¹ Mmi nni kwaa voneka chintu chi komosa mu iwulu; mukulwaakazi nna zweete izuva, mmi mweezi nni wiina haansi lya mateende aakwe, ku zwaaho ku mutwi waakwe nni kwiina ihwiisi/ ingala ye inkaani ziina ku mana iyaanza nne toovere: ² Mmi ka a veena nne ivumu[ a vee mmiinsi/ a veena ha vuholye] choku huwa, nna saka ku zaala/hwizumuka, mane nnaa sasamiinwa. ³ He iwulu lyaaho choku voneka chimwe chintu chi komosa mu iwulu; vone inzoka yi swa mulyiro[dirakona] inkaando yi suvira, yiina mitwi yi mana iyaanza nne yoo vere mane nne maziya eena ikumi, nne mahwiisi a mana iyaanza nne oovere mu wumwe nne wumwe mutwi. ⁴ Mmi cho muchira waakwe[dirakona] nnaa kwiita vuutatu vwe inkaani ze iwulu, choku zi wiisikiza haansi mu inkaanda: mmi idirakona cho kuiiza ku ziima ha vusu vo mukulwaakazi yo choo hwizumuka kuti yi woolye kumu lyiira mwaane wo muswiisu vulyo mwaa mana kumu hwizumuka. ⁵ Mmi mukulwaakazi nna hwizumuka mwaana wo muswiisu[inswiisu] yaa va lukeere ku vusa inkaanda che inkolyi ye chitalye[isipi]: mmi uuzu mwaana choku manina wa ngombweera kwe IREEZA, mane nne ku chipura chaakwe. ⁶ Mmi mukulwaakazi choku ngombweera ku chikwa, kwaa veena chisa[chivaka] chi vaakeenywa nne IREEZA kuti, va woolye kuka hazikiza kwa teni muhwiire mazuva eena miyaanda ye miyaanda nne miyaanda yoo vere nne makumi a mana iyaanza nne lyii mwiina[1260]. ⁷ Mmi cho kuva nne inkoondo ku iwulu: Mikaere nne mangiloyi aakwe nni va lwiisa dirakona; mmi dirakona nnaaye nnaa lwa nneena ne mangiloyi aakwe, ⁸ Mmi nnaa kaangwa/ zuundwa; choku manina nni va sa siina meekalo mu iwulu. ⁹ Mmi dirakona nna soherwa haansi, yina inzoka ya kalye kalye, yi suumpwa Javulusi, nne Saatani, yoo cheenga inkaanda yoonse: a va soherwa haansi nne mangiloyi aakwe nnaawo. ¹⁰ Mmi nni nna zuwa lyiinzwi ikaando mu iwulu nni lyiti, Hanu lyiinu nji chi kwaa sika ku hazwa, nne ziho, nne muvuso we IREEZA infumweetu, nne maata a Jeeso Kirisiti waakwe: Ka kuti yo wii kala nna zonda vaakweetu chaa soherwa haansi, yo wii kala nna va porota kwe IREEZA musihalyi nne masiku. ¹¹ Mmi va vaati nni va muzuunda cha malaha e imbereere, mane nne che ku waamba lyiinzwi nne kuha vupaki kwaavo; choku manina nni va saa suni mahalo aavo mbwiita lufu. ¹² Mpaaho lyiinu mu saange, uunwe vasi iwulu, mu voonse mu ikala mwa teni. Njeeti ku mayive ve ikalyi ve inkaanda mane nne vee iwate! Ka kuti Javulusi che iza kweenu, nna keeza cho vukalyi, nne ku iziva kuti chivaka [inako] chaakwe chi fwihi [chi niini]. ¹³ Mmi dirakona chiinga vona kuti chaa soherwa haansi, nna sukulula mukulwaakazi yaa va zaalyi mwaana wo muswiisu. ¹⁴ Uuzu mukulwaakazi mpaaha ha heewa mavava oovere e isika ikaando, kuti a woolye ku wulukira ku inkaanda, ku chivaka chaakwe, nne chibalyi che chivaka [inako] kuti a woolye kuka mukuza chivaka che miyaanda ye miyaanda nne miyaanda yoo vere nne makumi a mana iyaanza nne lyiimwiina kuzwa he imbalyi nne inzoka. ¹⁵ Mmi inzoka nni yaa swa meenzi cha kalomo kaayo mbakache meenzi o muunda ku swiira mukulwaakazi, kuti a woolye ku hiindwa naawo. ¹⁶ Mmi inkaanda iiyo choku tusa mukulwaakazi mane nne ivu nnaalyo choku iwula kalomo kaalyo, choku mina muunda wu vaazwi mu kalomo ka dirakona. ¹⁷ Mmi dirakona choku shaala u kalyihiire mukulwaakazi, mane choku yeenda choku taanga ku kalwa nne vaanne,aavo va pangahaza milao yaakwe IREEZA, mane nne kuti va kweete vupaki vwa Jeeso Kirisiti.