¹ Mmi nni nna vona imbereree chiinga yee wula chimwe che zii yeerwa, nni nna zuwa mulyumo wu kola woku tiimba kwe invula, chimwe che zivatana zoonne nni chiti, wi iize zo vone. ² Mmi choku vona, vone, imbiizi yi tuva: mmi iiye yaa va yii chiire a veena muvwi; ku zwaaho nnaa heewa ihwiisi/chihuna: nnaa zwa cho kuya vu zuunda/koma, mane nne ku zuunda/koma. ³ Mmi chiinga e wula chii yeerwa cho vuuveri, nni nna zuwa chivatana cho vuuveri nnichi cho kuti, wiize zoo vone. ⁴ Choku zwa imbiizi imwe yi suvira: mmi naa heewa ziho iiye yoo yii chiire kuti a hiinde/ zwiise ikozo mu inkaaanda, kuti vantu va woolye kulyi ihaya: mwaa vaa heewa ifulo ikaando toota. ⁵ Mmi lyiinu chiinga e wula chii yeerwa cho vuutatu, nni naa zuwa chivatana cho vuutatu nni chicho kuti, wiize u vone. Mmi nni nna vona, maawe imbiizi yi siiha; mmi iiye yaa va yii chiire nna kweete chikara mu iyaanza lyaakwe. ⁶ Hape nni nna zuwa lyiinzwi mukati ke zivatana zoonse nni lyiti, vusuu kavu wulwe che ipeeni, mavalyere oo tatwe naawo ka a wulwe che ipeeni; ku zwaaho vone kuti koo sasamisi mafuta nne vujwara/iwaine. ⁷ Mmi chiinga e wula chii yeerwa cho vuunne, nni vaa zuwi lyiinzwi lye chivatana cho vuunne nni lyicho kuti, wiize zoo vone. ⁸ Mmi nni naa lola, vone, imbiizi yi vuundukiire: lyiinu iiye yaa ve chiire ha yilyi nna suumpwa lufu mmi ihere nni lyi mu sheere mu masulye. Mmi nni vaa heewa ziho mu chivaka cho vuunne che inkaanda kuti vee ihaye che[cho] mulyiinga/ italangula/ itovolo, nne che inzala, nne kufwa vulyo, nne che zinyolozi/ zivatana ze inkaanda. ⁹ Mmi chiinga e wula chii yeerwa choku mana iyaanza nni naa vona haansi lye chitavero inhuho zaavo va ve hayirwa lyiinzwi lye IREEZA, mane nne cho vupaki vuva vaa kweete: ¹⁰ Mmi nni vaa lyira che lyiinzwi ikaando nni vaati, ka ku hiinde luvaka lu sika hayi, Simwiine, yoo jolola nne vusakusima, nno saa tu watwiiri/ zekiseza vantu vava twii[tu] hayi voo vwaavo veena mu inkaanda va vee tiri malaha eetu. ¹¹ Mmi zumwe nne zumwe waavo choku heewa zizwaato zi tuva; choku teewa kuti; piri va laalye laalye kaniinizana chivakazana vulyo, Ku chitira kuti vamwaavo cho vuhikaana vamwi ve ihayiiwe mane iiri mboovo/ njoovo muva vee hayiiwa, ku izuziriza. ¹² Mmi nni naa vona chiinga e wula chii yeerwa choku mana iyaanza nne kaamwiina, mmi vone, nni kwaava nne ku nyanganya kwe inkaanda ku kaando a hulu; mpaaha izuva halyi vaa saanduki ku siiha mane iiri vooza vwe isaka, mmi mweezi uuwo choku shaala nni wu kola malaha; ¹³ Mmi inkaani ze iwulu choku wiira haansi mbakache isamu lye ibola chilyi wiisa mabola[zihaantu za] a teni a lyaa zaala choku sereza, chilyi nyungooswa nne luuho lu kaando. ¹⁴ Mmi iwulu nni lyaa zwa kwa teni siina/ mane iiri ipaampiri chilyi wumbulwa lyoonse; ku zwaaho iruundu lyimwe nne chida chimwe nne chimwe ziva zwiiswa mu zivaka zaazo. ¹⁵ Mmi vasimwiine ve inkaanda , nne vakwaame va kaando, nne vahumi, nne masolye vakulwaana cha maziimo, nne vakwaame va kolyete, nne va woondetwa, nne va saa woondetwa va vaa lyi wuungulyi mariindi/ inkuungu za mavwe nne mavwe a maruundu; ¹⁶ Cho kucho mavwe nne maruundu kuti, mutu wiire, mane mutu wuungulye kutu zwiisa ha vusu vwaakwe iiye yo wii keere ha chipura, mane nne mu vukalyi vwe imbereere. ¹⁷ Ka kuti izuva lyaakwe lyo vukalyi chi lyaa sika; lyiinu njeeni yeeti choo woola ku ziima.