¹ Lakwtu Bitrus na Yahai a rama i ndawa, parisaucin na dǝgǝm ri magita da ankalta sǝsau magita da nai rikshi. ² Akshi dametinakshi gaɗa Bitrus na Yahai a bar labar Yeso na tlatli gǝri da mutu. ³ Se akshi da jǝb na akshi dampǝdu i kun dilo se datlanu pǝdǝk gaɗa lakwtu gu aduwau. ⁴ Amman ndawa gawa wara kǝma labar gu da bar na jirewa; ndak bari jirewa dantu nǝn dubu vaɗ. ⁵ Ɗa tlanu tunu, gravaucin, gaskauraucin na ndak taran da caccpe iɗa gayi i kun Urshalima. ⁶ Anasa marǝm perris cam ari'u, na Kayapas na Yahai na Alezanda na ndawa wara gǝd na yaganaucin marǝm perris gu. ⁷ Lakwtu akshi mbasu na Bitrus na Yahai i gadavakshi tunu da ja yakshi, "Kǝrmai gaye ko i kun dlagun ga ye kwa dlama bi tiku?" ⁸ Se Bitrus, ganiyak na Nǝnwa Sǝku, da ramakshi ma, "Kun dǝgamcin ndawa, na gazgaruacin, ⁹ iɗa yuwan ku kwa jaya ja, idalasa be da dlamu bǝlan tǝku iɗa baci buka kilapiya nda dlam na na warau dan gaci? ¹⁰ To su da dlapan gara zigaya kun gǝd na dǝk nda Israila, wara kwa tligu, wara Kaksku tlatlaci da mutu, da ri gǝri na nangu dar'i rituku gangatak a kima kun. ¹¹ Yeso mǝgǝnyi aci ne gugyak mi wara nda kuru, amman dlamǝn gara aɗa gugyak mi nda pu i ri daɓathluk lǝma. ¹² Na ri tuku bai i kun nǝn tawanke: gaɗa na dlagun dagai bai a diɗa, wara nda baru, gaɗa ye katu. ¹³ Da akshi i ke awayau ridi Bitrus na Yahai tunu, da zigadu ndawa ne na ilimi bai akshi da jabci da zigǝdu aɗak Bitrus na Yahai dlapu iɗa gayi na Yeso. ¹⁴ Gaɗa akshi ika wara mi gatagu dirɗi na akshi, na be akshi darami idak su wambai. ¹⁵ Aku akshi ɗawu na mawanaucin gu dai vǝna sǝsau cacpa tunu da tli rama gatuk shi. ¹⁶ Darami maya, "Wa dlama gǝmo i dangu? Jirewa be ajab marǝm wakatǝn gara da rikshi tike zigadu wara da mbasu a kun Urshalima, wa dǝmu wa papiyatakshi bai . ¹⁷ Amman gaɗa da sukuna nya pǝdǝm bai i witak ndawa, wa gabɗak shi da sukuna rama nǝn wambai i kun dlagun tuku" ¹⁸ Akshi da ɗauri Bitrus na Yahai i kwakunu gabɗakshi ma fak akshi da dlama rama ko gugza i dlagun Yeso wam bai. ¹⁹ Amman Bitrus na Yahai da ramikshi ma, "Ko dlaman gara bǝlan nda ɗigi Kakasku ko kun, a kina kunu. ²⁰ Gaɗa jaiva rama be wara jakawu na kǝmu gu bai." ²¹ A ku sukuna gabaɗ, Bitrus na Yahai, akshi dai vinakshi, akshi ba dǝvo wara a dawa da barikshi bone bai gaɗa dawa mak a gǝthlip Sǝku na be wara wakatu. ²² Ba ci kimu bi ajab gatugu rǝmana aman gumu fuɗu. ²³ A ku ndai vina akshi tunu, Bitrus na Yahai nda nai i ri dakshi da bari labar be wara dǝgǝm peris na gazgaraucin ramikshi. ²⁴ A ku akshi kimadu tunu, akshi da sukci wurakshi iɗa gayi i Kakasku da ramma, "Mǝgǝnyi ci wara ka dlam dǝsku na ɗa na anku na be wara a kunakshi. ²⁵ Ci wara da kun Nǝnwaci da miya Afaja Dauda guzubci ka ramma, 'Dawun tam ndawa mi ziga Kakasku bai a gǝshi na aci, ndawa ye a tamun be vadtuku? ²⁶ Garvaucin duniya in pe aɗakshi na dǝgǝm caccǝpu iri gayi gaba na Mǝgǝnyi, na guba na christi. ²⁷ Zam wan, Hiridus na Bintus Bilatus, aɗa gayi na ndawa mi zǝga Seku bai na da Israila, da cacpi ri dǝgǝm gaba na guzub mi go aibu Yeso wara ka yaiɗo. ²⁸ Akshi cacpu i da gayi da dlam be wara ammici na gǝsha ci intutu dlamau da wakaci. ²⁹ Kusku, Mǝgǝnyi, dik na gabad shi aiva guzab ci da rami tilam go kalau. ³⁰ Ga lakwtu mi adivara ammi ci gaɗa wana ndatu, tatika gaginawa, na bi ajab da wakaci da devo dlagun Yeso guzub ci mi go aibu. ³¹ A ku akshi damina magita, ri wara akshi a kunu gu da dlam rǝb, akshi gǝd da niyi nakshi na Nǝnwa Sǝku, se akshi da jǝb rama Sǝku go kalau. ³² Ndawa gawa wara bar jirewa da dlapnakshi na gǝshi getak: go nǝn mi wara ramma be aci na atu kǝri amma gǝdshi a dlama be iɗa gayi na bǝra kurak bai. ³³ Na marim kǝrmai mawanucin gu da jǝb rama be wakatu na akshi i dak tliayi Mǝgǝnyi Yeso, se marim herr da pi ɗakshi gǝd. ³⁴ Na nǝn getak a gadavakshi wara buku be gaɗa tike wara na kamin, wunduwawin dǝbdidu, dan na jayau mi akshi dibdu gǝd. ³⁵ Da nai danpuna dagwdau i kǝma mawanaucin gu akshi da pandi purau gadavak nda bari jirewa tawanke ka ki jiktu ti ke. ³⁶ Yusufu ba ci wana i wunduwa Sǝku, mi vire da cyprus, wara mawanaucin in peci dlagun ma Barnaba wato ba ci mista miya, wun dauzata. ³⁷ Na patata nda ɗǝbdadu nda na vayau da pudu i kima mawanaucin gu.