¹ . Ātuk Sati āghyang Yesu si chong āta shiā āgyang ānyet mang ātakhu mbwak mavwuo naai nang gu swan. ² . Basi sak ālili di Yesu bali kà āna churok gu ātuk Sati ke. Ba chat bali kà āna bwo abun. ³ . Yesu si hyie mang ātakhu mbwak āyin'u, "Tagham a yong makawochie kuzang āyin". Āsi tagham āyong. ⁴ Yesu si lyip ānyet be da bwo ābun hwa ka a nyie a chuchuk ntam aātuk Sati kĩ katuk ha?. Doka zi shim ā san swan āti nzwan ātuk Sati ka āyok gu ā hwu? Āyin si kĩrak ba. ⁵ . Āsi ngwan be ākĩrak di byan fwo di sangag zi ban byie fufwo nchat ming lak biyang āni. Āsi hyiā mang āngu, "Nyep bwak ahu". Āsi nyep bwak hu Yesu si bwok mang anhu chachirak. ⁶ Da kanyan akyai Farisiyawa be si durok āta tabat ātung ming Herodus sangag zi ba nan khyat gu āni. ⁷ . Āwat Yesu si durok ātabat vak, ngu mang ānyet ntam gube ta nat ma gbandang āghui. Apke anyet si hwui gu āsibe ba hwuit ma kakĩrang Galili ming Judiya ⁸ durok Urushelima tanat akĩrak Judiya, āghyang ma kĩrak Idomia ming Jodan nbiyang makakĩrang Taya ming Sidon. Kakap be chat gu āta shie da nyan nkang gu ngyie wa ani. ⁹ . Da nyan ke gun shiim anyet ming tankai nzwan ma didit āni āhyang si shiyai achabai pkanpkyen da pke baká shie sak bwak dangu kībana shie shiim mbe ma. ¹⁰ Gun shiim ānyet ma didit āni āsi chie ānyet ntam gube ba chat gu kukwon āwak abai dio pkanpkyen, kanang gu mi li ānyet be ba chat fyep gu ālau. ¹¹ . Mijan nang āyaa bonbwon ntswe be ndi gu āni kakabbe basi shwot ākwoi āzaghi gu basi kurok nkun ming chat, ba nyie, "Áyet ngwon Āgwaze kya". ¹² Āsi vwuong be mang aghandang anghuat da bayok shim a lyen nyie guwa ba. ¹³ . Āsi ta nghyak āda tan ntswok āsi yirong ānyet be gu chat āni, asi nat da vwuo gu. ¹⁴ . Āzawa gusin hyai ānyet swak mang afiyang be (nang ba yet ātam gube āni) bibya na swan man āngu nang gu fwoi be ntam myiam ānyet ālyat Āgwaze ne, ¹⁵ mbiyang turung twe ātanghīrang. ¹⁶ . Āsi kyai swak mang ānyet afiyang be. Āsi shai āyirok atwu angyai Siman wu āni āsin chiā āyirok Bitru. ¹⁷ . Yakubu āfai Zebedee mbiyang Yoona ānanyiug Yaku bu (nang gun chie yiyirok Boanerges (mman āmghai nze). ¹⁸ Mbiyang Andirawus, Filibut, Batilomi, Matiyu, Toma, Yakubut āfai Alfiyas, Tadiat, Siman nang an gyai Zilot āni ¹⁹ mang Juda Iskarioti a lyap gu āni. ²⁰ . Āzawa gusi swak ānat āmali, ākpe anyet sibo kyak āndap āta nat sisakzi nang gun shie āvwuo swan āhyiā kyayak āni ba ²¹ . Ānyet gu be nfak āni, basi nkad di chung mang āngu kalak nang ban dyat āni, "Fwo guhu bo shie mangu ba" ²² Ānyet luru basi bai nyet mi Urshalima āni basi tabat lyat, "Tswe Belzebul za shie āmangu" āhyang si shai nhyiā "Ngwon Ātanhyīrang kya biyang gu turùng ātanhyīrang ne". ²³ . Yesu si yirong be ba bai da vwuo gu, āsi kīrak mang āmbe da me ālyat "Ātanhyīrang natin ātanhyīrang'ā? ²⁴ Kĩ tyok durok āyong hu si kau āpsie hu, tyok āhyai na yong ba. ²⁵ Ānhyawa ka āli kau āpyiā ke, āli aākyai na yong ba." ²⁶ . Kĩ ātanhyīrang ke durok āyong mang āpyiā ke kasi kau, yong ke hu na chie ba, ka bai tyak ha hyai. ²⁷ . Āyin sin nat āmali āfakchat a kwok gu nkyang dimi nwai lap gu ba. Kanang ā lap gu huhwa nang ānan kwok nkyang ne āmali guke. ²⁸ . Ātsatsak a nang nshai nyin, a katuk mbiyang ānyet bwoi ābun ālyat na shie hwui kyang hu nang ba lyat āni. ²⁹ Bwoi ābun ālyat nang āyin lyat ātazwe āzazirak ntswe āni guwa nang āna kwui ba, ātye āwai kwe ma katuk hu na nat mang āngu sangbap katuk za āni. ³⁰ Yesu lyat ālyat ne ātanzwe kyang ba shai āni nyiā, "Ābie ā dindyùng ntwe". ³¹ . Āyang Yesu mbiyang ānahyiuk be bai āmi yong nte. Basi tam āsi ta yurong gu. ³² . Ākpe ānyet si bai basi mi swan dindùng mang āngu "Ānanhyiuk abe mbiyang āyang a'u shi nte, ba chat ba lyen avwuo ke nang an shie āni." ³³ . Yesu si shim be ming lyip, "Nyanyan bya yet a yang ning mang ānahiuk ning be? ³⁴ Āsi nwan ākīrak àwnyet be ba swan a kīrang gu āni, nyie, "Yili, ānyet be bya yet āyang ning mang ānahyiuk ning be. ³⁵ Ma āti'u āfak āsi hwui ālyat Āchie ning ne āni guwa yet ānanhyiuk āsam mana ānanhyuik ānap mbiyang ayang ning'u.