¹ She Pablo airure ásy pee, ñañymymichi hare jaikovera Hesukrito pya kavípe ime'ē heishyreva añembotuicha hare chypya basura. Aime ai mbyry pyheriva. Hare pyny páupe jybe añemymichy raãngaimba. (Amandy juha). ² Airure jybe pē aime ai punYmbY tepera. Abypo shopy pei aijeta póhy pevera ime'ē heivape. Ko yvy iare o hete mbai poramba ipope. ³ Ore ikõ haiterirã ore yrYretepY. Hãrē ore, yrYrete potava haikavianteri. ⁴ Ore ñyrarõha pytu (Espiritupe). Ore ñyraroba poryba, ha'ea (kyse hare mbóka) poryajyve Hesukrito heko hare pytu (Espiritu). Haikaviva mbarete itya vera yryrehe Yrymoramba Ñymypyrateva haire Juri ore pētei e oiñibabate óva. ⁵ Hame ore itya yvyre jy yvy iare mbai kua kue. Hare pYa mbijeta porãambãba ñoaba Ñanderu Tumpa, árándu hare iñee re hare pysya. Shu reta, ñymymichi vera re tajybe. Hesukrito hynonde hare iñeerendu vera Ñanderupe. ⁶ Hame ranga, orē ñymyhevama, jyve ymeraea Hesukrito re yñymoi iãre. Pēe peiñee rendu rapo jy ore kūi. ⁷ Pymai kavi ōpa mbãi ē pynynondeva Yme'ē pynymbytepe jyroja ijeara Hesukrito rūpi hãi Hesukrito ña ampaba tyheshaka, kavi hykove rūpi hãi Hesukrito ña ampaba. ⁸ She añymby bate te aiva Hesukrito Shyreno hague hemimboe raimi. She amarapo hai chymondo apurumupua vera Ha ea ambai vera. ⁹ Ko kuatia iñe rupi she haipe abypo. Pimo ara, she apy ryngyje berãi. ¹⁰ Ko ñymby vaisho'ishy reare mbeu jy kova. Kutia'iñēepe. Hai iñe pohy hare, pYa vasu imee mbyry. Hare ime'ērã Hesukrito ryheva pãupe pYa kyje hare ijeta kavi, mba rãimi'î. ¹¹ Hame kyrã hēiva tikua kiavi ore mby paraba rãimi yry kūatía iñe. Ore ijeta ñípojy, pãupe. ¹² Ore aipõtã ñimbivachea he ijupi ñymbyvate iãre hare yratey ikoha haire ikõa raimi. Kova iñyha ijehe hara ñimbivache jyve, ijehe. Hame kyra heshaka ñaka mbo ramba va. ¹³ Ore ñymby vate, hasēa Ñanderu Haitei yryre no jyve. Mba apoa vera hekope. Hame ore vahea jyvē pēi vãpe. ¹⁴ Ore ouha hekoporambape pyny rentape. Ouha Ñanderu yrymbou pyny rentape. Ñanderu iñe kavíva rehe. ¹⁵ Ore ñymby bateha mbaravykya. Haūgūe kõõ yngape. Ore japoava, raimi harõ hãinte mypyrata kavi verã pirojakue. Hare jyve pē pyhesha kua jybe. Ore japoava pyny pãupe. ¹⁶ Ore iñyha a mbe' ua vera Ñanderu iñe kãviva Yngare hentaretape opaite vache, õre. Mairã mbyry mbe'uamba teriaípi Hesukrito pe. Ore ñymbY, vatehara yngare japova rami. ¹⁷ Huka ñymbyvate po ia tomombai vasu Ñanderupe. ¹⁸ PYta kavia ñipo hãi pota iñono iã. Mai kavipo vehe. Ñanderu mymoravape, jyve.