¹ Azazirak ntswe si kyak Yesu anat dio ayit, atanghirang ka mai gu. ² Nang gu kyak fwui anu nmam ming aketuk nswak nnaai, zong si tabat gu. ³ Ati mai wu si bai, gu nyiā ming angu, "Kī nwana yet ngwon Agwwze ke, chiā afank kai ka bwak achiā akonkwong." ⁴ Yesu szi shim gu nyiā, "A luru nyiā, atibijshii na shiā chet di gye akonkwong ba se ming swang alyat zi ghwut abonu Agwaze ani." ⁵ Atanghirang ke si kyak gu anat dio ma zazirak akīrang kasi ta sak gu da tan agangang tutu naai, ⁶ ka nyiā ming angu, "Kī nwana yet ngwon Agwaze ke, fip, a luru nyiā, 'Ana tin maleku ha chok'a, ba chiā nbwak bebe ba ntabat a kī da ado tuk tak da fang." ⁷ Yesu si bo tak ming anke nyiā, "A luru nyiā da ayok mak Āgwaze ba" ⁸ Atanghirang ke si bo kyak gu ata sak da gangang nok a shai gu achachat nkyang swat-nte be. ⁹ Ka nyiā ming angu, "Kakap nkyang nai, nna jong'a kīnang abkpiak a khukhwut asi byiat ning." ¹⁰ Yesu si tak ming anke nyiā, "Durok azi, atanghirang! A luru nyiā, " Agwaze awu wa nang ana dyep, a nwak gu shii ma nyin gu." ¹¹ Atanghirang ke si durok ahwon gu, maleka si bai ami kwe dyep atse agwai gu. ¹² Yesu nfak nyiā a tabat Yoona ani, asi durok anat Galilee. ¹³ Asi kai a ghwon Nazaret di kyung ata nkat Capanaum di kyung aghwui Galilee, akīrak Zebulun ming Naftali. ¹⁴ Nkyang nai bai tyak, husi yet achuchuk mat alyat nang agwak akwok a swon anyet miyam da vwuo naai nang a ngyai Ishaya ku lyat ani nyiā, ¹⁵ "Abin Zebbulun ming abin Naftali, kpenkpiyen ming aghwui ta nat atatak nchan Jordan, Galilee anyet nwai hwui! ¹⁶ Anyet ba swan mi ndyin ani shiā li sai avwuo, anyet ba ku swan ma kīrak a yet ghughu akhu ani, a tán be, anu mam si te aghwut." ¹⁸ Nang gu chong di nkyung nchan Galilee asi li ananyiuk a fiyang, Siman nang angyai Peter ani mbiyang Andirawus ananyiuk gu nang ba khwot ayaa kyoo mi nchan abwoi fan, da nyan ke nang ba ngyet ábám byia ani. ¹⁹ Yesu si yurong be nyiā, "Yi hwii ning nbwak nyin nchiā anyet yebiyet anibishii." ²⁰ Di njan azai basi kai ayaa kyoo be aghwon basi hwui gu. ²¹ Yesu si chong aniyet ázásòn ata li ananyiuk agyang, James afai Zebedi mi g Yoona ananyiuk gu a mami kukon asakwot ming achiā be wu Zebedi nang ba hut ayaa kyoo be. Asi yurong be ²² ba si ghwon achiā be wu basi hwui gu. ²³ Yesu si chong akirak Galili zi kakap, asi miyam be dakavwuo atung ne, asi shai azazirak aliyat tyok gu, asi shyim kakap tswe-nzwan zi, ming kakap zwan zi nang zi shiā ma nyet be ani. ²⁴ Nkhang gu ne si bang ata nat Siriya kakap, awat anyet be si bai ming kakap anyet nzwan, anyet vuo ming. tswe-nzwan, anyet atakhu vam, anyet kwi-long-nchan, anyet nzwan atanghirang, Yesu si shyim be. ²⁵ Agbandang asurong anyet si hwui gu niyet Galili ming Dicapolis, Urushelimma ming Judiya, bang ta nat azason Urdu.