¹ Cware tanzi, Ndi mi susueza ina e nkupo, ntapero, kukumbilira, nokuha kulitumera kutenderwa bantu bonshe, ² a marena ni bonshe abo bena mwi nkamaiso, kutaye tuhare ke nkozo no buharo bu tontwere bwa Nyambe no ku kuteka bantu. ³ Ezi nzirotu no ku tamburwa habuso bwa Nyambe omuhazi wetu. ⁴ A shaka bantu bonshe kutaye baswarerwe zibbi zabo mi bazyibe e nzunu ye niti. ⁵ Kakuli Nyambe yenke, mi yenke o mutusi wa Nyambe no muntu, mukwame Kiresite Jesu. ⁶ Na tufwira kuba e nteko ye ntukuruho, ko bupaki ke nako iswanera. ⁷ Mi keli baka, Eme, ndemwini, ndatendwa omukutazi no muapositola. Ndiamba e niti. Ndazya kuhoma. Ndili muzyiizi wa Machaba mwi ntumero ne niti. ⁸ Cware, Ndishaka muntu muchibaka ne chibaka oku rapera noku nanuna a maanja achenete kokusha benga no kukakana. ⁹ Bulyaho, Ndishaka abakentu kulizwatika muzi zwato zina nenja, ezo kazi hapi maikuto aba kwame nokuli yendesa beni. Bashabi ne nshuki zi shiminitwe, kapa e gauda, kapa oburungu, kapa ezi zwato zidura. ¹⁰ Ndishaka bazyabare ezo zi botere a bakentu ba kuteka Nyambe ke mitendo mirotu. ¹¹ O mukentu a botere ku lituta natontwere mi nokusha buza e mpuzo. ¹² Ndazya ku zuminiza omukentu ku zyiiza kapa okuha omurao omukwame, kono kuhara muku tontora. ¹³ Adama na bumbwa tanzii, kokeya Eva. ¹⁴ Mi Adama kali ndeye nahomwa, kono mukentu na homiwa mu cibi. ¹⁵ Tara bulyaho, nana hazwa ko kureta bana, hati neba zwila habuso ne tumero ne rato, neku licenesa ko kuli kwata.