¹ Hanu o Ruho ru amba ko kuchena ye mwi nako zi kezya a bantu bamwi bara reka e ntumero noku teeza ku myoya yoku hona nokwi ntuto zama dimona ² mu buhata bo mwipo. Ezwaro lyabo li yisitwa ne chitare echo chi hisa. ³ Bara kanisa oku sheshiya noku amuhera e zilyo ezo na tenda Nyambe zoku li abera ko buitumero mukati kabo ba rumera nabo bazyi niti. ⁴ Chonshe cho nicha bumbiwa kwa Nyambe chirotu. Kwaazya echo tu tambura ko buitumero echo chi kaniwa. ⁵ Kakuli chi tonolofazikwe ke zywi lya Nyambe ne ntapero. ⁶ Mushi kalika ezi zintu ha buso bwa bakwenu, mura ba o mwika o murotu wa Jesu Keresite. kakuli mukusi mazywi e ntumero nike ntuto endotu ezo nimwa chilira. ⁷ Mi mukane a makande aze fasi ao ba shaka hawa bachembere. Kwanda yo kutende zo, muli twaeze e chirumeli. ⁸ Kakuli e ntuto yo mubili kali njo butokwa hawa, kono e churumeli ncha butokwa mu zintu zonshe. Chikwesi nsepiso zo buharo bwa shunu nizo buharo bushi kezya. ⁹ Obu burumiwa bu sepahara hawa noku bu zumina koku sepahara bonshe. ¹⁰ Ndi kabulyaho aho kwina ho tu shanda bulyanu noku bereka hawa. Kakuli twine nshepo kwa Nyambe ozywa hara, o mupurusi wa bantu bonshe, sihulu ku barumeli. ¹¹ Muambe noku zyiiza ezi zintu. ¹² Kwasha bi nozyo a zyonaura o buya bwako, Kwanda ya bulyaho, mube o mutara kwabo ba rumera, mu ziambo, zitendo, mwi rato, mwi nsepo, nomu kuchena. ¹³ Kureta ho nendi hure, mu kalire zoku bara, zoku kutaza noku ruta. ¹⁴ Mwasha keshebisi empo eyo ina kwenu, eyo nimwa hewa ke chiporofita, noku bikiwa maanja kuba kuru. ¹⁵ Mu tokomere zi zintu. Mube mwazo, okutiye oku zwira habuso kwenu ibe o bupaki ku bantu bonshe. ¹⁶ Mu tokomere oku li teeza ne ntuto. Mu zwire habuso mwezi zintu. Kakuli ko kutenda bulyaho, muli zwaka mu beni nabo bami teeza.