe Ñanderu Tumpa jokueva ỹngava õhẽ, ou Tumpa hoovi, hãrã sapuke'ishu ãmapỹntu ĩãrẽ vapy ia: Ei nymbashete japava (Foice) ryheve, mynõõ ñotỹavã yvy iãrẽ'õ, opama javyje.
16
Hãrã ãmapỹntu ĩãrẽ vapy'ia ityhe ñymbashete japava (Foice), jasyja verã ñotyãvã yvy ĩãrẽ'õ.
17
, Hãma Ñanderu Tumpa jokueva yngava õhẽ Ñanderu hoo vate arapy'õvãivi, ĩmẽre jyve mbashete japava (Foice) ipope.
18
Haivi Ñanderu Tumpa jokueva yngava, õhẽ me'ẽhãsea ñonohãseaivi tata ñyngareko'ẽhea, sapukeshu mbashete japava ĩmerearã heishu: Jasyja, rymynõõ verã uva ia ẽvã yvy ĩãrẽ, shara opama javyje.
19
Hãrã Ñanderu Tumpa jokueva ity ñymbashete yvy ĩarẽ, jasyja verã uva ia, opama mynoorã opa ñono pyrõãhe verãpe, Ñanderu Tumpa poshykue ẽvãpe.
20
Hãma mbyrytentaivi raha pyrõhã'ẽhẽ uva, kovaivi õhẽ turuvy kavaju jurupeva hipity peve haereka hipity 307 kilómetro pukukue (61,4 leguas).