¹ . Āku kyak mman Yesu si bo bwok ānat Capernaum. ² Ānyet be nfak bwok guhu āni basi tung āta hyat tutu hu āvwuo ngwo si bo bwat ba. Āzawa Yesu sibo tabat myam be ālyat Āgwazene. ³ . Āgyang ānyet si bai mang a ti nzwan khu-vam āda gbirak nang ānyet ānaii bya bang gu. ⁴ Ban shiā avwuo banan swak mang āngu ānat dyio ming Yesu āni ba, mat gak hu nang ānyet be nshi ākpe āni. Ba si ta takyak ākup ba sin chwok mang āngu tsatsirak da āvwuo ke Yesu ngyong āni. ⁵ . Yesu indi nwak āchuchuk behu āni, āsi khiā mang ātin zwan khu-vam'u "Ngwon, ākwii'a katuk āhu". ⁶ . Āzawa āchachet ānyet lyen luru be si tabat ādidam āmami nfwo be. ⁷ "Iwhaha mbyie nang āfai yi ndyat āngya? Ābwo ābun! Ānyanna sin kwui katuk ban ma āgwaze ma nyin gu". ⁸ . Yesu si shie lyen ātanfwo kyang nang ba dam āni. Āsi lyip be, "Dang tankai ādidam a nang yi shie di dam hu? ⁹ Kyang swak ā tak mang ātin nzwan kwu-vam'u. "Ā kwii katuk āhu, kalak, tagham ākyak a gbirak a'u a tabat chiyet? ¹⁰ . Ina tak mang ānyin sangag zi nang ngwon ātibishi mbyie twok āmami atachiā āni, mbiyang kwuii katuk, āsi tak mang āti nzwan kwu-vam'u. ¹¹ . "Ntak ming āngwan tagham a kyak ākpang a'u an kat āmali." ¹² Āsi tagham angang āsi kyak akpang'u āsi kai āzaswon be. Ban di gu āni, basi fak āgādē ãtsatsak kyajg'u nang Āgwaze ngyie āni basi dyep gu, basi tabat lyat ngyiā di bakan dī kyang aribidi nang si khwii āni ba. ¹³ . Āsi ghwut ākai kpapkak ming tadyong gyang, akpe si khwii gu, āsi tabat myiam be. ¹⁴ . Āshi di surap, āsi li Levi āfai Alpheus nang gu swan da vwuo sai gandu, āsi yirong gu. "kwii ning". Āsi tagham a kwii gu. ¹⁵ . Nang Yesu shie di ghiā kyayak, amali Levi ani anyet sai kurim abin mbiyang ākatuk ānyet ma didit si swan mang āngu mbiyang ānyet ntam gube da chak ākyai a surong ānyet si hwui gu. ¹⁶ Jan zii nang ānyet luru bayet Farisawa ban di Yesu swan āgyie yak dindùng mang āmbe āni, basi lyip Farisiyawa be di bali ihwaha nang mbyie nang gun gyiā yak dindùng mang ānyet. ¹⁷ . Yesu nfak kyang nang ba lyat āni, āsi tak mang āmbe. "Ānyet ba byie kankīrang āni chat ābwok ba; ānyet nzwan bya chat ābwok. Mbai chat āchuchuk ānyet bya ba, ākatuk bya nang mbai chat hu. ¹⁸ Din janzi nang ānyet ntam Yoona mbyang mman ntam Farisiyawa nshia di fwii nunu āni, basi bai da vwou gu a lirim di "Ihwaha mbyie nang ānyet ntam Yoona be mbyang mman ntam Farisiyawa be nfwii nunu, nang ānyet ntam gu be nfwii ba?" ¹⁹ si tak mang āmbe, "Āpkandang ātyok nyie nyirang na fwii nunu nang ātyok nyie nyirang"u ni shie mang āmbe? Nang gu nin shie mang āmbe āni bana fwii nunu ba. ²⁰ . Mam na bai nang āsimi nkyak ātyok ngyirang'u ā ghwon be āni, mmam ānyaina nang ba nan fwii nunu hu. ²¹ Āsimin nkyak tyang āturo āfai āmbyet da lyen āturo ba. Kanang huli āngya, ākhukhop ntyang āturo'u na syep ā ghwon āga gbandang ābong. ²² . Āyin sin ghyung ākan āmami ā gwogwak āswum ba. Ka huli āngyia āswum ke na fwoi na wuyem ki na sim byang, ā ngwai ākan ne ming āswum ke kakap. Āngyawa mbyie ānin tok ākan ne ma swum āfai." ²³ . Ātuk Āsabat, nang Yesu chong ākat bibin khap yak dindùng mang ānyet ntam gu be. Ānyet ntam gube si tabat sam pipie yak hu āgyiā. ²⁴ . Farisiyawa be ndi āni basi tabat lyat "Di, ihwaha nang ban ngyiā kyang nang an vwuong āni ātuk Āsabat." ²⁵ . Yesu ku ngyie mang āmbe "Yi jam nkyang nang Dauda ku ngyiā di janzi gu kun fak zong ngu mang ānyet ba shia dindùng mang āngu āni daa? ²⁶ . Janzii gu kun ngwo ma vwuo naai Āgwaze nang Abita yet āgbandang Frist āsi ta tabat gyiā brodi nang an vwuong ānyet be gyiā hu āni kĩda Frist'a ba, āsi ta kyak āgyiā dindùng mang ānyet ba shie mang āngu āni daa? ²⁷ . Yesu si gyiā āswan ming tyet ānyet jam ālyat Āgwaze be ngyie, "Ājhyi ātuk Sati da nyan ātibishi kya. Ātibishi'a ājhyi da nyan ātuk Sati ba. ²⁸ . Āngyawa mbyie sisak zi nang ngwon atyibishii ke ngyet Āchie ātuk Sati'u.