¹ Mmi nni nna vona iwulu ihiya nne inkaanda inhiya: Ka kuti iwulu lye intaanzi nne inkaanda ye intaanzi zi vaa hiti; mane ka heena ku vaavi nne iwate. ² Mmi iime Johani nni va voni muzi wu jolola, Jerusalema mu hiya, nni wu suuka nni wu kazwa kwe IREEZA kuzwa ku iwulu, nni wu jolweezwa mane iiri mukulwaakazi yoo vakanyeezwa mu ihaavwe. ³ Mmi nni nna zuwa lyiinzwi ikaando kuzwa ku iwulu nni lyiti muvone, meikalo e IREEZA chi eeza mu vantu, mane ke ikalye naavo, ka vave vantu vaakwe, ku zwaaho IREEZA iiye ke ikalye naavo kaa ve waavo. ⁴ Mmi IREEZA kaa siinde zinsoozi zoonse mu meenso aavo; ku zwaaho keeti nni kuve lufu hape, kamba ku zunguvalyirwa, kamba kulyira, mane nnaangati ku sasaminwa, ka kuti zintu ze intaanzi kazi ku hitite/ manite/ manine. ⁵ Mmi iiye yaa va ikeere ha chipura naati, muvone nni panga zintu zoonse chihiya. Nna nnicho kuti, ngolye: ka kuti a a manzwi eena vusakusima nne ku sepahala. ⁶ Mmi nna nnicho kuti, chi kwaa chiinka/mana. Njeeme Alufa nne Omegha, Intaanzi nne mamanimani. Ka nihe iiye yoo fwiire inyoota mahala meenzi o vuhalo e kala nni a zweerera vulyo. ⁷ Kwaalyi iiye yeeti nna zuunde/ woolye kaa lyie vuswa vwe zintu zoonse; mane ka nnive nni IREEZA waakwe, nnaaye cho kuva mwaana waangu. ⁸ Mmi aavo vo lyoowa nneva saa zumini, nni veena ikwe, nne vee haya vantu, nne mahuulye, nne valozi, nne va rapera madimona[kamba zintu vulyo] nneva waamba mapa[va cheenga] ka valyi waane ku chivaka che ilyangalyiro lyi soka cha mavwe: nni lyilyi ifu lyo vuuveri. ⁹ Mmi nni nne zirwa nne lyimwe lya mangiloyi o ku mana iyaanza nne oovere lyi vaa kweete tusuva tu mana iyaanza nne toovere tu vee zwiire imbazi ziina ku mana iyaanza nne zoovere, choku waamba name nni lyiti, wiize kunu nni ku toondeza kamwalye, mu ihaavwe we imbereere. ¹⁰ Mmi nna nni hiinda nni niinna mu luhuho choku nni twaala ku iruundu ilye, choku nni toondeza wuna muzi mukaando, Jerusalema yoo jolola, nni wu suuka kuzwa ku iwulu kwe IREEZA, ¹¹ Nni wiina ku vereenga kwe IREEZA: nne ku ndayima kwaawo mane iiri ivwe lyi dura, mane iiri ivwe lye ijasipera, nni wu voneka mane iiri ivootoro lyi tuva; ¹² Mmi muzi wa teni wu veena imota ikaando nni lyilyi ilye hape, mane nne milyaango yiina ikumi nne yoovere, mmi lyiinu ha mulyaango wumwe nne wumwe nni heena mangiloyi eena ikumi nne oovere, nne mazina a vaana va Isiraere veena ikumi nne voovere: ¹³ Ku vuzwa vwe izuva ku veena ikumi nne yoo tatwe; mmi ku vuhaati vwa kamoonso naako milyaango yoo tatwe, ku vuhaati vwa malyo, milyaango yoo tatwe; mane nne ku vuimino naako cho kuva nne milyaango yoo tatwe. ¹⁴ Mmi imota lyo[yo] uwu muzi cho kuva nne itako lyo lukwiimba lwiina ikumi nne toovere, ku zwaaho mwa teni cho kuva nne mazina a vaapositoloyi ve imbereere veena ikumi nne voovere. ¹⁵ Mmi iiye yaa vaalyi ku waamba name cho kuva nna kweete luhe lwe ighawuda loku yera chaalo muzi, mane nne milyaango ya teni, nne imota lya[ya] teni. ¹⁶ Mmi uuwu muzi wiina vukaando voku yerwa vwiina toonne choku lyikana lyikana, ku zwaaho nne vulye vu lyikana nne imbalyi: mmi nna yera uuwu muzi cho luhe, miyaanda yiina ikumi nne yoovere[12000]. Vulye vwa haansi nne imbalyi mane nne vulye vo kuya ku iwulu vu vaalyi ku lyikana lyikana vulyo. ¹⁷ Mmi nna yera imota ya teni, nni yilyi mwaanda nne makumi oonne nne toonne, ku lyikana vulyo nne kuyerwa ko muntu, njo[nje] kuti ingiloyi. ¹⁸ Mmi muzaako we imota ya teni, wu vaalyi ku swana mane iiri ijasipera: muzi wa teni wu veena ighawuda yi jolola mwa teni, mane iiri ivwe lye ivootoro. ¹⁹ Mmi matako ee iiyi imota yo uuwu muzi a vaa matikitwa cha mavwe malotu a hulu. Mmi itako lye intaanzi yi vaalyi ijasipera; Lyo vuuveri Safira; lyo vuutatu, nlye Kalusedone; lyo vuunne, Yemeralude; ²⁰ Lyoku mana iyaanza, Saradonekisa; lyoku mana iyaanza nne kamwiina Saradiyasi; lyoku mana iyaanza nne toovere; Kirisolite; lyoku mana iyaanza nne tootatwe, Iverele; lyoku mana iyaanza nne toonne; Itopazi; lyovu ikumi; Ikirisoparasi; lyovu ikumi nne kamwiina; Ijakinse; lyovu ikumi nne toovere; Iamesesite. ²¹ Mmi ziiyazo iizi ziina ikumi nne zoovere yi vaalyi mapirara: ziiyazo iizi zivaa pangitwa che ipirara zoonse; mazira oowu muzi a vaa pangitwa che ighawuda, yi vaalyi ku kola mane iiri yi vereenga ku swana nne kwe ivwe. ²² Mmi nni nna manina kani voni itempere mo uuwu muzi: Ka kuti Simwiine IREEZA si ziho zoonse mane nne Imbereere nje itempere ya teni. ²³ Mmi muzi uuwu ka heena wu vaalyi ku sakana nne izuva, mane nnaangati mweezi kuti wu wu minikire[munikire]: Ka kuti ku jolola kwe IREEZA nji kuwu minikira[munikira], mane nne imbereere nje iseri lya teni. ²⁴ Mmi vantu nne mishovo yoonse ya vantu va vaa hazwa ka va yeende mu iseri lya teni: mane nne vasimwiine ve inkaanda ka va lyeete ku vereenga kwaavo mwa teni nne ikute mwa teni. ²⁵ Mmi mane nne milyaango ya teni keeti nniyi ku iyalwa musihalyi: ka kuti keeti nni ku kwiina masiku kwa teni. ²⁶ Mane kava ka lyeete ku vereenga nne ikute lye inkaanda mwa teni. ²⁷ Mane ka kwiina che yimwe inzira vulyo mweeti nni ku injire chimwe vulyo chi izuza ikwe, kamba nne chimwe vulyo chi panga vuvilaala, kamba ku waamba mapa: mbwiita vulyo aavo va ngolyetwa mu ivuuka yo vuhalo ye imbereere.