¹ Ore mbe uhapo Tumpa Ray jokueva rãĩmi, avypo pymy vãhẽ Ñanderu Tumpa pypareko. ² Ñanderu Tumpa kuatia ñẽẽ hei: Pe ara haikavivape shee ahẽndu, pe shy mynguera ara shee mborypo. Kua kavi vãhẽma ara haikavava, vãhẽma ou pymynguera ia. ³ Ore ñonohã mbai porãmba, avypo ĩnjeta porãmba ore japoa vare. ⁴ Ore rãnga heshaka Tumpa jokueva ãñetẽĩteva, hai rãnga hãrõkaviñãĩ hãrã jahasa porãñãĩra, hai rãnga aipota mate ãĩ hãrã vya vea, ⁵ hai rãnga nupãhã hãrã mbyperesoavape, hai rãnga ñyrãrõ iape hãrã japova pohyva, hai rãnga jacheã hãrã ñanymbahy, ⁶ ore rãnga ikoha k^yambape mbai kuavape, ñimishĩ hãrã pya kavi, Tykove hakaviva hãrã jyhaihu ãñẽtevape, ⁷ ore ĩnjetaha ãñẽteiva Ñanderu Tumpa pyrãtãkue rãnga, ore poryha ñyrãrõ Tykove haikaviva ryheva poryha hai ikoha rãĩmi, ore ãkãta poryha Ñanderu Tumpa kuatia ñẽẽ hãrã ore yrasupe ore jyrojava Tumpa Rayre, ⁸ ore rãnga ikoha Tumpa Ray jokueva ãñẽtẽĩteva, ^yngare mbitivishaha hẽrã ^yr^ymarã, ĩnjeta porãã hãrã ĩnjeta kavi yryrehe, hei rãnga i ore potãĩ ^yr^ymbytavy he ãrãnga pe ãñẽtẽĩva, ⁹ ore ikoha kuamba ia rãĩmi, ore jykua kavirã; potãĩ manoha ia rãĩmi, ore mano hãrã ẽ; urunupãhã irã, ĩmẽẽ hãĩ teri i, ¹⁰ ñambasy ñãĩrã, ore vy a ha haikavi õĩ hãrã; ore yrypavetea rãĩmi, ajemãĩ heta rekoha; mba'ety rekoha rãĩmi, ore mba'ety opa rekoha. ¹¹ Iri juru hãrã yrypyapy pe a haikaviva Corintiope iare pevãrã. ¹² Ore yrypyape pyheshama piko verã, ore rãnga vãhẽhã terishu pyndy pyape ore ikoa verã haikaviva. ¹³ She aijeta pee rãĩmi shy ray retape rãĩmi, vokavare pypeapo pyndy pya ore heshaha verã jyve ore ikoha verã pyndy pyape. ¹⁴ Avypo pyreko jyrojambare pẽntẽĩ mãtãva porãã iko; mãrãrapo jyreko heko pemba iare heko porãmba iare, mãrãrapo sapeva jyreko p^yntuape ia. ¹⁵ Mãrãrapo Tumpa Ray iko kavipo Ãña hãndi, Tẽvã mãrãrapo Tumpa hoo iko kaviãpo Ãña mba'apo hãndirã. ¹⁶ Mãrã'ĩrãra Ñanderu Tumpa hoo ñandy pya pẽntẽĩpo tã ãngare ñemombai vasu ryheve, Ñande hai Ñanderu Tumpa tay hoo, Ñanderu Tumpa kuatia ñẽẽ heiva: She rãnga hañymy hẽtapo haipe, She haipo ñu Tumpa, haire shy rẽntãĩtẽrã. ¹⁷ Ãkuãra pysyry mbyteivi hãrã pysyry shi haire, k^yrã hei ñande Ruu, avy pypokohe mbaikya vare, k^yrãpo shee mbyvyapo. ¹⁸ She rãnga hai pee Ruu, hãrã haipope shy rayre hãrã shy rajyre, hai rãnga pee Tumpa Pyrãtãnkue.