¹ Mmi iizi chiinga zaa hita nni nna zuwa mulyumo muungi wa vantu vaangi ku iwulu, nni vati, Aleluya; Ku hazwa, nne ku vereenga, nne ikute, nne ziho[maata] zive kwa Simwiine IREEZA. ² Cho vusakusima ikatulo zaakwe zi jolola: ka kuti a vaa watulyi ihuulye ikaando, lyi va hiindi choku fosahaza inkaanda cho vuhuulye vwaalyo, mane nne ku vozololyekeza malaha a vahikaana ve IREEZA a lyi vee tiri cha manza aalyo. ³ Mmi hape nni vaati, Aleluya. Vuusi vwaakwe uuvo nni vwaa suuntukira ku iwulu choku maninina. ⁴ Mmi vakulwaana veena makumi oovere nne voonne, nne zi vumbwaantu zoonse nni va wiira haansi choku fukama choku rapera IREEZA yo wii keere ha chipura, nni vati, kuve vulyo; Aleluya. ⁵ Mmi lyiinzwi nni lyaa zwa ha chipura nni lyiti, mu teembe IREEZA wwetu, uunwe mu vahikaana vaakwe voonse, mane nnanwe mu mutiya, mu voonse vaniini nne vakaando. ⁶ Mmi nni nna zuwa chi vaalyi ku kola mulyumo wa vantu vaangi, hape mane iiri mulyumo wa meenzi maangi, mane nne mulyumo woku tiimba, nni yiti Aleluya: Ka kuti IREEZA mu kaandokaando si ziho zoonse u vusa. ⁷ Tu saange tu lyitumere, mane tu muhe ikute: Ka kuti iseso lye imbereere chi lyaa sika, mane nne mukaakwe/ muihaavwe chaa mulyi vakanyeza. ⁸ Mmi iiye mukulwaakazi nna heewa zizwaato zi jolola, zi tuva: ka kuti zizwaato zi tuva nje misevezi/miteendo yava jolola. ⁹ Mmi nna nnicho kuti, ngolye, kwiina mikoonde kwaavo vava suumpwa ku mukiti we imbereere nne ku zilyio zo mulaalyiro. Mane choku nnicho kuti, aa manzwi e IREEZA ngo vusakusima. ¹⁰ Ku zwaaho mpuni wiiriire ha mateende aakwe choku murapera. Mmi iiye choku nnicho kuti, saanzi u pangi vulyo: nni muhikaana mane iiri njoowe vuti, mane hape nne vamwe valyikani veetu vo vupaki vwa Jeeso: rapere IREEZA: Ka kuti vupaki vwa Jeeso nje luhuho lwe chiporofiti[a]. ¹¹ Mmi nni nna vona iwulu chilyi iwuka, choku vona imbiizi yi tuva; mmi iiye yaa ve keere ha yilyi nna suumpwa ku sepahala nne vusakusima, Ka kuti u watula cho kujolola nne ku taanga inkoondo cho kujolola. ¹² Mmi meenso aakwe a vaalyi ku kola mulyiro we ibiimbiro, mane nne mu mutwi waakwe ku veena mahwiisi maangi; nni kwiina izina lyi ngolyetwa kwa teni, ku seena muntu yoo lyiizi, mbwiita iiye vulyo. ¹³ Mmi a vaa zweete chizwaato chi vaati nni chaa tumpikwa mu malaha: Izina lyaakwe nna suumpwa lyiinzwi lye IREEZA. ¹⁴ Ku zwaaho chisolye choku iwulu choku mu ichirira nnichi kee chiriire imbiizi zi tuva, nne ku zwaata zizwaato zi jolola nne ku tuva, zi saambite. ¹⁵ Mmi mukalomo kaakwe nni kuzwa mulyiinga wu cheka, kuti chaawo a woolye ku ihaya mishovo ya vantu: nne ku va vusa che inkolyi ye isipi: nne ku lyaatoola mu woomba mu mututo wo vukalyi vwe IREEZA si ziho zoonse. ¹⁶ Mane wiina izina lyaa ngolyetwa ha chizuva nne ha chivero, Simwiine uva simwiine, nne IREEZA uva Ireeza. ¹⁷ Nni nna vona ingiloyi lyi ziimeene he izuva; mmi choku huwa che lyiinzwi ikaando, nni lyiti ku zoonse zizuni zi wuluka mu iwulu, muiize mu kungane mulyie ku mulaalyiro we IREEZA mu kaando; ¹⁸ Kuti mu woolye kulyia inyama/ zituunta ziva simwiine, nne zituunta za masolye va[a] maziimo, nne zituunta za vantu va kolyete, nne zituunta ze imbiizi, mane nne va ichizi vaazo, nne zituunta za vantu voonse va sumunukite, va woondetwa, voonse vaniini nne vakaando. ¹⁹ Mmi nni nna vona chivatana, nne vasimwiine ve inkaanda, nne zisolye zaavo, nni va kunganeere iiye yo wii keere/ chiire he imbiizi, mane nne chisolye chaakwe. ²⁰ Mmi chivatana nni chaa hiindwa koonse vulyo nne muporofita wa mapa yaa vaalyi ku panga zikomosa ha vusu vwaacho, iizo zaa vaalyi ku cheenga vantu va veena luswayo lwe chivatana, mane naavo va vaalyi ku fukamina chiswaniso chaacho[chivatana]. Aava voonse naavo va vaati nni vaa zindirwa mu ilyangalyiro lyi bukuka cha mavwe nni va hala. ²¹ Mmi vamwe va vaa shaalyiri aavo nni vee hayiiwa cho mulyiinga waakwe iiye yaa ve ikeere he imbiizi, iiye wo mulyiinga wu vaalyi kuzwa mu kalomo kaakwe: mmi zizuni zoonse nni zee ikuta zituunta zaavo.