¹ 1 Haikavive ãhajy pya porãmbare ryhe verã pya poshy ia ryheve. ² She apyrẽmbasyrã mbarãpõ shy mbyvy a. ³ 3 Ha'ẽã rãnga she ha ea rãnga apyry mbyvy a mba tavy ave, she avy a rãĩmi pe pyvy a jyve. ⁴ Heta rãnga shy pya vy ã rãnga pyrehe ambypara ko kuatia ñẽẽ pepe vãrã, avypo hymbasy pikua kavi apyryhaihu. ⁵ Ĩmẽ'ẽ shy mbasy õvã, avy shy mbasy pẽĩ. ⁶ Haikavima nupã, heta pyny mbytepe hetama m^ymorãmba. ⁷ Akuarã ã'ẽ pymby haikavijy mbypya haikavishu hẽrã pya kavipo. ⁸ Hãmera shee airure pee pota pyhaihu jyrã. ⁹ Hẽrã ambypara ko kuatia ñẽẽ, she aikua kavi verã pee pyrãnta kavi verã peho verã pirojakue pyhẽndu kavipo opaite pyhẽnduva. ¹⁰ Pee pymby haikavi jypo pẽnte porãmba ia, she amby haikapo porãmba ia, she amby haikavi jypo porãmba japo ia, she amby haikavi jyma pee pipotava, she amby haikavi jyma Tumpa Ray h^ynonde. ¹¹ Avypo Ãña ñandy tavy, jaikua kavi japova. ¹² Avãhẽ Troaspe amby haikavi verã Ñanderu Tumpa ñẽẽ kavi she ahesha heta ajapo verã. ¹³ Aheshãã Troaspe shy ryvy Titope, katuã she aputu'u, she airojai rẽtã aha Macedoniape. ¹⁴ She mbyvy a Ñanderupe, Hai rãnga mẽẽ she haikavi ñañymy pyrãtã Tumpa Ray rupii, hai heshatamba Tumpa Ray ijeshaka ore opa rupii raha mbai pichekatua. ¹⁵ Ñande hai rãnga Tumpa Ray pishekavia Ñanderu Tumpa pevãrã, Haikavijy ia porãmbape ia. ¹⁶ Kope verã ore mbeuha manova pishe porãã, ĩmẽ rãnga ẽ mbe uha verã haikavi i verã hykove. Mbavara hai kavitepo mbe u Ñanderu Tumpa ĩñẽẽ. ¹⁷ Ore ikohãã ^yngare ikoa rãĩmi, Shee amby haikavi Ñanderu Tumpa ĩñẽẽ, amambaty verã kyrypoti. Ore rãnga mby haikaviapo Ñanderu Tumpa ĩñẽẽ, Ñanderu Tumpa tay ñande rekapy Ñanderu hai ikova rãĩmi jaiko verã.