¹ Á mbin Yesu mi Bethlehimi ākīrak Judiya āni, nang Herodus wa yet āgwam min Jan jzi, ānyet lyen nkyang si ghuut ma kīrang Urushelimma ābai tse alirim nyiā, ² ajzi wa nang an bin Ātsak Yahudawa wu? Zi li atangwat gu ke kya zi sin bai zi jong gu shii. ³ Āgwam Firauna nfak āni, two guhu si nyan amgbam ming ānyet Urushelimma be. ⁴ Herodus si tung àchachat āyaa ākwoi aswon ānyet hwii ming ānyet luru be āsi lyip be nyiā "Azi wa nang an mbin Christi wu?" ⁵ Basi tak ming angu nyiā mi Bethlehimi ákirang Judiya, anyawa nang nman ntam Āgwaze ne nduru. ⁶ Nwan Bethlehimi ākīrak Judiya, nwan'a yet ādadai ma nyet bang Judiya, da vwuo'a kya nang ati bang ānyet Isrela nan ghuut. ⁷ Herodus si yirong ānyet lyen be da bang āsi lyip be jan jzi nang atangwat ke nghuut āni. ⁸ Āsi Tam be ba nat Bethlehimi, nyiā "Yi nat yi ta chat ábá ngwon ke zozwop. Kī yi li ke, yi bai yimi tak ning, ningma ntabat vak nnat nta byat ke." ⁹ Ba nfāk ālyat ágwam ne āni, basi tabat vak, atangwat ke ba li āni si kai āswon nang ba nhwui, mask ta yong tsatsirak da vwuo ke ngwon ke nshiā āni. ¹⁰ Ba ndi atangwat ke āni, basi gwai gbadandang. ¹¹ Basi nwo ámali ke āta shiā ngwon āfai ke ming āyang ke wu Mariyamu, basi takwut basi jong ke shii. Basi nang ke zanang kurum ming turare nyinyáng nswam mbiyang hyau kwon. ¹² Āgwaze si hwat be afufwo ba yok kai da vwuo Herodus ba, basi fak basi durok akai vak ghyang. ¹³ Basi ngwon avwuo ke ani, maleka si bai da vwuo Yusufu da maboi zīsi tak gu nyiā "durok ákyak ngwon ke ming āyang ke wu á nkat Egypt" Swan ajza ta nat Jan jzi nna tak ming anwan āni, da nyan ke nang Herodus na nchat ngwon ke di hyat ani." ¹⁴ Ākyetuk ākyai Yusufu si durok ákyak ngwon ke ming āyang ke wu ánat dio Egypt. ¹⁵ Āsi ta swan ajza tabat Jan jzi nang Herodus nkhu āni. Si hwuii há si bai tyak kyang nang Āgwaze lyat ābonu ágwam āyaa kwok āswon ānyet avwuo naai be āni nyiā "Nghurong ngwon ning ke nghuut dio mi Egypt." ¹⁷ Husi nat tyak kyang nang Jerimiya, agwak akwok aswon anyet avwuo naai be ndyat ani. ¹⁸ "Angwat mi Ramah twoi atse a swan a hwan, Rachel twoi da nyan nman gu, asi lak fak naai shyim fwo da nyan ke nang ba bo nshiā ani ba. ¹⁹ Herodus nkhu ani, maleka Agwaze si bai mi Yusufu ma bobwoi nang gu shiā Egypt, zisi tak gu nyiā, ²⁰ "Tagham a kyak ngwon ke ming ayang ke wu anat abin Ezirela da nyan ke nang anyet na nchat ke di hyat ani. ²¹ Yusufu si durok akyak ngwon ke ming ayang ke wu asi ta nkat ming ambe ma bin Izirela. ²² Gu nfak nyiā Archelus bang tyok achiā guhu Judiya ani, asi fak awun di nat aza hu. Āgwaze nhwat gu afufwo ma boboi ne ani, asi durok aghwon Galilee ²³ asi nat ata swan ma kīrang Nazaret. Hu hwa nat sangbap kyang nang a hyiā abonu ayaa gwak kwok aswon anyet miyam ma kavwuo naai ne ani, nyiā ana ngyai gu ati Nazaret.