¹ Ãkuãra shy raihuva, jareko k^yrã heiva ñany mypotĩ opa mba evai ky ava ñandy roope hãrã ñandy pyntupe, ñañymby haikavi jaha Ñanderu Tumpaivi kyjekue. ² 2 Pymẽẽ ore ikoa verã pyndy pyape. Ore mãrãhã ^yngava retape, ore mba ihã ore mbytavyhã ^ynga retape. ³ She ha'ẽãpe mbai vai ãpiriñono kavi verã, hãĩma rãnga pee piko verã yry pyape, ñamano hãndi verã jaiko pojy hãndi reta. ⁴ She rãnga airoja pyrehe hãrã she apyry mbyvya. She tynyhẽ pya kavi, hẽrã shy rory ãĩ avy a ãĩ ahasa asy ãĩrã. ⁵ Ou hãrã Macedoniape yryretepe tatũã putu'u opa rupii hipity jepy apy: Opa rupii pyhesha ñyrãrõ, hapype kyje. ⁶ Ñanderu Tumpa katu mbyhaikavijy ore py a kangyva Tito ourã vekua. ⁷ Ha'ẽã rãnga hai ourã vekua ore yrymby pyakavijy hẽrã ñymby haikajy pymẽẽ vekuashu, hai mbe u kavi ore hai yryreshase, hẽrã pijahe o, hẽrã shy rahuiterã, k^yrãpo she apyta avy ave. ⁸ She shypya rasyrã she kuatia ñẽẽ heiva, she añembasy veama ã'ẽ. Ãñepyrõ she añembasy she pypyare amby hasy rãnipo sapy ãĩ. ⁹ Ã'ẽ she avy a, she pyndy pyare amby hasyãrã, pee rãnga ^yngai pirã vekua. Ore piñonoa vaisẽã pope, ore potaha pyvata kavijy Ñanderu Tumpa hapere. ¹⁰ Piñymbyasy Ñanderu Tumpaivi ouva ^yngai japo ñande jaikoa rãĩmi ñandy mynguera verã, piñymbasy ou ko yvy ĩãrẽ veru pe ñymano. ¹¹ Pijyhesha kuaa rãngapo, piñymbyasy ouva Ñanderu Tumpaivi myheño hetamba e haikaviva pyny mbytepe: Ã'ẽ po piñyhãã, pimbivache kavi, pee piñyhãpo pymbyhaikavi porãmba iare, pee pykyjepo pijavyrã Ñanderu Tumpaivi, pyhaihuve, pee pyhaihupo hãrã nũpã japo porãmbavape. ¹² Hãrã kuatia ñẽẽ mbypara vekua pee, mbyparãã hymbiapo vaiva rehe, amovaisẽã haire, pee rãnga piñyhãpo pikokavijy ore hãndi Ñanderu Tumpa h^ynonde. ¹³ Ãkuãra ore yrypya vapyjy hãrã vy'ahaiteve Tito vy a pymbytepe, pee pymby vya kaviposhu. ¹⁴ Shy mãrã aĩnjeta kaviva pyndy rehe Tito; opa mba e she aha vekua pyndy rehe rãnga mõã ãñete, k^yrã apytapo ky apo h^ynonde. ¹⁵ Hãrã Tito ã'ẽ pyraihuve, hai mandu a pee ñẽẽ pyhendu kavishu, piñimishiposhu h^ynonde kyje hãrã ryrypo. ¹⁶ She rãnga avy aite airoja rãnga pyrehe opaite mbaipe.