¹ Chiinga kwa zwa aaha nni naa lola, mmi, vone, mulyaango nni wee wuka mu iwulu: mmi ku waamba kwe intaanzi kuni vaa zuwi ku vaalyi ku swana mane iiri intorombita yi kwete yi waamba naame; yi vaati wiize kunu, kuti nni ku toondeza[e] zintu zi lukeere kuva kwa teni ku taanga ha hanu. ² Hoo hwaaho vulyo nni nnaava mu luhuho; mmi vone, chipura cho vusimwiine nni chaa viikwa[tomeewa] ku iwulu, zumwe mane choku ikala ha teni. ³ Mmi iiye siku ikala ha teni cho kuva nna lolyeka mane iiri ijasipera nne ivwe lye saradini: nni kwiina shamutalazi ha teni yoo zimbulukite chipura, choku shaala ku vonekete/vweenekete muvala we imeralude. ⁴ Mmi ku zimbuluka chipura iichi che kuva nne meekalo a woonda makumi oovere nne oone: choku vona vakulwaana ve ipalo yi lyikana [yi yendirizaana] nne meekalo nni vee keere, nni va zweete zizwaato zi tuva; nne mahwiisi e ighawuda. ⁵ Mmi kuzwa mu chipura nni kwaa voneka mmi mini nne ku tiimba nne manzwi: hape nni kwiina malaambi a mana iyaanza nne oovere ava kweete ku bukuka ha vusu vwe chipura, aawo a chita kuti nje inhuho ze IREEZA. ⁶ Mmi ha vusu vwe chipura nni ku kola mane iiri iwate lye ihalasi: mmi mukati ke chipura nne kuchi zimbuluka, nni kwiina zivatana zoonne ziina menso ku vusu nne ku masulye. ⁷ Che intaanzi chi vatana chi vaalyi ku swana wu[u] ndavu, cho vuuveri choku swana nne kanamani, mmi cho vuutatu nni china vusu vu swana nne vo muntu, cho vuunne choku swana mane iiri isika lyi wuluka. ⁸ Mmi iizi zivatana zoonse nni ziina mavava eena ku mana iyaanza nne kaamwiina choku izula chimwe nne chimwe, mane ku vee zwiire menso mukati ka teni hamwi nne hamwi: ku zwaaho ka kwiina ku laala mu zilyi mbwiita ku ikala vulyo nni ziti ku jolola, ku jolola ku jolola Simwiine IREEZA si ziho zoonse, yaa veena kwa teni, yo wiina ha teni, mane nne yoo sii keeza. ⁹ Mmi iizo zivatana chizi muteemba nne kumu kuteka mane nne kulyi tumera kwaalyi yaa ve kalyi ha chipura, yoo halyilyiire. ¹⁰ Mpuku pangahalyira kuti vakulwaana veena makumi oovere nne toonne[voonne] va wire haansi ha vusu vwaakwe yo wii keere ha chipura, choku murapera iiye yo wii kalyilyiire mane, choku sohera mahwiisi aavo ha vusu vwe chipura nni vati, ¹¹ U swanerwa, uuwe Simwiine, ku taambula ku teembwa, nne ku kutekwa, nne ziho/ ku kola: Ka kuti u vaa pangi zintu zoonse, mmi cho kusuna kwaako chiingi ziina kwa teni mane zi vaa pangwa.