¹ Nang Yesu ndi asurong ke ani, asi ghiyak a swan da ghut, nman ntam gu ne si bai ami shiā gu. ² Asi khwuk anu gu ke asi miyam be nyiā, ³ A shwup nyin nmiyang ne nyin akunak mi ntswe, awot tyok Agwaze hu yet si nyin ha. ⁴ A shwup nyin nmyang nyin nang yi twoi anak ke ani, awot ana jong nyin fak nyinyang. ⁵ Á shwup nyin nmyang nyin a shyim fwo, yi na bang atachiā ke ⁶ Á shwup nyin nmyang nyin nang yi fwon zong ming mashii da tsatsak ani, ana tyiā nyin yi na nhyat tyantyang. ⁷ Á shwup nyin nmyang nyin yi fwong kunak ani, nyin ma ana fak kunak nyin. ⁸ Á shwup nyin nmyang nyin yi byiā a,azirak nfwo ani, yi na shiā li Agwaze. ⁹ Á shwup nyin nmyang nyin yi chat swat fak nyinyang ani, ana yai nyin nman Āgwaze. ¹⁰ Á shwup nyin nmyang nyin yi nang achiā mi zot da nyan atsatsak ani, tyok atanzwe hu yet si nyin wha. ¹¹ Á shwup nyin nmyang nyin nang a fwoi asi nghyet nyin ming zot, basi lyat akatuk nkyang, a bwoi nyin akalah da nyan ning ani. ¹² Yi gwai yi bo fak nyinyang, atan yin ke aga-gbandang wa atanzwe. Anyawa ba kun nnwak anyet shai alyat ning ne zot, asi ba ku bai aghwon nyin ani. ¹³ Nyin bya yet nfak ma tachiā ne, kī nang nfak ne shai nyinyang ne hu, ana nyiā niwa abo nshai ne an chiā nfak? Na bona yet atan nfak ba, se a wuyem ne anyet ba tiyet ming atitak. ¹⁴ Nyin bya yet sai atachiā hu. Akīrang ke nang a nok da tan ntsok ani si min takup ba. ¹⁵ Anyawa ani bwo long din sang a nyat ma tsirang ba, ani sak atanzwe avwuo saai long, konyan ali sai hu amali ke kakap. ¹⁶ Yok sai ahu hu sai anyet be di sangag zi ba na ndi atan nkyang nang anyiā ani ba ka dyep Achiā wu a shiā atanzwe ke ani. ¹⁷ Yi ngyai nbai nsirang bang zi ming átám Agaze be byia? Nbai nsirang be wa ba, mbai nchiā ba nat chachirak wa. ¹⁸ Atsak alyat wuwa nhyiā, se nang tanzwe ming abin niyet ami swak twe alyat ming ayirok na bwuk amami bang zi ba, se nang atyak kudang kyang kakap. ¹⁹ Da nyan kai, ati'u a tat ba dadai mami bang kai, asi miyam agyang anyet ba ma nyiā banya ani ana yai gu aba mandat di tyok atanzwe hu. Anyawa, ati'u asan ne asak asi bo miyam ne ani, ana yai gu agbandang min tyok atanzwe hu. ²⁰ Nshai nyin se nang yet nyin hu swak yet atsasak anyet lirun ming anyet luru be, kī da anya ba yi na nwo tyok atanzwe hu ba. ²¹ Yi fak kyang aku hyiā ming ambe niyet ma khukhwop njan ani nyiā, 'Yok hyat ayin ba', ma ati'u a hyat ayin ani gu a tabam ming zob alyat hu. ²² Ntak nyin, ma ati'u a moi lyen ming ananyiuk gu ani na swan afwon zob alyat; ati'u atak ananyiuk gu nyia, 'A yet kyang ba! na swan a fwon swat anekhwop anyet; ati'u a tak ming ananyiuk gu nyiā, 'A yet abwon', na swan a fwong long sang sangbap. ²³ Kīnang anat nwak zanang da atiā asi jyung nang ananyiuk awu bang a min fwo, ²⁴ sak zanang azi kpankpiyen ming atiā wu, tabat vak nat yi ta njhi ming ananyiuk awu asi bai ami nwak zanang azi. ²⁵ shim angang ming ati bad á alyat nang yi ni shiā din vak niyet da vwuo zob a lyat ke kalak ati bad á alyat wu na nat ming a nwan ata nwak a nkat ming a nwan at lap mi khwo. ²⁶ Ntak ming a nwan atsak ana ghwut aza ba se nang a tan ba chinchung kurum ke ka bwat ani. ²⁷ Yi ku fak alyat nyiā, 'Yok nyiā ashishik nyiā ba," ²⁸ Awad ma ati'u nang anwan abyiuk vam gu si durok ani wa ka nyiā ashishik nyiā mi fwo gu hu. ²⁹ Kīnang ali nbwak-yak ake na chiā a shot kwe, khaat ke tin, ajib, huna lan kyung nyiung mi vam ahu nan gye long ani nang ana nte vam ahu kakap mi ndong sang sangbap ani. ³⁰ Kānang bwak-yak ahu wha na chiā a shot kwe, tyat hu tin ajib, hu na lan kyung vam nyiug a hu gye long nang a na nte kakap vam ahu mi ntwe-ndong sang sangbap ani. ³¹ Asi bo hyiā nyiā, Āti'u a vwong abyiuk gu ani, gu nwak gu kwe-ambwat tyat nyirang.' ³² Ntak ming anyin, ma ati'u a kau nyirang ming abyiuk gu ani, kīda da nyan ashishik nyiā kya ba, achiā gu si wa nyiā ashishik kyang wa wai, anyawa ati'u a bwo abyiuk awai ani nyiā ashishik kyang. ³³ Yi ku fak kyang nang aku lyat agbangbang ani nyiā, "Yi yok shishi bwoi akalah, yi kyak shishi nyin zi nat dio ming Atiāli.' ³⁴ Ntak nyin yi yok shishi zi amgbam, yi yok shii tanzwe ba da nyan ke nang zi ngyet Gīrak tyok Agwaze za ani, ³⁵ yi yok shii abin ke ba da nyhan ke nang kikya ngyet kyang saai atitak gu hu ani, yi yok shii Urushelimma ba da nyan ke nang ziza ngyet agbandang akīrang Agwam ani. ³⁶ Kī da ado shii apsiā a ke ba, da nyan ke nang a si mi nbwak tswe-psiā jyiung nchiā asai kuh adindyung ba. ³⁷ Yok alyat nyin ne na yet "Ah, ah, kái, kái. Kudang kyang hu swak si hwui ani ghwut ma ti nyiā katuk wa. ³⁸ Yi ku fak kyang nang lyat ani, 'Ali da li, a nghung da nghung.' ³⁹ Ning ntak ming anyin, yi yok tyong akatuk anyet be ba; kī nang zyin lwui á di kpang nbwak-yak; jong gu si nbwak-myan hu gu abo lwui. ⁴⁰ Kīnang ayin chat nat ming anwan mi tutu zob-alyat, asi san aturo awu, jong gu jan azi mbiyang. ⁴¹ Kīnang ayin hwat a asi chong ming angu achak a nyiug, chong ming angu akachak afiyang. ⁴² Nang ati'u ashurang ming anwan ani, ayok lak jong ati'u abai kwap ming anwan ani ba. ⁴³ Yi fak aku hyiā nyiā, 'Chat ananyiuk awu a lak ati'u alak a ani.' ⁴⁴ Ning dai nyiā a chat ati'u a lak a ani a naai da nyan da nyan ati'u achat byian a ani. ⁴⁵ Yi nyiā anya yi ka shiā yet nman Achiā nyin ne a shiā atanzwe ani. Achiā wu shim mam hu, hu sai apsiā akatuk ming atan anyet, a tam ming ze zi vah mi bibin a chuchuk ming anyet nwai nyiā a chuchuk ani. ⁴⁶ Kīnang yi chat anyet ba chat nyin ani wa, dang átán kya nang yi na shiā? ⁴⁷ Anyet saai gandu be nyiā nkyang anyai nya daa? Kīnang a byat ananyiuk a wu wa, iwhaha nang a nyiā hu swak shiā akum anyet hu? Anyet ba nwai kyen Agwaze be nyiā anya daa? ⁴⁸ Da nyan akyai hu yet te wha yi nat chachirak nang Agwaze atanzwe nnat chachirak ani.