¹ Marãra shyreshapi kuakuamba'ia raimi ai, hainy pijepy kavipo hekui she hai pee verã. ² Shykatey^ rãnga pyrehe Ñanderu Tumpa, Kateyry heve she apyrymbyreko pēnte kuiñataī marãmba raimi pēnte imerea īme: Hesukrito. ³ Akyje ranga Eva mboi mbytavyva raimi kyrõ katimba mboi aje opa mbytavy jyve pene pensamientope. Pysyryshivera Hesukrito heko kyamba pysyryshivera heko kya. ⁴ Ime'ē pēnte ou mbeupea y^ngo Hesurã. Peepyhēndumba ore irijyruivã. Haima pejyve pyhēndu kaviposhu mairã vãhē oupe pēnte veruva yngava espiritu. Haimba Espiritu me'ēanpearã, pyheky pyndypyavi haire, mairã vãhē'oupe pēnte mbeuva y^nga evangelio haimba ore mbe'uhava'raimivara pee pota pyhendujyve. ⁵ Shepevarã shimishiveama y^nga Apostolre vãhē oupea vivē, mbyveteha'vevaivi. ⁶ She ajemãi atua ãījeta haire raimi. Katybga she aikuakavi ãrandu (entendimiento) me'ēashea opama (apyrymbyheshaka). ⁷ Akuarã mbai porãmba ajapo añimishī'aipera piñimbitivishavēpi vērã, ambuerei aipea Ñanderu Tumpa iñe'ē haikaviva. ⁸ Yngaipe'õ Hesukrito iglesia me'ē shereta kyrypoti amba'apo verã pynypaūnpe. ⁹ Aime teri hai pynymbyte Macedoniape'õre hermanore, shymory'rēta aikotevēvã pota shypohy, hai perã hare aipota'ai shypohy Shynonderape hareka pynonde. ¹⁰ Hesukrito iko'shypya'raimi kyrãgãtī. Greciape: õre hekyapo shyhevi ko mandu'akavi ishyreva. ¹¹ Mara'īrãra hokava, apyryhaihuarara ma'etyrãnga Ñanderuite kuakavi She apyryhaihu. ¹² Kova she ajapovekua'ã'ēpeve, ambotyshi verã, shyreshatamba'iare opensa hairēta hai apostol hakaviva ore'raimi. ¹³ Haireta'anga hai apostol rã'ãngarã'iare mba'apova japu rei'iare, mairetãi iñono;i ijupe Hesukrito apostolrã. ¹⁴ Hokava'rãnga mba'ēty ha'ērãnga hairai jaheshakavi verã. Ãñateiva rãnga my'yngai hete heshaverã pēnte ãngel himbipea raimi. ¹⁵ Hãmerãnga haiveama mba'evasu Ãña japovekua ajemãi my'y^ngai heko shara jypykua. Hoka ara japype apapo myngovia shuretakui japovekua jururea raimi. ¹⁶ Hykuai haijype avypo ime'ēkui moã she shyreva kuakuamba'ia. Shymyvõheītēpi kuakua mba'iarami japoa shyheviverã mishiveva. ¹⁷ Umi hokava mbai haiverarãnga aijeta Hesukrito hei cheva aijetajyve kuakuamba'ia raimi Chapoaverã. ¹⁸ Heta he'e jyve jyroja hijeva kui mbai hete. porã mbarupi. Japo' iva rami ikova che airojã shije mishi veva. ¹⁹ Pee pota pyndy pyavive'e pyhendu kuakua mba'iva, pee mo'ara mbaikuava pe'ē. ²⁰ Pee pota piko jokuera raimi haireta opa pyndehu' ara aivi, haireta ñymymbai hi'a retara Pyndyre, haireta ñymby vate, retara haireta pyndy rovaipi, nupa'a, hajemai. ²¹ Anotiny, hajemai haivera hyrykamkyite japo'a vera raimi py'ndyrehe, haireta ñymby py'a vasu reta. Che potate ha ñymby py'a vasute aive, ko va she aîjeta kuakua, mba'iva raimi. ²² Haireta hebreo, she ha'i jyve. Haireta Israelva reta, She ha'i jyve. Haireta Abraham vi ñymoñava, reta. She ha'i jyve. ²³ Hairetara Hesukrito jokuerēa, She kamba hetaitevē , haijeta kuakua, mba'iva raimi haijeta'ē ko vare. Amba'apo pohyite vemba shireta hetaiteve Carcel, shymby pereso reta, heta shunupa reta, hetãma ha'asa asy ha mano verã raimi ha'asa. ²⁴ Judape ēva reta heta, shunupa vaire reta 5 jy hykua'i, shunu pãhã itya shy shyre he, shyretere, jy 39 shunu pãhã jy. ²⁵ Mbahapy shunupa reta jy yvyra pe haivi pente ita pory shyrereta shyreterē pota shuka retara. Haivi hykua'i mbahapy ro'y ahasa. She aha'ape barko marē Yvape, yvasu mbytepe. Pyrurã arapē heta ahasa asy. ²⁶ She aharã mbovy ha'asa porã mbava y' syry ho'uvaipi, manarõ hiare pa'Ype, shyrētãrãre. Pa'Ype, irūitereta, haiviterenta yvy, ikoa mbaipi, Y'vasu hiarē, shyryby ra'angare, paupe ha'asa. ²⁷ Héta mbai ha'asa hasy, héta typehy ha'asa ñy'mbahy shu'úhe, she héta akaruã, shyró'y shymy naní'a. ²⁸ Koba shopy'epi ou'ēva parere'i, ou'ēepi shyréhe, haivi shymby pyã'ēpi Hesukrito tupa'ope ije ivaretare. ²⁹ Mbavara hasy she shyrasYa, mbavara oajy porãmbape. She ambyasyã she. ³⁰ Shera potai hairoja jyshe hairoja jyshera pota shykangy. ³¹ Ñandeja (Ñandejara) Hesukrito tu'u, tymby veteha opáiteva, mamaipi. Ñaimbaty heshara hai kuakavi'e she shapuarã. ³² Haivi tenta, Damasko juvisha ikobape tenta juvisha. Aréta ipope pota shypysy kara. ³³ Shy myve jyka reta pente kanata marēYvape tyrēta pe, jyraha: haivi petanoipi ãhē hañemi Potá juvisha hipope, ha'ara.