¹ . Asi tabat myam abiyem tadyong nang ba swan. Akpe anyet ma didit si tunf a swan mang angu. Di kyak aban jan dadai asi durok anghwo amami kukwon awak asin swan, asi yuruk kukwon hu achie dio amami tadyong hu. Kakap anyet be si swan a biyem tadyong ke a fwong gu ² nang gu myam be ming ame alyat nyie ba fak: " ³ Yi fak, ati khap nat chwuii yak, a shie di chwuii hu, ⁴ tswe yak jyang si kwoi din vak, a kaman si tang, ⁵ . jyang da kwot avuo sabg mbin, sang mbin hu si chie zisi kwot di zanzi man ntat ani. ⁶ Mam ntat ani zisi shwuk sangag zi zin shiā ashim mbin ani ba. ⁷ Tswe jhyang si kwoi amami sakan zisi te, sakanzi si chwuii jhie zisi chie tswe ba. ⁸ Tswe jyang si kwoi da tsatsak abin zisi te zisi tail ma kpapkap-apkak. Shie azai si chie twe, jyang nswak ntat, jyang nswak etee, jyang nswak nchii lan kyang a chwuii ani" ⁹ Asi hyang mang ambe "Ati'u abie afufwo fak ani afak." ¹⁰ . Janzi Yesu nswan anyin gu ani anyet be ba swan atung gu ani mbiyang anyet swak mang afiyang be si lyip gu ame alyat ke gu lyat ani. ¹¹ . Asi tak mang embe nyie "mbwak nyin kya nang an hwon alyat atanfwo ali Agwaze ne. Akum anyet ke kikya nang a lyat mang embe da ame alyat. Kyang hu mbie ani hu wha yet, ¹² . ku ba nwan-nwan hu ni bana li ba, ku ba fwong-fwong hu ni, bana fak ba kida bada lyip Agwaze gu'a kwii be. ¹³ . Asi lyip be, "Yi kyak lyen da me alyat kai'a? Yi na nyie ni'a yin dyen akum ame alyat ke nang ndyat ani? ¹⁴ . Ati chwii'u tip swang alyat za. ¹⁵ Swang alyat azai za kwoi, jyang din vak, ziza Atanghirang simi tawap kasi ta nkat dyio." ¹⁶ Asi be basi kwoi da kwot avuo nfang'u ani bibya fak alyat Agwaze ne basi san di agyirap ma dadai njan ¹⁷ bam ming achichuk atanfwo, zot ming katuk swat nte si bai basi shwot akwoi. ¹⁸ . Agyang be basi kwoi amami sakan zi ani ¹⁹ bibya fak, ashishok ming chat nzwe swt nte si ngwo amami nfwo ne basi chwii alyat ne nasi shie te na swan mambe ba. ²⁰ Twe zi zisi kwoi da tsatsak avuo'u abie mbon ne ani, bi bya yet a sibe ba fak alyat Agwaze ne nasi swan atanfwo bane ani, nasi chie tswe, jyang nswak ntat, jyang nswak etee, jyang akanchii kyang hu ba chwui ani. ²¹ . Yesu si ba lyip be mang ame alyat, "Ka abwo long mi sang, ani sak a tafe agbirak kya, ka ani lyau da lyebut? Ani sak da lyebut kya. ²² . A niyat ming kyang nang asimi lyen ani ba, ka a sak hu ma lilang avuo, ana li hu nte aghyang atuk. ²³ . Ati byie afufwo fak gu'a fak. ²⁴ . Asi nyie mang embe. "Yi sak afufwo yin fak, kyang hu nang a mmak ani hu wha nang anan mmak adio hu swak ma. ²⁵ Anyawa kī abie anan biyang a dio, ka ama sang, ba dadai ke abie ani ma ana san a mbiyang ati bie'u dio." ²⁶ Yesu si ngyie, Ghirak Agwaze zi li nang ati chwui yak ama bin ani. ²⁷ Ani myie a shyip a tsotson mang aketuk, zwe yak zi zite aghuut zi tabat lai ba ming lyen gu sangag zi nang zin daii ani ba. ²⁸ Yak hu ni te aghuuit abinke mang apsie hu, akung ke ni ghuut, akikwo be ban kwii, kwop hu hun hwii, tswe zi zisi ghuut di psipsie yak hu. ²⁹ Tsatsirak janzi nang yak hu mbyang amai jak ani, ati khap'u a fat alauji gu an fwong jan jak zi". ³⁰ Yesu nyie mang ambe "Dang kyang ha tai Ghirak Azwaze zi? Nang ame alyat ke ntak mang anzit ani. ³¹ Huli nang aba dadai ntswe yak ani, ³² nang kī ka te kasi chie agbandang akwon, akaman ayit nan swan ba ntat ákale mi shishiim zi." ³³ . Kakap alyat ne nang gu lyat ani a lyat mang ambe da me alyat kya kudang ayin gu'a fak di lyen gu. ³⁴ Ado lyat mang āmbe dī ma ame alyat kya ba. Azaswon azau, asi mi tak mang anyet ntam gu be kyang nang ame alyat ke yet ani. ³⁵ Azenshwung atuk akyai asi yurong anyet ntam gube asi swan amami kukwon awak hu mang ambe ³⁶ . ba si byek ata nat da manyi kyau, anyet agyang amami nkukwon bane si byek a khwii gu. ³⁷ . Ba shi mi chiyet hu a gbandang nghun si tabat hyapm nkukwon awak ne si tabat bwoi asakwot asim nhyat. ³⁸ . Wun hu si di hyap azun kukwon awak hu nang Yesu shi di khaat nde. A nyet ntam gube si fak awun basi tabat shirip gu ayai gu gu'a shyip. ³⁹ Gun shyip ani, asi kham wunhu si bwok ayong chik. ⁴⁰ Yesu lyip be di ba fwong awun nya? Iwaha mbie nang gyin sang a chuchuk atanfwo nyin ke? ⁴¹ Awun si tabat be basi tabat alyat mang agyang be a tse a lirim di dang tankai ayin ha lili whii nang wun ma fwong gu ani?