¹ Jaikua kavi rãnga ñande ro yvy ĩãrẽ õ k^yã po ẽẽ, ñymbai verã, Ñanderu Tumpa hãĩpo mẽẽ pẽnte ñandy rete py ahu ikoape, japomba kuaretare ipope. ² Ko ñandy rete ñambasy teri hẽrã, pota tẽ jaiche verã ñande roo vate õ ñande pẽnte kuimbai tẽrã taupe monde sea mondea py'ahuva. ³ hãrã mymbyry tẽvã teĩpo, japytãpo ñany piretei. ⁴ Ñande mãrã tiri jeirã ñandy rete yvy ĩãrẽ ko jaikova, ñambasy teri ñandi jehe, ha'ẽã õĩ hase rãĩmi, ha'ẽã rãnga mondeha ^yr^ykyrey rãmei; ko tykove ãñeteva mõko manopo ia. ⁵ Ñanderu Tumpa rãnga ñono haikavi ko opa ñono ñany nonde, opama mẽẽ ñande jajapo verã Tykove haikaviva hai ñepyrõ mba'apo ñany pyape. ⁶ Akuãra ñañymy k^yrẽy jyroja vape, jaikua rãnga ñande jaiko vekua arykai ñandy retepe, ñãĩ mbyry teri shi ñande rorã mẽẽ ñande Tykove haikaviva mẽẽ tynonde. ⁷ Jairoja jaiko, ha'ẽã ñande jahesha vãrehe. ⁸ Ãkuarã jaikua kavi ñande rete ã'ẽ jarekova jaiko kaviva Ñanderu Tumpa tay hãndi vate õ. ⁹ Ãkuarã ñañehãã ñamby hory verã Ñanderu Tumpape, ñãĩ rãnga ñande retepe tẽvã ña ĩã hãndi. ¹⁰ Opa vare ñande jajyheshaka verã Tumpa Ray ñimbivache, mẽẽ verã ñande japo vekua hepy, tẽvã haikavi tẽvã porãã. ¹¹ Jaikua rãnga Ñanderu Tumpa kyje, ñyhãã ryrojakashu ñanda pishare, Hai rãnga opa kuakavi haire õĩva ore pyape. Ore rãnga yjy heshaha kavipo pyny pya ĩnjevatava. ¹² Ore ĩnjeta kaviapo, haikavi jy õĩ verã h^ynonde, ore opa mbe uha ko mba e heiva pijetapo veshu verã pyresha tamba ia, haire mba'etyre haikaviva, rekõã tiri ẽ mbaikaviva pyape, pota ñimbitivisha mbai hesha vãre ĩnjeta reivare. ¹³ Ore hejarã yry rete, vokava iko Ñanderu Tumpa heiva, ore ñakã haikaviva, vokava jehu pope. ¹⁴ Tumpa Ray haikavi yry raha haikaviape, jaikua kavi rãnga Hai rãnga mano ñandy rehe opa porãmbare, hai rãnga opa vare mano hãndi. ¹⁵ Tumpa Ray mano opa ñandy rehe, Hai m^ynguera jypo iko verãre Tumpa Ray pevãrã, avypo iko haipota rãĩmi hete porãmba vãĩ. ¹⁶ Akuãra ko ara kojyrã ore kuaa veama haire hete hoo haire, kua vekua rãĩmi Tumpa Ray iko terirã hete hoope, hãrã k^yrã veama. ¹⁷ Akuãra ikova Tumpa Raype kuera py ahu jyrã, heko ^yngaimajy, teko tuja ñynga reko veama kua kavipo, heko py ahu ouma rãnga ikopy. ¹⁸ Opaite rãnga, Ñanderu Tumpa japova, Hai rãnga ore pya pẽnteĩ jyve hãndi Tumpa Ray rupii, Haire pota ore ikoa kavi opavare hãndi. ¹⁹ Ñanderu Tumpa ẽ Tumpa Ray pyape, pya mypẽntei jyvẽrã hẽnta õre vare hãndi, akuãra Ha e mbyhaikavijy ñande japo porãmba vekua hai ñono ñande pope ko mbyhaikavi jyvẽrã ñẽẽ. ²⁰ Akuãra ore mbe uha ko mbaikavi ñẽẽ Tumpa Ray ikoape Hai rãnga mbe uha rãnga hẽntã õre: Pyheja Tumpa Ray pyny mbyhaikavijy Ñanderu Tumpa hãndi. ²¹ Ñanderu Tumpa ñandy raihu ñono Tumpa Ray ĩãrẽ ñande porãmba, japity verã Tumpa Raype tykove k^yambava haikaviva Ñanderu Tumpa h^ynonde.