¹ Mi mam anyai, Yoona ati nyiā Baptisman si bai niyet ma kwot akīrang Judiya ashai anyet nyiā, ² "Yi yok nyiā katuk da nyan ke nang tyok Agwaze hu nbai kpankpiyen ani." ³ Kyang nang agwak kwok aswon anyet miyam da vwuo naainwu nang a ngyai Ishaya lyat ani nyiā "Anwat ayin kya lyat ayit, 'Jyii nvak Agwaze ne yi nyep ne na nat tsatsirak." ⁴ Jan si bai nang Yoona nkup aturo a twai ming chat nkwe alakumi ani nbiyang gyep ywan kwe ndyang guhu, kyang yak guhu si yet agankwon wa ming tong. ⁵ Anyet ma kīrang Urushelimma ming Judiya ta nat a kirak Nchan Jordan si nat ata shiā gu. ⁶ Asi nyiā be Baptisman mi nchan Jordan, kīnang ba naai kwui katuk be hu. ⁷ Gu ndi Farisiyawa ming Sadukiyawa ma didit chabai ming angu achat Baptisman ani, gu nyiā ming ambe, "Nyin nman zwak, anyana hwat nyin afufwo be nyiā yi twong zot hu chabai ani? ⁸ Yi chi sum hu yet, huna bai ming kwui katuk ani. ⁹ Yi yok lyat mi ng agyang nyin nyiā "Ibrahim wa yet achiā zit". Ntak ming anyin, ka Agwaze shim a bwak nfang nai an chiā nman Ibrahim. ¹⁰ Akan sak akhwon ke an fwong aninan akon be. Akon ke ka chiā atan sum ani ba ana tyap ke amat min dong. ¹¹ Nnyiā nyin baptisman asakwot si jzii shot kwe. Agyang anyet chabai amalyim ning a swak ning ani, akwetak gube nsin kyak ba. Āna nyiā nyin baptisman ming azazirak ntswe ming long. ¹² Bibyiā guhu shiā nbwak gu nang gu nan chyok akunkwang be a tung yak guhu achiā ma gban ani. Akunkwang be, ana fwui ming long nang asin nyip ani ba. ¹³ Yesu si ghwut ma kīrang Galilee abai mi nchan Jordan ming Yoona gu a nyiā gu baptisman. ¹⁴ Yoona si shim asi tyat gu ayong dio, nyiā, "Nwana na nyiā ning baptisman zi, ning gwa nna nyiā a dioba, iwhaha abai chat da vwuo ning? ¹⁵ Yesu si shim gu dio nyiā, " Yok hu anya manini, tan wha a nyiā atsatsak kyang" Yoona si di shim. ¹⁶ Â nnyiā gu baptisman zi ani, Yesu si ghwut masakwot ne, tanzwe zisi tiyak. Asi li azazirak ntswe wu gu chwot nang abwa ani átán gu ke. ¹⁷ Anwat si ghwut atanzwe alyat nyiā, "Ngwon ning kyake nang nfak shok da nke ani."