1
Lakwtu gafa gǝmuri paska deu tunu, akshi gǝd da caccpa a rigayi.
2
Go tasǝna se so adǝr da dǝsku ka ki adǝr maram zuwak, da chimna wunduwau mak ri wara akshi dam mbasu.
3
Akshi a tasina bi se so marnyi aka a da pakai da dǝsku dam mbasi iɗak tike mi wara a kun sugu.
4
Gǝd shi da niyin nakshi na Nǝnwa Sǝku da jǝb rama na miya dama-dama ka ki mi wara Nǝnwa Sǝku barikshi da dlami
5
A sartu na yahudaucin wara dan mbasu a Urshalima nda kalau Seku da lardi tawanke i diɗa dǝsku.
6
Lakwtu da kǝma adǝr tunu, algu da nai da jǝb jabtau gaɗa tike a kǝmukshi a rama zadak miya tawanke.
7
Akshi da tli jabtau; da ram ma, "Jire be ndan gu akshi ne mi wara arama da miya Galili bai?
8
A dlama na na wa kǝrǝmtakshi tike da miya wara nda yawu wa?
9
Parthians na Medias na Elamites na kun Judiya na Capadokiya ikun Pontus na Asia cam,
10
i kun phyrgia na pamphylia i kun masar na baka Libiya fara cyrene na magǝrafcin da Roma.
11
Yahudaucin na proselites, cretans na larabaucin wa kiramtakshi arama ikun miyak zada wa aɗa marim wana Kakasku.
12
Akshi mak a kun jabta na jiganta tǝka, da rami tikashi ma, "Su wam tam kasau?"
13
Ndo jigab da garintak shi, maya, "Niyi nakshi na kuyok sima"
14
Amman Bitrus da tli na guma ayau gayi gu, da sukci wura gǝri, da ram ma, "Gamsak na gǝd kun wara dam mbasu a Urshalima, tike dazgana sau ampa ankal kun iɗa ramaga.
15
Ndangu ba be bai ka ki kwa tumangu atiro dagu tlanu gususku.
16
Sutuku be wara nabi Joel ramu:
17
A dlamangara i kun zaman dadi gǝri inji Kakasku, "Na ye payi Nǝnwa idak tike kuthikun gamsak na gamaɗ a ye dlama rama saktu Sǝku, mapǝndawaɗ kun a ye lawan, nda wa gazgaraucin kun aya saunak suwan.
18
A ɗa guzabcin ga, ke na guzabcin gamaɗ ikun lakwtu tunu, na ye pi Nǝnwa ga akshi ye a yana sadtu Sǝku.
19
Na ye tatika bi ajab i kun dǝsku na gagǝnawawin didak ɗa. Dǝdǝm, aka na gambiririk zuwak.
20
Afa a mistangara ayiwa pǝlak, tǝra a dlamangara dǝdǝm ka bin lawktu marǝm gafa mǝgǝnyi da nai.
21
A dlamangara nǝn tawanke wara rauru dlagun Megenyi a bi na raa.
22
Gamsaɗin Israila a kimina ramtuku: Yeso ba Nazarrat, nǝn Kakasku viyi na aci marim wana, na bi ajab na tatika gaginawawin dari gǝri i gadavakun, ka ki be kun na adakun kuzgau-
23
Gada shiri bǝlan ki zigaya Kakasku. Nda bar na aci, na kun, da barna aci i amai ndawa wara zǝga dumaya bai da tligidu datikina aci;
24
Nǝn wara Kakasku tlatladu, da jina tita da tika gǝri gaɗa a dlama bai mutu da jǝbaci.
25
Nabi Dauda rami ɗagǝri ma, 'Na lawan Mǝgǝnyi a dibakimaga, Aci kulum a jampel mataga, gaɗa nda dabayu bai.
26
Gaɗa kasunu gǝshi ga arawai, marnyi ga a pirdai. Tǝka gaye a tlapu gawayau.
27
Ka virka aro ga i kun aka bai, ko kai vai vatkanǝn go aibu da tǝrapi.
28
Ka tatka nai dǝvo aro; ka niyi na iyu na arrawi gǝshi na dibakimaci.
29
Yagaucin, na rame kun go jimjim labar nabi Dauda aci cam mutu nda dabgina aci, aɗuo gǝri gusku yaye ariwa.
30
Gaɗa kasǝn aci ye Nabi aci ye zigadu Kakasku tadici yinda ma da kun zadak gǝri aci a ya ye impinaci iɗa kurusyi gǝri.
31
Aci diɗke na sau, da ram labar tlathi Mǝgǝnyi. 'A ci a verika gǝri aka bai ko tǝka gǝri daki tǝrabu'
32
Yeso tǝku-Kakasku tlatla na aci, wara wa gǝd shaidaucin.
33
Gaɗa kasǝn nda tlatla na aci dǝsku a ammi mata Kakasku, aku gǝnna alkawar nǝnwa Sǝku dari Afak, da pedikun sau, gusku kwa lawangu na kiramtau.
34
A tǝro nda ma Dauda i dǝsku bai amman ram maya Mǝgǝnyi rami Megenyi ganai, "Ambashi i ami mata ga,
35
har lakwtu wara na dawu dagabaci ri ampi zǝgir ci.
36
Gaɗa kasau nda wunduwa Isaraila mak da zigadu iɗak Kakasku dlamna aci Mǝgǝnyi ba ci marrtapa, Yeso tuku wara nda tligu."
37
Lakwtu akshi kǝma sutǝn da tlapina akshi i kun gǝshak shi, se darami Bitrus na gagǝshin mawanaucin gu, "Yaganucin, waya dlama gumo?
38
Se Bitrus da ramikshi, A tubtina nda dlami kun Baptisma, tike kun i kun dlagun Yeso Mǝgǝnyi gaɗa tubta aibakun, kuru kwa gine na bari Nǝnwa Sǝku.
39
i kun na alkawar na kutlikun na ndawa wara a pǝdǝm na ndawa gawa wara Mǝgǝnyi Kakasku wara a ye raurayu."
V 40 Na rama gawa aci ramikshi wam maya, "A rina adakun da kun gabshi zamantuku"
41
Se akshi da gǝnina rama gǝri da dlamikshi Baptisma, akshi dabina sukuna aro ndawa dubu kwan gufu tunu.
42
Akshi da jibi wana mawanaucin, gugza na dumaya i kun kitl burodi na magita.
43
Kalau da zidapai iɗa aro tawanke, bi ajab gawa, na kaktla gaginawaucin da ri mawanaucin gu.
44
Dǝk ndawa wara bari jire da dlamnakshi aɗa gayi,
45
Da dibjina kare shi na liman da tarbudu i gadava shi, kaki intuta.
46
Kulum yiwan a tifa fatawanke akshi da jǝb dlama be tawanke getak, i kun sesau magita Kakasku, akshi a kitli burodi a terba abin i wunduwawinshi i kun pǝrdai na ntu gǝshi;
47
Akshi a saksakta Sǝku da bina intau dari ndawa. Megenyi da tli sukunak shi ɗa tlanu wai ndawa wara nda raa.