¹ Kova hekope ryheva mẽ ẽã verã, Ñanderu Tumpape mẽ'ẽãva mẽ ẽã verãre Jerusalen hoo vasu pe õre pevarã katũã rãngapo ambypara jype. ² She aikua kavi pee pyndy pya kavi hãrã ambe uma peekue ñandy ryvyre Macedoniape õre pee Greciape pẽĩva peñepyrũ mapo año kueivi pymbaty kyrypoti voka mykyrẽyve reta heta vape mbatyve verã jyve reta. ³ Hãrã rãnga she amondo jyve ñandy ryvyre potamba she aijeta kavi pyrehe hãrãpe piñono kavipo kope, kyrypoti raha pevarã rãĩmi. ⁴ Aipomba ahãndirã Macedoniape ore pyndy reshaha piñono kavimba ryheve pynotipo pee haereka ore jyve. ⁵ Hãrã mẽãrã ã'ẽ she tykove hai shee shy ryvyre ohorãrĩ verã pẽĩvape ñono kavivejy verãre jyparekokue ryheva mẽ ẽãvã she ãvãhe seri aharã hãrã ahesha verã pee mẽ ẽã kavi pyny katẽymba. ⁶ She aipota hai kova ñotyva saiveva saivepo nohẽ jyve hãrã ñoty hetaveva hetavepo ñohẽ jyve. ⁷ Pe pẽntẽĩ pymẽ ẽ pypya potava rãĩmi, avypo pymẽẽ porãmba ryheve, Ñanderu Tumpa haihushu mẽẽva pyakaviape haereka vy ape. ⁸ Ñanderu Tumpa rãnga p^yrãta verã opa mbai hai mẽẽ pyndy kovepe pepyreko verã piko tiri peiva hãrã pymboryha kũãĩ rãnga papishare. ⁹ Ãkuãra mbyparaha rãnga Ñanderu Tumpa jykuatia ñẽẽpe hai heta rãnga mẽẽ pavete'iape pyta verãre opa ara. ¹⁰ Ñanderu Tumpa area mẽẽ mbai hã ^y pota ma ẽty vape mẽẽjyshu pãhã jy ouva hãrã myhẽño heta vepo piñotyva pee pymby vy a verã heta vape pijyparekokue pijapo rupii. ¹¹ Pee pyrekova heta mbaikatu pymẽẽ heta ẽ ñandy ryvyre hasava iko asy hãrã kova tiroja katu he Ñanderure ore mẽẽhashu reta kyrypoti pee pymba vekua. ¹² Kova pijapo vekua haikavi rupii mẽẽ hãpo ñandy ryvyre hasa asy õpe omombai veposhu reta Ñanderu Tumpa ñane ryvyre opaite iko asy õre haikavishurã Ñanderuitepe haire ñemboipo. ¹³ Hãrã ñany ryvyre ijijopy vaiva katupo hei shyrory ny ãĩ Ñanderu Tumpa pijapo kavirãshurã pyndy pya horyshurã piniñẽẽ rendushurã Ñanderu ĩnjetaperã haihu pymbory pyndy ryvyre iko asyrã. ¹⁴ Haire ñymboi retarã heshakapo reta pyndy raihurã pyndy resha seite haire ñandu porã Ñanderu pya kavi ikoma ñandypy. ¹⁵ Shy rory ny ãĩ Ñanderu Tumpa opa mbai hai mẽẽ vekuare.