¹ Hape nni nna vona ingiloyi lyimwe ikaando nnilyi suuka kuzwa ku iwulu, nnilyi ka zweete ikope: mane nne shamutalazi nneena he iwulu lyo mutwi waalyo, mmi chifateho chaakwe nni chikola izuva, mateende aawo nni a kola mane iiri mawutwana o mulyiro: ² Mmi mu iyaanza lyaalyo cho kuva nnilyi kweete kavuukazana ke iwukite: choku viika iteende lyaalyo lya malyo he iwate, lya mamoonso iilyo cho kulyi viika mu inkaanda, ³ Choku huwa che lyiinzwi ikaando, siina undavu mwaa lyira: mmi chiinga a lyira, matimbiro eena ku mana iyaanza nne oovere choku timbisa kumwe nne kumwe choku timba kwa teni. ⁴ Mmi uuku ku timba chiinga kwa timba kumwe nne kumwe muku timba kwa teni nne cho mulyumo wa teni, chini saka nni nni ngolye: Ku zwaaho choku zuwa lyiinzwi lyi zwa ku iwulu nnilyi nicho kuti, wumbe zintu iizo zaa waambwa nne ku timba kwiina ku mana iyaanza nne toovere, mane saanzi wuzi[uzi] ngolyi. ⁵ Mmi ingiloyi lyini vaa voni nnilyi ziimeene he iwate nne mu inkaanda nni lyaa nyemwiina iyaanza ku iwulu, ⁶ Choku lyi koonka/kana chaakwe yoo halyilyiire, yaa va pangi iwulu, nne zoonse zi waanika kwa teni, nne inkaanda, nne zoonse zi waanika mwa teni, nne iwate, nne zoonse zi waanika mwa teni, kuti kaku siina inako[chivaka] chi sheere: ⁷ Mmi mu mazuva e ngiloyi lyo kumana iyaanza nne toovere, chini lyaa taanga ku fula/lyiza, makunutu[zikaando zi see zivitwa] e IREEZA a lukeere ku chiinka, siina mwaa va waambi ku vahikaana vaakwe vaporofita. ⁸ Mmi lyiinzwi lyini vaa zuwi kuzwa ku iwulu nni lyaa waamba nnaame hape, choku cho kuti, kwiiya u ka hiinde kavuukazana ke iwukite keena mu iyaanza lye ingiloyi lyi ziimeene he iwate nne mu inkaanda. ⁹ Mmi nni nnaa ya ku ingiloyi cho kuka lyicho kuti, nnihe kavuuka. Mmi nna nnicho kuti, ka hiinde ku zwaaho u kalyie; muka kusasame mu ivumu, mmi mu kalomo kaako muka ku luunga mane iiri vuuchi. ¹⁰ Mmi nni nna hiinda kavuuka kuzwa mu iyaanza lye ingiloyi, choku kalyia, choku panga kuti mu kalomo kaangu kuve ku luunga mane iiri vuuchi: mmi chiinga nna mana vulyo ku kalyia choku taanga ku sasaminwa a hulu mu ivumu. ¹¹ Mmi nna nnicho kuti, U lukeere ku porofita ha vusu vwa vantu vaangi, mishovo, nne indimi nne vasimwiine.