¹ Na nǝn ɗagai baci dlugun Hananiya na amagǝri, ɗebji karecshi. ² Se da ɗǝɓshi na gagǝshin dagdau jǝgab amma giri zigagu se daniana gagǝshin dagdau dampudu i kima muwanaucin. ³ Amman Bitrus da ramma, "Hananiya,gaɗa gǝmo lǝspurr niyi na gǝsha ci ka dlam papiya i Nǝnwa sǝku, ka dǝɓshina dagwdau kamgu jǝgab? ⁴ lawktu mi kamgu da ɗǝbda bai tunu, a mbasa ci bai? gaɗa ǧǝmo ka dlam kuraram bitku bai i gǝsha ci? Ai kadlam papiya i ndawa bai, amma i kakasǝku" ⁵ Hananiya kǝma rama tǝku se dadagami damcingǝri. Se kalau da jibna ndawa thlapar mi wara a riwu. ⁶ Mapindawaɗ da nai da dayaiɗi na guvu ,dami dayi da dabgudu. ⁷ Daku dantau awa kwan, se so amagǝri da tǝfai, amman zǝga bee wakatu bai. ⁸ Se Bitrus da ramitu ma, "A rama nai ko kwa ɗǝbdu kamgu kasu" Se atu da ramma "Auwo, i kasǝnu." ¹⁰ Na tasǝna bai, se atu da dagamungara da mutǝngara. Se mapindawaɗgu da tase atu gamtak, se dami guvu da dabgǝdu. ¹¹ Se kalau thapar da jǝbna ndak ɗigau na ndawa mi kǝma labar tinda dajib kalau. ¹² Munduwacingu dajǝ dlama ɓǝk ajap gawa i witak ndawa. makshi kuwa na nupi gayi a cacpa i su mbasu Sulemanu. ¹³ Amman, i kun ndiwa ,go nǝn midlam awayau gǝshi, dayi rikshi. Dǝk na kasǝn, ndawa a saksaktashi. ¹⁴ Ndak iman i Yeso gasak na amatauda jǝb sǝkuna aɗau- aɗau. ¹⁵ Harr da jǝb nina, fura gawa i ɗak tarbo a zǝmakshi i ɗak rakai na bǝk vǝji, gaɗa lawktu mi Bitrus de damtu nǝn , nǝnwagǝri a fuwayi ɗak ndo jigab. ¹⁶ Ndawa gawa ke danai da ɗa gawa mi a baka Urishalima da nina ndak fǝra gawa na ndak zuwawin, makshi nda ngatinakshi. ¹⁷ Amman, marǝm perist da tli da'yi har na akshi wara a ɗa gayi na aci, da palla sadukiyaucin da tatkishi guvu. ¹⁸ Nda gwi muwaucingu, da pinakshi kun dilo. ¹⁹ I kun divǝd , malǝika kakasǝku da rupcina miyak susasǝn dilogu da ta'yi nakshi i vǝda, da ramma, ²⁰ "Ada, kwarr'yi kun munduwa sǝku, kwa bari labarr herr, thapar i dawa." ²¹ Lawktu akshi kǝmau kasu tunu, da tufi kun munduwa kakasǝku ɗatlanu pǝɗǝk da dlam guza. Amman marum pristgun, danai na ndawa gawa mi a rigǝri, da ɗauri majalisgu i ɗa gayi na ndawa gasgaraucin kǝ Israila, se da wanyi , nda nina muwanaucingu da kun dǝlogu. ²² Amman ndawa mi nda wanagu, tasakshi bai i kun dǝlogu, se da katai da ramma ²³ "jatasa dǝlogu da cima belan, amma nda gadi dar i miyak magvu, amma lakwtu waran jatarnu riwu , tǝnu, jaika nǝn wambai i kunu." ²⁴ Lakwtu mi marǝm askarabu na marumamin pǝrissaucigu weǝnduwa kakasǝku kǝma kasau,tunu, se ankalkshi da tlingara thlapar gatukshi, da bukina tam aye wakata i ɗak bitǝku. ²⁵ Se ɗagai da nai da ramikshik ma,"Ndawa mi kwa tadi i kun dilo tunu , dar'yi a kun wunduwa kakasǝkua gugza i ndawa." ²⁶ Se mǝm askrabaucingu, dayi na adagiri da katai na akshi, amma na titabai, gaɗa akshi a kalau vǝre da ri ndawa. ²⁷ Lawktu akshi kate nakshi tunu, se dampakshi i kǝma majalisgu, se marǝm pǝrissssaucingu da jayakshi. ²⁸ Da ramma,"ja gabɗi kun thlapar ma kwa dlama gugza i ɗak dlugun tǝku bai, deǝk nakasǝn, kwa niyu na kun Urushalima na gugza da ri kun, zam kwancu kwa pidǝdǝm warrangu i aɗaja." ²⁹ Amman, Bitrus, na muwanaucingu, da wuri ma,"ja dlama nakwana i kakasǝku, dla mau, i ndawa." ³⁰ Kakasǝku ki afafkinja tlatla na Yesu, mi kwa tǝki na aci, dari ɗigagǝri i dak waka. ³¹ Kakasǝku, saksaktu na aci i ami matagǝri, da kacina aci digum na baci ra.da bar tubi i Israila, na tubta aipapapin. ³² Ja saidadin bayangu, gaɗa kasǝn, Nǝnwa Sǝku, aci nekakasǝku bari ndawa mi a dlameci nakwana." ³³ Ndak majalisgu, kǝma sau tǝku, se da shitini nakshi thlapar, ancu tǝk na muwanaucingu. ³⁴ Amman baci parise dagai, baci dlgun ma, Gamaliel acu malum dumaya, mi ndawa mak saksakta gǝri, da tli dar'yi da ɗawi muwanaucingu nda ji nakshi vǝda dǝgo. ³⁵ se da rami ndak majalisgu ma,"gasgaraucin Israila, a dlamina ankal pa na bee mi kwa niya dlamau na ndangu. ³⁶ I lawktu amman ɗagai na nǝn ɗagai tleu ma aci Tudas, da mi aɗagǝri nbasu nǝn marǝm, se ndawa gawa tla ma a ɗigǝri nda tǝki na naci, se ndak dlameci saksaktau mak nda wayina akshi da kaci nakshi be wambai. ³⁷ Dakuk sǝn yahuda ki Galili da tlai i lawktu yuwan nakwana da 'yu ndau jigab i aku gǝri . Aci cham da bakoncigǝri, zam ndak dlameci saksaktau mak da wayinakshi. ³⁸ Gusuku na ramekun, a vǝra nakun da duvu ndangu, kwa bǝzinakshi rǝkshi, Gada sugku sǝpǝrata ko wanak ndawa nǝn a rǝbgangara. ³⁹ Amman, ki kakasǝku nin, kwa dǝmu kwa ci awayukshik bai . kwa ni kwa zǝgi nǝn ma kwa tlǝri na Kakasku"se nda y'u na hankalshi. ⁴⁰ Se akshi da ɗaure muwanaucingu, da gaɓɗakshi ma akshi da sǝkuna rama i kun dlǝgun Yeso wambai, sai daivi na akshi. dayinakshi. ⁴¹ Muwanaucingu, dai vǝna majalisgu, a pǝrdai ma akshi dlam nakshi ikun ndawa wara mi nda muwau gada dlǝgun Yeso. ⁴² Gada kasǝn, gafa tawanke akshi a kun munduwa seku, ke a diga munduwa i nye munduwa a gugza aɗau-aɗau, na wazik Yeso Almasihu.