¹ Ore rãnga kuaa hase pope, shy ryvyre mãrãra shy heshaka Ñanderu Tumpa pya kavi Macedonia Tumpa hoo retape. ² Hãrã haire hasa asy pavetekue heshaha kase she rãnga haire pya kavikue hãrã rãnga pypareko kavipo. ³ Haire mẽẽ p^yrãtakue hẽrã ĩmẽ'ẽ mbytepe mẽẽ verã katu pya kavi hẽ rãnga apyta, she rãnga apyta teshakarã. ⁴ Hẽrã jurure asy haire yrymbory verã ^ynga vare Tumpa Ray ryhevare. ⁵ Haire japove ore hãrõha vekuaivi, mẽ ẽhã haireta tei Ñanderu Tumpa tay hẽ rãnga ore pevãrã, Ñanderu Tumpa he'ika rãĩmishu reta. ⁶ Hãmeara jurureha Titope, hai mbaty verã pymẽẽva hairã ñypyrũrã vekua, k^yrãpo pijapo pymbytepe kova pijapova haikavi. ⁷ Pee rãnga pyñemo tynondeva opa mba epe: Pe pyrojava, piñẽẽpe, pee pikuava mbai kuaakue, pyny k^yre^ypo, hẽrã haikavi ore pevãrã, k^yrã rãnga pynymby tynonde kyrypoti mbatyha õvãpe. ⁸ She ajapo seãny pe ko japo hava, aha verã rãnga te ãĩvape pini ĩrũ verã ñandy ryvy retape japo kavirã, pyheka verã pyndy pya kavipo. ⁹ Pee pikua kavipo Ñanderu Tumpa tay py a kavi hẽrã, Hai pyrehe rãnga ñymby pavete, ha e heta mba e mbai Ijare, peñemomba e heta mbaikavi rehe mbavete kueivi. ¹⁰ Ha rãnga she apyrymbo e ko mba e kova rehe, she amby hasapo pee: Haikavi rãnga pe pevãrã pymbatyjy piñipyrõ rãĩmi añope, hẽrã pe pipotava hai kavirã pymy k^yrẽy hai ^yngava rẽtape. ¹¹ Ha meara pijapopo pijapo verã vekua hẽrã pymbapo py mẽẽ verã pepentẽĩ pyjepy heapi. ¹² Hẽrã mẽ ẽva mbaretekue rãĩmi mby hory Ñanderu Tumpape, Hai jurureape mba'ety rea. ¹³ Hai rãnga k^yrã, vevy rãngapo ^ynga vare pohyve verã haire; jyvache rãngapo hãndi. ¹⁴ Ãkuãra ko arape pee pymbory mba e heta ryrevaivi ^ynga vare ñandy ryvyre, ^ynga vare myngo viapojy pee sapyãĩ pyhasa asy pẽĩra, pẽĩ verã jyvache pãvẽĩ. ¹⁵ Heiva rãĩmi Ñanderu Tumpa kuatia ñẽẽpe: Hãrã heta myno õ vekuape hẽmbyã hẽrã, mbovyĩ myno vare ikotẽvẽã hairã. ¹⁶ Shee avy a Ñanderu Tumpa Hai m^yk^yẽĩ kavishu Tito pyrehere. ¹⁷ Katua rãnga ore mondohashu pee pẽĩvape, hai ijeheivi rẽĩ k^yrẽy oho pee pẽĩvape. ¹⁸ Ore mondoha Tito hãndi ^yngava ñandy ryvyre h^yrãkua kaviva apaite Tumpa hoo retaipi, mbeu kavirã Ñanderu Tumpa ñẽẽ kaviva. ¹⁹ Hãrã ha'ẽã ha ẽĩ, Tumpa hoore hekapyshu mĩ'ĩrũ verã mbyhasa verã jyhaihu ryheva mẽẽ, hai rupii jaroja katu Ñanderu Tumpape, hãrã rãnga ijyheshakase yry py a kavi. ²⁰ K^yrãra japoha avypo ĩnjeta vai yryrehe ko kyrypoti pytava ore rekoha ipope. ²¹ Iñyhã a rãnga haikavi ikoa verã, ha'ẽã Tumpa Ray h^ynonde, ñanda pishare h^ynonde. ²² Mondoha rãnga hãndi ^yvavare ñandy ryvype, heta rãnga hesha hai k^yrẽy heta mbaipe, ko rãnga k^yrẽytema pyroja kavi rãnga pyrehe. ²³ Tito rãnga she ĩrũ hai, hãrã she amboryva pepe vãrã, hãrã mõkue shy ryvyre hãndi ohova, mondoha Tumpa hoore mondoha, jaroja katu verã Tumpa Ray. ²⁴ Pyheshakashu reta Tumpa hoore h^ynonde, pee pyhaihu rãngashu reta k^yrãpo pymy ãñẽte hai ñẽẽ kavi ore he ia vekua pyrehe.