¹ Mmi ku ingiloyi lye ikereke ya Efesasi ngolye kuti; Iizi zintu zi waambwa nnaaye yoo kweete inkaani ziina ku mana iyaanza nne zoovere mu iyaanza lyaakwe lya malyo, yoo yeenda mukati ka makandera e igauda. ² Nniizi miteendo yaako, mane nne ku teenda kwaako, nne inkulo inde yaako, mane nne moo saa woolyi ku zuminina va panga zivi; nne kuti u vaa lyiki aavo vacho kuti vaapositoloyi, nni va saalyi aavo, voova waani nni vacheenga: ³ U vaa woolyi kulyi tika, mane wiina inkulo inde, nne che ivaka lye izina lyaangu u vaa teendi, ko wiini ku kaangwa. ⁴ Nniha kuva vulyo kwiina zimwe zi sani lyi tumeresa kwaako, ka kuti u vaa siyi chisemo chaako che intaanzi. ⁵ Chiingi mpaaho lyiinu kuti u kumbulukwe kuti u wiisiizwa nzi, mmi ulyi nyaanse, choku panga misevezi/ miteendo yaako ye intaanzi; Ka kuti ho saa chiti vulyo infwee ka niize kwaako choku hweera, cho kuiiza ku zwiisa chi ziimikizo che ikandera mukati kaako, mbwiita hoo lyi nyaansa. ⁶ Mmi iichi wiina nnaacho, cho kutoya misevezi ya Manikolayitenese, yini toyete. ⁷ Iiye yo wiina matwi a teeka a zuwe, chi waambwa nne luhuho ku makereke: Iiye yeeti nnaa woolye kani muhe ku kulyia ku isamu lyo vuhalo, lyiina mukati ke iwa lye IREEZA. ⁸ Mmi ku ingiloyi lye ikereke lya Shaameena ngolye; A a manzwi a waambwa nnaaye we intaanzi mane nne wa mamanimani, yaa vaa fwiire hanu cho kuva yoo hala; ⁹ Nniizi misevezi yaako, nne masukuluka aako, nne kuvula kwaako[mmi nno kweete] mane nniizi nne ku tukana kwaavo va lyicho kuti vajuda, mmi nni va saalyi aavo, nni valyi ikereke ya Saatani[Javulusi] ¹⁰ Siye ku tiya, iizo zintu zooti u nyaandiswa chaazo: vone, Javulusi[Saatani] kaa manine chaa viika vamwe veenu mu chitokisi[intorongo] kuva lyika; mmi ka muve nne vukaavo mazuva eena ikumi: mpaaho mu sepahalye kuya ku ifu, kani muhe chisoti[chihuna/ ihwiisi] cho vuhalo. ¹¹ Imukati keenu, uuko kwiye yo wiina matwi oku zuwa aa zuwe kuti luhuho lu waambaanzi ku makereke; Iiye yeti nna woolye/zuunde keeti nnaa sasamiswa nne ifu lyo vuuveri. ¹² Mmi ku ingiloyi lye ikereke ya Perigamose ngolye; Iizi zintu zi waambwa nnaaye yo wiina ifulo/ kafulo ka cheka ka fuunda imbalyi zoonse; ¹³ Nniizi misevezi yaako mane nne ku[ko] wiikala, uuko ku waanika chipura cha Saatani. Mmi u kweetesa a hulu izina lyaangu, mane ka[ko] wiini kulyi saampula itumero, koonse vulyo mane nne mu inako za Antipasa cha vaalyi ku fwiira kwaangu, yaava ihayiiwa ee kala Saatani. ¹⁴ Mmi nniina zintu ziche vulyo kwaako, Ka kuti koo kooko kwiina va kweete mulaeza/[ingusa lya] wa Balamu, yaava ruti/ shongi Balaki kuti a viikire vaana va Isiraere chikupi mu inzira, kuti mane valyie zilyio za siyiiwa nne madimona, choku manina chiva kweete/kete va chita vusaangu/ vuhuulye. ¹⁵ Hape mane u siina vamwe va kweete mulaeza/ingusa wa Manikolayitenese, chimwe chini toyete a hulu. ¹⁶ Chite ulyi nyaanse u sanduke; Ka kuti chi naangu nni ku shashookere, mane nniizi nnilwe cha kafulo ko mulomo waangu. ¹⁷ Iiye yo wiina matwi, kaa zuwe zi waambwa nne luhuho ku makereke; mmi kwaalyi iiye yeeti nnaa zuunde/ woolye/ henya kani muhe kuti a lyie ku maana a wuungwiirwa, mane nne ku muha ivwe lyi tuva, lyi ngolyetwa izina ha teni, lyi izivitwa vulyo nnaaye wa lyi tambula. ¹⁸ Mmi ku ingiloyi lye ikereke ya Chiyaachira ngolye; Iizi zintu zi waambwa nne mwaana we IREEZA, yo wiina menso a kola a bukuka mulyiro, mmi mateende aakwe a kola mane iiri chisipi che iburasi chiyi jolweere; ¹⁹ Nniizi misevezi yaako, chisemo/ luwolyiso, ku teenda kwaako, mane nne itumero, nne inkulo inde, zimpangalyikantu zaako; mane nni za mamanimani kwiiza ku zaamba ze intaanzi. ²⁰ Nniha kuva vulyo nni siina indavazana nnaawe, Ka kuti u siirira uuzu mukulwaakazi yoo sumpwa Jezebelu, yoo lyi sumpa kuti iiye muporofita, u ruta/kutaza kuti vahikaana vaangu va chite vusaangu/ vuhuulye mane nne kulyia zilyio za siyiiwa nne madimona. ²¹ Mmi mane kana nniva muhi chivaka cho kuti alyi nyaansikize vusaangu vwaakwe; nna kaana kulyi nyaansa. ²² Muvone kani hiinde choku mu sohera ha mumbeta, mane nnaavo vaa laala nnaavo kani va viike mu vukaavo, mbwiita vulyo ha valyi nyaansikiza misevezi yaavo. ²³ Mmi mane kani ihaaye vane/vaanavaakwe che ifu; mmi mane nne makereke oonse kaa woolye ku iiziva kuti njeeme yoo tatuva insiinga/zivaka zoonse mane nne inkulo; ku zwaaho kani ruwere zumwe nne zumwe cho kuya cho[e] misevezi yaakwe. ²⁴ Mmi kwaako uuwe nniti, mane nne ku voonse voonse vulyo mwa/ kwa Chiyaachira, Kuti vuungi vu seena uuwu mulaeza, mane nne kuva seezi zi njiririire / ziina kuunsi za Saatani, siina muva waambira; keeti nni nni mu viike muziyo umwe hape he iwulu. ²⁵ Mmi iicho chi mukweete muchi woondeseza ku fitera[mbwiita] ku sika kwaangu. ²⁶ Mmi iiye yoo woola / zuunda, mane choku woondeseza manzwi aangu mbwiita ku mamanimani, infwee kani muhe ziho[kulawula] he iwulu lyo mishovo ya vantu: ²⁷ Mane kaa woolye kuva vusa che inkolyi ye isipi/chitalye; siina zivumbwantu ze iivu/izupa muzi pwachooka choku savangeha: Ku swana nne muni vaa tambulyi ku vataanyo[ kwa taayo] ²⁸ Mmi mane kani muhe inkaani ya kakusasani[a]. ²⁹ Iiye yo wiina kaa zuwe kaa zuwe kuti luhuho lu waamba nzi ku makereke.