¹ She, hai Pablo Tumpa she renova Tumpa mondova rãĩmi shy ryvy Timoteo hãndi, ore mbe uha ko kuatia ñẽẽpe Ñanderu Tumpa hoo Corintope õ opaite Tumpa rayre ikovare opaite Grecia hẽndape. ² She ru, Tumpa ray, hai mẽẽ pya kavi haereka mẽẽ ñande vy a. ³ ñamombaishu She ru Tumpa ray, haereka rãnga ñande Tumpa ñandy parekova hai ñandy pyare ñynga rekova. ⁴ Hai rãnga ñandy pyare ñynga rekova opai jaiko asykue, ñande ñany pyare ñynga rekova kavi jyva ^yngare Hai ñany pyare ñynga rekova haikavi jyve. ⁵ Pijereha rãĩmi ñandy rehe jaiko asykue, pijereha rãĩmi k^yrã jeve ñynga reko jyve ñany rykovere. ⁶ Ñande jahasa asykue ñandopy vãĩ, tẽvã ñany mby haikavi jaroja kavi verã haereka ñany p^yrãtã kavi verã Hesukristo rupii. ⁷ Ñande ñahãrõ kavi, ñande kuaa kavi pee pyhasa asy, k^yrãpo pyñy pya kavijy. ⁸ Ore potãĩ mbeuha pee, shy ryvy reta, hasava jiko asy Asiape, ore porãmba yropyi tẽrã hainy manohama po iva. ⁹ Ore hainy manohama po iva, tẽvã ikoshu potãã jyrojaha iri jehe, jyrojaha verã Ñanderu rehẽĩ, mynguera jy mano vekua. ¹⁰ Tumpa rãnga yrynohõjy ore mano vekuaivi, haipo yrynohẽjy jeiko asykueivi, Ha ei rãnga ore rojahave Ñanderu. ¹¹ 11 Pee rãnga ^yr^ymbory kavihe pimboi yryreherã, hairã ĩme vejy vyava Tumpape rojava, hai ^yr^ynohe voka mbai porãmbaivi. ¹² Ore vy aha ikoha rãnga hekope ikoharã haereka pya kavivape ko yvy ĩãrẽ haereka ñanu mbytepe, ikohã pya mõkue ñẽẽ porãmbape. ¹³ Ore mbyparaha kova pimbijeta verã pikua kavi verã pee, hãrã she ahãrõ pikua verã opaite. ¹⁴ Pee pikua kavi ore ikoha h^yrãkua kaviape opaite pevãrã, ore hãrõha pee jyve piko verã h^yrãkua kaviape Tumpa ray ourã pevãrã. ¹⁵ Ko jyroja kovape ahapo pẽĩvape, pee ^yrymby haikavi ore ouva vekuaivi. ¹⁶ Hãrã aha sẽã pẽĩvape tẽnta Corinto rupii ahasa aharã Masedoniape, hãrã Masedoniaivi aijyrã pee pẽĩvape, pee shemĩ ĩrũ aha verã Juda departamentope. ¹⁷ Apesa kaviarã mãrã'ĩrãra, ahase pyny rendaperã, tẽvã ĩmẽrã shẽĩ pota ajapo shy rete potãvãĩ haereka pya porãmba ẽ k^yrã. ¹⁸ Ñanderu Tumpa kuaa kavi iri ñẽẽ pepe vãrã ha'ẽãrã pẽntei jyvẽrã: Timẽĩa rapo ẽ. ¹⁹ She, Pablo, Silvano haereka Timoteo ore mbe uha pyny mbytepe Hesukristo Ñanderu Tumpa tay hai heĩã, Hai heiva opapo japo. ²⁰ Tumpa Ray opapo japo ĩñẽẽ, Tumpa Ray iko Ñanderu, ñamobai vasushu Ñanderu Tumpa. ²¹ Ñanderu Tumpa rãnga mẽẽ ore p^yrãta Tumpa Ray rupii yryrepy kova japoa pevãrã haikavi iva Tykove kavi. ²² Ñanderu Tumpa ñandy kuaama hãrã Hai ñono ñandy pyape Tumpa putuhẽ tynonde japity verã my añẽte verã pẽnte pyãĩ jareko hãndi verã. ²³ She rãnga aheno Ñanderu Tumpa, Hai iko verã shyresha verã; she avahẽã teri pẽĩvape avypo shy pohyite pee. ²⁴ Ore ha'ẽã pee piroja yryre verã, aipotãĩ pyny mboryha haipo pymypyrãtã verãĩ pyrakavi pirojarã.