¹ Mmi nni nna ziima he isekeseke lye iwate,choku vona chivatana nni chizwa mu iwate china mitwi yiina kumana iyaanza nne toovere mane nne maziya eena ikumi, he iwulu lye mitwi nni kwiina mahwiisi eena ikumi, ku weera he iwulu lye iiyi mitwi nni kwiina mitukano ku ilyi. ² Mmi chivatana chini vaa voni chi vaalyi ku swana nne uungwe, mmi mateende aacho nni a kola e ibeera, kalomo ka teni aako choku swana mane iiri nko undavu: Ku zwaaho dirakona nna chiha ziho zaakwe mane chipura chaakwe,nne ku vusa ku kaando a hulu. ³ Nni nna vona umwi ye mitwi yaakwe nni wu horofalyiire kufwa; Ku zwaaho cho chweechi chiravi nni chaa hola; mmi inkaanda yoonse choku shaala nni yi komoketwa. ⁴ Mmi nni va rapera idirakona yi vaa hi chivatana ziho: mmi nni va rapera chivatana, nni vati, njeeni yoo swana nne chivatana? Mane hape njeeni yo woola kumu lwiisa? ⁵ Mmi nni chaa heewa mulomo[kalomo] wu[u] waamba zintu zikaando mane nne ku tukana; hape choku heewa maata/ ziho kuti chi woolye mu luvaka lwe miyeezi yiina makumi oonne nne yoo vere. ⁶ Mmi nni che wula kalomo choku taanga ku tuka IREEZA, ku tuka izina lyaakwe, mane nne itempere yaakwe, nne voonse vulyo ve ikala ku iwulu; ⁷ Hape nni chaa zumininwa ku lwiisa vajolola, nne kuva zuunda; mane nni chaa heewa ku vusa vantu voonse, mushovo umwe nne umwe, nne indimi zoonse, mane nne vantu voonse. ⁸ Mmi voonse veena mu inkaanda kava chirapere, aavo va chita kuti mazina aavo ka a ngolyetwa mu ivuuka yo vuhalo ye imbereere yi vee hayiiwa kuzwa ku intaanzi ye ku paangwa kwe inkaanda. ⁹ Haiva kwiina muntuyo wiina kutwi ku zuwa aa zuwe. ¹⁰ Iiye yoo hapa vantu nnaaye u lukeere ku hapiiwa: nnaaye yo wii haya che italangula/ mulyiinga u lukeere kuti ee hayiiwa chaalyo. Lyiinu aaha mpaha sakahala inkulo inde ya vajolola nne ku zumina kwaavo[itumero]. ¹¹ Hape nni nna vona chimwe chivatana nni chizwa mu inkaanda; nni chiina maziya a kola e imbereere, nni chi waamba mane iiri idirakona[inzoka]. ¹² Iichi chivatana chiina ziho zoonse ze chivatana che intaanzi chi veena ha vusu vwa teni, chi panga kuti inkaanda yoonse nne vantu vee kala mwa teni va rapere chivatana che intaanzi, iicho chi vaati nni chaa hola chiravi. ¹³ Chi panga zintu zi komosa, mane nne ku woola ku sosa mulyiro kuwu zwiisa ku iwulu mbwiita haansi mu menso a vantu. ¹⁴ Ku zwaaho choku panga vuti, choku ziyeza vantu vee kala mu inkaanda che ivaka lye zikomokesa[zikomosa] zichi chita ha vusu vwe chivatana; nni chiti ku voonse ve ikala mu inkaanda, kuti va pangire/chitire chivatana chiswaniso, iicho chi vaati nni chaa horofara mane choku halahape. ¹⁵ Mmi chi veena ziho/ maata o kuha vuhalo ku chiswaniso che chivatana, nne kuti chiswaniso che chivatana chi woolye ku waamba, hape mane nne ku chita kuti zumwe nne zumwe yaa seti nna rapere[ku fukamine] chiswaniso che chivatana nne hayiiwa. ¹⁶ Mane chi chita kuti voonse, vahwiire, nne vakulwaana, vahumi nne vahumanehi, va sumunukite nne[mabantiti] va sumiinwa, va tambulye luswayo mu iyaanza lya malyo, kamba mu zifateho[vusu] zaavo: ¹⁷ Mane nne ku chita kuti saanzi nni kuvi muntu zuhi kamba zuhi yeeti choo wuza kamba ku wula, mbwiita vulyo iiye yo wiina luswayo[wo], kamba izina lye chivatana, kamba ipalo ye izina lyaacho. ¹⁸ Ingana[maano] yinu hanu, a iiye yo wiina ku lyemuha a valye ipalo ye chivatana: Ka kuti ipalo yo muntu; mane ipalo yaakwe nje miyaanda yi mana iyaanza nne wu mwiina nne makumi a mana iyaanza nne ka mwiina[666].