¹ Eyi taba njeniti: Haiba muntu ashaka kuba muetereli, arakaza muntendo omurontu. ² Kabulyaho muetereli kaswanere kunyasahara. Aswanera kuba wo mukentu yenke. Aswanera kuba nobuiswaro, nokushuwisisa, kulikutika, ozyo akwesi tamburo. Ozyo awora kuzyiiza. ³ Kaswanezi okuba chindakwa ca waine, kaswanezi kuba simandwa, kabulyaho, abe necishemo, nenkozo. Aswaneli kuba muntu ozyo ashaka hawa mali. ⁴ Aswanera kuyendesa nenja be njuo yakwe, bane baswazi kumukutika kekute lyoshe. ⁵ Haiba muntu kawoli kuyendesa be njuo yakwe, mbuti awora kayendesa ekereke ya Nyambe? ⁶ Kaswanezi kuba muuya mutumero, ye nasiye kulikumusa ye nasiye ku gwirwa mukunyaswa mbwe ndi Javurusi. ⁷ Ozwa apakwa nenja nakwabo bena hanje, ye nareke kugwira mushoni no kukwatwa mukaswa ka javurusi. ⁸ Mutanga we kereke, kabulyaho, aswanera kuba ozyo akwesi kutwisiso, ahavi we ndimi zovire. Ahavi muntu zyo anywa hawa waine, nokulya hawa. ⁹ Bakwante e nkununtu ye ntumero kenzwaro icenete. ¹⁰ Baswanezi kulikwa hape nabo pili, kaho baswanera kuntenda kakuli kaba nyaswa. ¹¹ Nebakentu babe nokushuwisisa, Bahavi basheve. Baswanezi kuba bena nenja nokuba ne tumero muzintu zoshe. ¹² Ama dikoni abe mukwame wo mukentu yenke. baswanera kuyendesa nenja banabo nezibaka zabo. ¹³ Kwabo batenda nenja baswanera kuwana ezituro ne nxgamu mutumero ya Kiresite Jesu. ¹⁴ Ndi ñora zo zintu kwenu, ndiazyara kukaboora kwenu hanu. ¹⁵ Nanga shaka nendilyehe, Ndimi ñorera ye muzyibe kulibabarera munjuo ya Nyambe, eyo ili kereke ya Nyambe ahara, omusumo nozyo azyimanina e niti. ¹⁶ Nditaba kaikakanwa kakuli neba bonahaza okuruka ye kurotu : '' Nabonahara munyama, natendwa yarukite Komoya. nabonwa kuma ngeroi, nayambwa mumashi oshe, natuminwa mu fasi, nakambamisezwa mukanya.