¹ kova aipota hai, ahajyrã mbahopyheape pee peīvape, mokue haeieka mbahapy'hea hesha'hape ñeē rupii my'añetehapo opa mbai. ² Haimã kuēvē, tēva aipota haijy, she aīmē aīrãvekua mõkueheajy peve pynymbytepe, kyrãijy ãiē ãīarã aipota haijy mbai porãmba japo'ia retape ha'ereka opaī, she ahajyrã haiveãma apyryparekoverã. ³ Hesukrito jykuoaka'pe shi'juruipi, hai kangya rãnga ñymbãikatukue oī pyndypy. ⁴ Hesukrito rãnga ñonõha kuiusure ikongyterirã tēvã ã'ē kuerajy Ñanderu mbaikatukue rupi, kyrã yry^kangytēva, yry^pyrãnta hãndi Ñanderu ñymbai katukue rupi pee pevarã. ⁵ Pyheka pyndypyape haikavira peī tēva porãmba peī pyndyrojape, piñyhãa kavi pindījupe. Pyheshakuããra Hesukrito īme'ēva pyndypy ha'ereka kyrãarã, pee haipo Hesukrito ryheva rã'ãnga. ⁶ She'jyve apyry^'ārõ, pymãīkavi yryre Hesukrito mbouva añetevarã ⁷ Orejyve jurureha Ñanderupe, pijapombaa verã mbai porãmbaa, ñymbyvatehamba verã, Ñanderu hynõnde pee teiva pijapoverãjyve mbai kaviva, ajemãra ore pytaha hekopemba'ia rãimī. Ore katuã pū'ãhahe aētevare potajyvyīte ⁸ oīave ipope. ⁹ Hãme rãnga ore vy'aha orēkãngyrã ha'ereka penēmbaretejyrã potate pee pikokavijy Hesukrito ipoperã. ¹⁰ Hãme rãnga she, py^mba'etypeīra ambypara ko kuatiañeē. Avyãimē ãī py^mbyteperã aīnjeta pohype ha'ereka apory mbai katu Ñanderu teiva rãnga mēēshe, apurūmupuã'verã, ha'ēã apyry^mbai ai verã. ¹¹ Opahea shyryvyre aipota haí pee, Pyvy'ãi pyhejaī y^ngare pynymbyhaikavi ha'ereka pynymbory piko'kavijy verã Ñanderu hynõnde, hãme rãnga piñymbypya pēnteījy ha'ereka pypyakavi ijupi ha'ereka Ñanderu, jyhaihukue ha'ereka pya'kavi ija pimī'īrūpo. ¹² Pyñy'marandu ñyhētupe hykove johekaviva jypykuava rãimī. ¹³ Opaitea Hesukrito ryheva pyny^'marãndu. ¹⁴ Ñandeja Hesukrito jyparekokue ha'ereka Ñanderu Túmpa jyhaihu ha'ereka pya'kaviva, pya pēnteīva tīme toī pyndyree opaīteva.