¹ Añymbyvatevema porombatevara, potate ambuerã. Haka ta'ãnga haereka Hesukrito chymbyhechakavare, chy pyape. ² Aikuaranga pente kuimbaipe jyrojava Hesukritore Japoma 14 año hupiarãvekua aravate mbahapy vapeve aikuaãny hete ryhevera, hairã hete ryheveãra. ³ Hoka kuimbai, heteryhevera, hairã hete ryheveãra aikuaãny^ Ñanderuara kuakavi'ehai. ⁴ Hupihava Tumpa ēvape "paraíso" hara haipe hendu ñee katumba he'iava haereka katūmba mbyhasava yvy'iarē iaretape. ⁵ Hameara she potate vate'ãīva, tevã vateã'ãi. Shy kangy ryhevei potate vateã'ãi. ⁶ Hara she potate vate'ãiva che ha'eã kuakua mba'ia she hai ãeteva ryheva aikokoranga she, aipota mba ñymoa, shi ñoñovate, heshashyvera haereka hendu shyhevivare. ⁷ Avy añymbyvateiteverã akua shymby heshahakavekua re, ñonoa shyrete pente ju hakuava. Shukutu'ia, pente aña jokuera shyrovaipi numpa verã potã ãñymbyvateitera. ⁸ Mbahapy kavi she airuretejy ñanderupe heky shyhevivera ko mbai. ⁹ Hai hesihe haikavima nde jyparekokue mbai katu shy mbai katu ijeshaka kavirã kangyvare pevarã, hãra shypyaiviteipo añymbyvate ai, shy kangy va ryheveī mba'apo kaviverã Hesukrito pyrãtãnkue. ¹⁰ Hara shyrory shy kangy tevã, she ja'oateva shypaveteva, shy moñante'iva (persecución) maimba ime'area, Hesukrito reheiranga kyra apity, shykāngytevã shy pyrantã. ¹¹ She aikuaveama ai añymbyvaterã pe shymoñapei kovapevarã, pe pymaikavitē shyreverã mbaivapeã shimīshīvee Apostolre ñymbyvate'vaivi mbaimba teshēva. ¹² Opaiteva mbai ikovekuare pyñymbyteipe ikovekua shymbyheshahaka, Apostolre añetevã harõ, heshakava señal heshambajapo mbaikatu ryheve. ¹³ Mbaivapera pe piñymishī ynga Hesukrito tupaoivi, aihoãrã pepevarã pente carga pohyvara. (She aipotaã pyndyhevi pymbambatyheva pymby opareimīnteshe ko ajavyva). ¹⁴ Pikua havima aīkavima'aī ahaveraīma peīvape mbahapy hearema shatey shypohy perã, ohekãpe kyrypotimi, she tei apyryreka'ai; Javeã tayreta heta natuva mbairepy tuure pevarã teru tayre pevarai. ¹⁵ She ranga, shy pyasymi ryheve, aporykapope ime areãmivive, shy koveave pota ameēpe pyny īã ahaihura, kyrãnga apyryraihu mara'irara akuara pee shimbijijepei hara potã shyraihupei. ¹⁶ She tevã shypohy perã, ime'ē ñymoava she apyrymbytavyi'ai hãrã jaije pavivã shy ñohepe. ¹⁷ Añetera che apyrymbytavy, ajokuevare amondo peīvãpera. ¹⁸ Ãiteara she Tito amondo peipevape pente Ñandyryvy handi, hairetara pynymbytavy? opamba ikoha pente Espirity ipope. Hendape kaviara ikoha pynymbytepe. ¹⁹ Arykaivaī pepimoã haikavira'angai õīã pynynonde, Ñanderu Hesukrito hynonderanga ijetaha kova mbai ko pee shyraihuvare pupuã kavi pehoverã mbyndy jyrojakuepe. ²⁰ Akyjeiranga vahēpevera pijaihua she aipota rãimirã. Hara pee shyreshara pe pipotamba raimi, akyjeiranga ime'ēvera pynymbytepe ñyrarõ, pota ha'īva, poshyva, ikavyva, nymbyvate ñymomohē. ²¹ She akyjeiranga aha reiverã peīvape Ñanderu shimishi verã pybynõnde, harã she ambasypo porãmba ajapovare harã opãmba teri avyjyvare. Ñanderu hapepe kyambape, opã poishi porãmba japovekuavi handi heko kyavaivi.