¹ Ñypyrũã majy ore hai kavi õĩma jyma verã, ore rãnga ikoa tẽvẽ jyve ^ynga retaivi kuatiare py nonde. ² Pee rãnga ore kuatia ñẽẽ mbypara yry pyape, opãĩpo hesha katu injetava. ³ Hesha kavipo ãñẽtẽĩte Tumpa Ray kuatia ñẽẽ, ore mbyparava, mbyparambava lapipe, mbyparava Ñanderu Tumpa hykove kaviape, mbyparahã ita ĩãrã, mbypara kuimbai taupere pyape. ⁴ K^yrã jyrojava Ñanderu Tumpare japitypo Tumpa Ray rupii. ⁵ Ñande, jaikova yvy ĩãrẽ japityãpo kova, Ñanderu Tumpa pyrãtã hai. ⁶ Ñanderu Tumpa hai ñany mbyhaikavi ikoa verã pẽnte pyape jokueva. Ñymby py a pẽntẽĩ py ahu vapyã Moise mbypara vekua ĩãrẽ, Ñanderu Tumpa Tykove Kavi ĩãrẽ. Moise mbypara vekua puruka, Ñanderu Tumpa Tykove Kavi hai. Hairã Moise mbypara vekua puruka, Ñanderu Tumpa Tykove Kavi katuara pyr^y mynguera. ⁷ Moise mbypara vekua porãã japo mbypara vekua itare, Moise hova hẽndy, Israel rayre katũã mãĩhe hovare, hẽndy paite, hamea rapo mbeve katu ove. ⁸ K^yrã rãngapo rijapo Ñanderu Tumpa Tykove Kavi ipope, himimbipe. ⁹ Moise mbypara vekua hẽndyrã, mbai tivishave rãnga ñany pẽntẽĩ py ahu verã ñandy raha verã Ñanderu Tumpa heko himbipeape. ¹⁰ Tynonde ikova hẽndy kañy ĩmẽ'ẽ heko kaviva h^ynonde. ¹¹ Mãrã'ĩrãra heko sapy ãĩ sape, mbae tivishava rãnga haikaviva pijapo verã. ¹² Ore rekoha ãrõhã kavi ẽ ore marãhã ĩnjetaha hai ore. ¹³ Ore japõhã Moise mbypara vekua rãĩmi, hai hova mbykasoy ĩrã hova pẽnte asojape potamba Israel rayre hesha mãrãra heko hẽndy vejy oho. ¹⁴ Israel rayre hẽndu sẽã, Ñanderu Tumpa pya vasu, ã peve ova jasoi teri; mbijeta rãvekua Ñanderu Tumpa mbinjeta ẽ kua mãrãra hei, piny mbypya pẽntẽĩ tynodeva Tumpa Ray syry shĩrã. ¹⁵ Ko ara ko pevẽĩ mbijetaha Moise mbypara vekua, pẽnte asoja mboty teri shi reta pya ĩñẽẽre. ¹⁶ Pya rova Tumpa Ray pevãrã, hãrã jasoi vare katupo shyry shi reta. ¹⁷ Ñanderu Tumpa hai Tykove Kavi hãrã Ñanderu Tumpa Tykove Kavi ẽvãpe, mẽẽ haikavi jyma ẽ. ¹⁸ Akũãra opaite ñande, soja mbape ñamãĩ Tumpa Rayre heko mykõĩ sypeva rãĩmi jaijesha kavi hoka ẽ Ñanderu Tumpa tay heko himimbipe, vokava Ñanderu Tumpa japova.