¹ Gusku, Bitrus na Yahai a tika rakan i nye sǝsau magita a lawktu magita, dan tu sartu kudku-veda. ² Na nǝn ɗagai, karanak tun lakwtu ɗi gǝri; nda magǝri danpigǝri i miyak su magita wara nda rarauma Bǝlan, gaɗa da tlam wili dari ndak tǝfa i sǝsau magita. ³ Lakwtu ika Bitrus na Yahai aya tufe i sǝsau magitau, da jayi sadaka. ⁴ Bitrus, da pici da na Yahai da ramma, "Akija." ⁵ Nǝn garanakgu da kakshi, a tuman gǝnyi be da barici. ⁶ Bitrus se darama silva na zinari iyu na atu bai, amman, be iyu na atu na bari ci. Ikun dlagun Yeso Mǝgǝnyi ki Nazarat, "A dlam rakan." ⁷ Bitrus dami ami gǝri ki mata, da tlatla ci dǝsku tunu zǝgir gǝri na awuk gǝri da bina awayau. ⁸ Dakatar da tli, da rakani da tifin gǝri na Bitrus na Yahai i kun sǝsau magita, a rakan, a gitlib dlagun Sǝku. ⁹ Ndawa gǝd da kaci a rakan a gitlip Sǝku. ¹⁰ Se akshi da sanuci nǝn tunu ba ci mbasu a gǝn sadaka da miya mafgi sǝsau magita Sǝku bǝlan tunu; da niyi nakshi na bi ajabta gaɗa be mi wara wakatu na aci. ¹¹ Lakwtu aci jǝbna Bitrus na Yahai tunu, Ndawa mak da rawai irikshi baka wara da raura ma dlakɗa Sulemanu jigamta tika. ¹² Lakwtu Bitrus ikau kasǝn tunu, darami ndau ma, "Kun gamsadin Israila kwa jabta gumo? da win tam kwa pa na daa kun i aɗa ja? ka be ja dawaci da dlam rakan gu na awayau na kirmai ja? ¹³ Kakasku Ibrahim, na ki Ishaku na ki Yakubu, Kakasku Afafkin ja, kirmai tina Yeso guzub gǝri, A ci ne wara kwa baru kwa karoci idak Bilatus lakwtu tumman tu tadi na aci. ¹⁴ Kwa kurna nǝn go aibu, ba ci jirewa, kwa jayi ma galko da taɗi kun baci tǝk ndawa. ¹⁵ Kwa tǝkina dǝgǝm aro, wara Kakasku tlatlau da mutu, ja shaidak sau. ¹⁶ Gusku da ri bar jirewa ikun dlagun gǝri, nangu wara kwa lawangu na kwazgau dlagun tuku ne wara barici awayau. Bar jirewa da ri Yeso a tune barici ngatu na kilapiya i kima kun gǝd. ¹⁷ Gusku yaganaucin ga, nazgadu kwa dlami ikun rashi zigaya, ka ki mi wara dǝgamcin kun dlamu. ¹⁸ Amman be wara Kakasku ramau da miya nabaucin ma, Yeso aya sa bone dek jibkin gara. ¹⁹ A tubtina , kwa katai nakun, gaɗa da viya dikun aibabin kun, gaɗa kwa bi lakwtu dlama kuno i kǝma mǝgǝnyi; ²⁰ gaɗa aci da wanai mǝgǝnyi wara nda tatiki kun, Yeso. ²¹ A ci ne nǝn wara dǝsku a gǝnu har lakwtu kalakta na be tawanke, wara kakasku ramu lakwtu tu da miya nabaucin. ²² Musa ma, 'Mǝgǝnyi Kakasku aye tlathi nabi ka ki iyu da kun yaganaucin ga, kwa ye kirimta be tawanke wara a rame kun. ²³ A dlaman gara tika wara kirimtu nabi tunu bin nda dina na ci da kunu ndawa.' ²⁴ Auwo, na nabaucin tun da Samaila na wara deu da kugiri akshi ramu da sanara yiwan tuku. ²⁵ Kun ne kutli nabaucin na alkawar wara Kakasku dlami kakancin kun, rami Ibrahim, "Da kun zadaci aye varai nen yal duniya na barkawaci. ²⁶ A ku Kakasku tlatla na guzub gǝri aye wanyi gǝri i rikun sukur, gaɗa pi kun barka gada mistayi nǝn tawanke dari wana kǝmangar.