¹ Nni vaati nni nnaa heewa luhe lu swana nne inkolyi: mmi ingiloyi nni lyaa ziima nni lyicho kuti, ziime u yere itempere ye IREEZA che ipalo, nne chitavero, nnaavo va raperera mukati. ² Mmi irapa lyiina haanze lye itempere iilyo lyi siye, saanzi u lyi yeri; Ka kuti lyi heerwa vantu ve inkaanda vulyo: mmi muzi wu jolola kawu lyaatoolwa cha mateende nnaavo miyeezi yiina makumi oonne nne yoovere[42]. ³ Mmi ka nihe maata vahikaana vaangu voovere, mmi kava porofite mazuva eena mwaanda nne yoovere nne makumi a mana iyaanza nne lyii mwiina[1260] nni va zweete masaka. ⁴ Aava nje masamu a mafuta, mane nne zitako za makandera zi ziimeene ha vusu vwe IREEZA we inkaanda yoonse. ⁵ Mmi lyiinu haiva zumwe muntu vulyo nna saka kuva sasamisa, mulyiro wuzwa mu tulomo twaavo, choku ihaya zira zaavo: mmi haiva zumwe muntu vulyo kaa va sasamisa, muntu wa teni u lukeere kuti afwe che iiyi inzira. ⁶ Aava veena maata oku iyala iwulu, kuti invula saanzi yi soki mu mazuva aavo oku porofita: mane hape veena maata o kuti chiva saandula meenzi kuva malaha, mane nne ku shimeha/dama /kava inkaanda cho vutuku vumwe nne vumwe, muva sakiire vulyo nne cho vuhuva. ⁷ Mmi lyiinu chini vaa mana vupaki vwaavo, chivatana chizwa mu iriindi lyi seena mamanimani kachi va lwiisa, choku va woola/ zuunda, mane choku vee haya. ⁸ Mmi ziripa[miviri/ inyama] zaavo kazi daantame haansi mu muzi mukaando mu inzira vulyo kamba haanze vulyo, uuwu muzi mukaando cho luhuho wu suumpwa Sodoma kamba Egepita, uuko kwaa va vaambwiirwa Simwiine weetu. ⁹ Mmi aavo aava vantu kuya cho mishovo yaavo nne indimi, nne vantu, kava vone ziripa zaavo mazuva oo tatwe nne chibalyi che izuva, ka kuti kava kaanne kuti va wuungwe mu makuumbu. ¹⁰ Mmi ku vantu ve inkaanda kava saange mu kuti, mane kava pange nne mikiti, nne ku lyiha zintu che ivaka lyo kuti aava vaporofita voovere va vaati nni vaa sukulula vantu vee kala mu inkaanda. ¹¹ Chiinga kwa yeenda mazuva oo tatwe nne chibalyi che izuva, luhuho lo vuhalo kuzwa kwe IREEZA choku vee injira, mmi nni vaa ziima cha mateende aavo; mpuku lyi kalyilyiirwa a hulu aavo vava va voni. ¹² Mmi nni va zuwa lyiinzwi ikaando kuzwa ku iwulu nni lyi vacho kuti mu iize kunu. Ku zwaaho mpuva taantukiire che ikope nni va kaya ku iwulu; mmi zira zaavo choku va vona. ¹³ Mane kuya che inako[chivaka] yi swana nni kwaava nne kunyaanganya kwe inkaanda ku kaando a hulu, mane imbalyi ye ikumi yo muzi nni yaa wa, mmi mu kunyaanganya kwe inkaanda choku fwa vantu va woonda miyaanda ye miyaanda yi mana iyaanza nne toovere(7000): vava shaalyi choku shaala valyi kalyilyiirwa, choku taanga ku teemba IREEZA we iwulu. ¹⁴ Vumayi vo vuuveri chi vwaa yeenda/hita, mmi vone, vo vuutatu vu ichirira choku hweera a hulu. ¹⁵ Ingiloyi lyoku mana iyaanza nne toovere choku fula/lyiza; mmi nni kwaava nne milyumo mu iwulu yiti, mivuso yeeyi inkaanda chi yaava mivuso ya Simwiine, mane nni ya Jeeso Kirisiti waakwe; nne kuti kaa vusirize vulyo nni ku saa mani. ¹⁶ Mmi vakulwaana veena makumi oovere nne toonne, va vee keere ha vusu vwe IREEZA mu zipura zaavo, cho kuwa che vusu[zifateho] vwaavo, choku rapera[ showerera] IREEZA, ¹⁷ Nni vaati, tu lyeeta ku saanga kwaako, uuwe Simwiine IREEZA si ziho zoonse, uuwe yoo wiina kwa teni, yaa veena kwa teni, mane nne yoo keeza; Ka kuti ziho zaako zikulu zoonse chiwa zilyi voozekeza, mane chi waa sika haku vusa. ¹⁸ Mmi mishovo ya vantu chiinga yaa veenga, ku zwaaho vukalyi vwaako choku sika, mane nne kuti chivaka cha vafu/vafwiire, kuti va zekiswa, nne kuha ituwero ku vaporofita vahikaana vaako, mane nne vajolola, nne voonse vakutekeha nne kutiya izina lyaako vaniini nne vakaando; nne kuti wii haye aavo va keneenga[va sinya] inkaanda. ¹⁹ Mmi itempere ye IREEZA nni yee wuka ku iwulu, mane nni kwaa voneka iputukesi yo vupaki vwaakwe mu itempere: mmi nni kwaava nne mi mini, manzwi, nne ku tiimba, mane nne kunyaanganya kwe inkaanda, nne kuwa kwa mavwe ku kaando.