¹ Mmi ku ingiloyi lye ikereke yiina kwa Saradisi ngolye; Iizi zintu zi waambwa nnaaye yo wiina inhuho zi mana iyaanza nne toovere ze IREEZA, mane nne inkaani zi mana iyaanza nne zoovere; Nniizi misevezi yaako, Kuti wiina izina lyicho ku hala, mmi nnoo fwiire. ² U lyiise[ tokomere] a hulu mane nne ku koza zintu zi sheere, zichi zi saka/saa ku fwa: Ka kuti keena nni vaa waani misevezi yaako hayi shiyeeme/ jolola kwe IREEZA. ³ U kumbulukwe mo vaa tambulyi mane nne ku zuwisiza, choku ngambasira/woondeseza, cho kulyi nyaansa. Mmi lyiinu haiva keeti nnoo lyiise, kani iize kwaako mane iiri musa, ku zwaaho keeti nno wii zive inako[chivaka] yini keeza chaayo kwaako. ⁴ U siina mazina amwe mache mwa Saradisi a seeni kuva nne ikwe mu zizwaato zaawo; mane kava yeende naame mu kutuva: Ka kuti va lukeere mane nne ku swanerwa[ yererwa]. ⁵ Iiye yeeti nnaa woolye/ zuunde yo swana kaa zavikwa zizwaato zi tuva; mane keeti nnini zwiise/ siinde izina lyaakwe mu ivuuka yo vuhalo, mmi kani mu waambirire kwa Taayo mane nne ku mangiloyi aakwe. ⁶ Kwaakwe iiye yo wiina matwi aa teeke chi waambwa nne luhuho mu makereke. ⁷ Mmi ku ingiloyi lye ikereke ya Filadelufiya ngolye; iizi zintu zi waambwa nnaaye yoo jolola, iiye yo wiina vusakusima, iiye yo wiina chiiwulyiso [chikiyinuniso] cha Daafita, iiye yooti hee wula ka kwiina yo wii yala, nne kuti hee yala kaku siina yo wii wula; ⁸ Nniizi misevezi yaako: vone, nnii wiire mulyaango ha vusu vwaako, mane ka kwiina muntu yo woola kuti ee yalye uuwo mulyaango; vulyo wiina zihozana, mane u kweete lyiinzwi lyaangu, ku zwaaho ko wiini kulyi nni sampula izina. ⁹ Vone, kani pangire vukaavo aavo ve ikereke/inzuvo ya Saatani, valyi sumpa kuti va Juda, nni va saalyi aavo, nni va cheenga; infwee kani va chite kuti nni veeze nni va ku kuvamere ha mateende aako, kuti nni vee zive kuti chiinga nni vaati nni ku kusuna. ¹⁰ Ka kuti u ngambasiire lyiinzwi lyaangu lye inkulo inde, mpaaho chiingi nnaame kani ku vukereza mu chivaka cho mulyiko, chi kee ziriire inkaanda yoonse, ku lyika aavo ve ikeere mu inkaanda. ¹¹ Vone, nni keeza choku hweera:ngambarisize cho kweete ku chitira kuti zumwe vulyo saanzi aku hiindiri ihwiisi yaako. ¹² Mmi iiye yeeti nnaa zuunde kani mu pange iwutwana mu inzuvo ya Taayo, mane keeti nnaa voolye a zwe mu yilyi kuya haanze: hape kani mu ngolye izina lye IREEZA nne muzi mukaando[mulyennenyi] we IREEZA, wu sumpwa Jerusalema mu hiya, U suuka nni wu kazwa ku iwulu kwe IREEZA: hee wulu lyaaho choku mu ngola izina lyaangu ihiya. ¹³ Iiye yo wiina kutwi kaa zuwe zi waambwa nne luhuho ku makereke. ¹⁴ Mmi ku ingiloyi lye ikereke ya Lawudikiya ngolye; Iizi zintu ku waamba iiye kuve vulyo, yoo sepahala nne mupaki yo wiina vusakusima, iiye intaanzi yoku vumba kwe IREEZA; ¹⁵ Nniizi misevezi yaako, yi panga kuti kayi hiisha mane kayi toontolyi. Nni waana kalyi u toontola, kamba ku hiisha . ¹⁶ Lyiinu hanu vone ka kulyi wiina lu zuzuvira koo wiiri kuku hiisha nne ku toontola muni kuswe mu kalomo kaangu. ¹⁷ Ka kuti ucho kuti ulyi kweeteere/ u humite, mane wiina zintu ziingi, ka kwiina choo vulyite; nnoo seezi kuti u umbwa, yo soheewa cho vooza vwaakwe[ u mu humanehi yoo zuwisa inkulo vutuku nne yo wiina mu vutuku] ku seena cho wiina nnaacho, nne vuhofu nne chinteeneentene he iwulu: ¹⁸ Kani murute ku wula ighauda[ighawuda] kwaangu yi vaa shaanzwa cho mulyiro, kuti mu woolye ku huma: nne zizwaato zi tuva kuti mu woolye ku zavala, ku chitira mampunu oku saa zwaata kweenu a woolye ku zwaatikwa, nne menso eenu a siingwa[e] mafuta a chitisa kuti mu woolye ku vona. ¹⁹ Vuungi, vuungi vuni suni, nnivu kalyimera mane nne ku vu shimeha: mpaaho he mulyi nyaanse, mu saanduke. ²⁰ Vone, nni ziima ha mulyaango choku wodisa; mmi iiye yoo zuwa lyiinzwi lyaangu, cho kuiwula chiiyazo, nni njira mukati kwaalyi, ku zwaaho cho kulyia nnaaye, nnaaye cho kulyia nnaame. ²¹ Kwaalyi iiye yeeti nnaa zuunde, kani muhe meekalo ku vaambana nnaame ha chipura, mu muvuso waangu, siina iime muni vaa zuundi, choku kee kala haansi nne Taayo mu muvuso waakwe. ²² Iiye yo wiina kutwi, ku zuwa ha zuwe kuti luhuho lu tiinzi mu makereke.