¹ Mmi nni naa vona kuyo wii keere ha chipura mu iyaanza lyaakwe lya malyo ivuuka yi ngolyetwa mukati mane nne haanze lyaayo, nni yii yeerwa choku suminwa ku mana iyaanza nne toovere. ² Mane hape nni nna vona ingiloyi lyi kolyete chilyi waamba che lyiinzwi ikaando, nni lyiti njeeni yo woola ku iwula ivuuka, mane nne ku sumununa ku iyalwa kwaayo? ³ Mmi ka heena ku veena mukwaame ku iwulu, kamba mu inkaanda, kamba mu ivu, yaa vaalyi ku woola ku iwula iiyi ivuuka mane nnaangati ku lola ku yilyi. ⁴ Mmi nni nnaa lyira a hulu, kuti ka kwiina yaa va waaniki nna woola ku wuumbula mane nne ku vala iiyi ivuuka, mane nnaangati kuyi lola. ⁵ Mmi zumwe wa vakulwaana nna nnicho kuti, saanzi u lyiri: vone wu[u] ndavu wo mushovo wa [we iziko lya Juuta] Juuta, muhisi wa Daafita, infwee a vaa woolyi ku iwula yoo yweeyi ivuuka mane nne ku sumununa ku iyalwa kwiina ku mana iyaanza nne toovere kwa teni. ⁶ Mmi chini lolyereere, vone, mukati ke chipura nne mu zivatana zoonne, nne mukati ka vakulwaana nni kwaa voneka imbereree yi kola mane iiri yi vee hayiiwa, nni yiina maziya a mana iyaanza nne oovere, menso a mana iyaanza nne oovere, iizo zi chita kuti nje inhuho ze IREEZA ziina ku mana iyaanza nne toovere iizo zi tumitwa mu inkaanda yoonse. ⁷ Mmi nneeza ku hiinda ivuuka mu iyaanza lyaakwe lya malyo lya yaa vee keere mu chipura. ⁸ Mmi chiinga mana ku hiinda ivuuka, zivatana zoonse nne vakulwaana veena makumi oonne nne toonne choku wiira haansi ha vusu vwe imbereree zumwe nne zumwe waavo nnaa kweete ibaanjo mane nne tusuva twe ighawuda twiina ku nuunka ku kaando a hulu mwa teni, uuko ku chita kuti nje mirapero ya vantu va jolola. ⁹ Mmi nni vaa ziimba luziimbo lu hiya, nni vati, Uuwe u lukeere ku hiinda ivuuka, mane nne ku iiwula zii yeerwa zoonse: Ka kuti u vee hayitwa, mane u va tu lukululwiiri IREEZA cha malaha aako kuzwa mu mishovo, nne indimi, nne vantu, mane nne chichava. ¹⁰ Mane u va tu chiti kuti tuve va simwiinezana nne vapurisita[varuti] kwa Simwiine IREEZA weetu; nne kuti tu iize tu vuse mu inkaanda. ¹¹ Mmi nni nnaa vona, nne ku zuwa lyiinzwi/ mulyumo wa mangiloyi maangi ku zumbuluka chipura nne zivatana, nne vakulwaana, mmi ipalo yaavo yi vaalyi ye miyaanda ye miyaanda yiina ikumi nne miyaanda ye miyaanda yiina miyaanda nne miyaanda ye miyaanda[10 000 100 000 000]; ¹² Nni vaati che lyiinzwi ikaando, ku swanera imbereree yi vee hayitwa kuti yi taambulye maata/ku kola/ziho, nne vuhumi, nne maano/ ku talyifa, ku kola nne ku kutekeha, nne ku jolola nne mikoonde[imbiyoti]. ¹³ Mmi chimwe nne chimwe chivumbwaantu chiina ku iwulu, nne haansi, nne kuunsi lye inkaanda, mane nne ziina mu iwate, mane nne ziina kwa teni, nni zani zuwa nini waamba nni niti, kwiina mikoonde, nne ku kutekeha, nne ku jolola, nne ku kola zive kwaalyi iiye yo wii keere ha chipura mane nne ku imbereree muku ikalyilyiire.